John 9:31 - Annaahk John Manistsitsinikatahpi Jesus Manistsipaitapiihpiai 1979

³¹ Issksini̱ʼpa A̱ʼpistotookiwa o̱tsawanista̱i̱ʼtoahsi maka̱ʼpipaitapiiksi. Ki a̱ksisstsiiwakatsiiwa omi̱i̱ksi o̱tsspimmokiksi, omi̱i̱ksi a̱nisttotsimiksi otsitsi̱i̱htaanistsi.

John 9:31 ပူးပေါင်းရင်းမြစ်များ

John 11:22

Ki ni̱tssksiniihpa a̱nnohka kita̱a̱nistahpi A̱ʼpistotookiwa kita̱kanisttotomooka.”

John 15:16

Kiisto̱aawa, kima̱tssiikoʼtookihpoaawa. Niisto̱wa ki̱tssiikoʼtoohpoaawa. Kanistsi̱poʼtoohpoaawa ka̱a̱hkohkanawa̱niitoohsoayi. Kipa̱i̱tapiʼssoaawayi a̱kitohtoʼtsistapitsstsiiwa iihtohko̱i̱kioʼpi. Kii a̱a̱mohka iihtohko̱i̱kioʼpihka ma̱takssikihtsi̱i̱waatsiksi. Ki a̱nnimayii aoka̱manistainoainiki ni̱nna ikka̱mohtokamanistainoainiki kita̱mssoayi ami̱i̱ksiska itoma̱i̱ʼtakiiksi niisto̱yi kita̱ki̱tohkanaohkokkoaawa kitsi̱i̱kamanistahpoaawayi.

John 4:34

Sota̱maniiwa oma̱a Jesus, “Nita̱waanisttotsiihpa otsitsi̱i̱htaanistsi annaahka nito̱ʼtsskoohkahka, annaahka A̱ʼpistotookiwahka, kii nita̱akohkanaiksistaʼpoʼtsiihpa ota̱ʼpoʼtakssini. A̱a̱mohka nita̱wanisttotsiihpihka, ki a̱nnihkayii nimi̱i̱ksi̱stsoahsini.

John 7:17

Oma̱a mata̱piiwa ikka̱msskskaʼtsimaasi ma̱a̱hkanisttotsissi A̱ʼpistotookiyi otsitsi̱i̱htaani a̱nnahkayii a̱kohtohkoissksinima nitssksini̱maatstohkssini. A̱kitssksinima ikka̱mohtoʼtsstsisi A̱ʼpistotookiwa kia̱ya niisto̱wa niksi̱mstaani.

John 9:30

O̱ki. Ki oma̱a ni̱naawa sota̱manistsiiwaiksi, “Tsi̱kohtsipisatsiʼtaki a̱a̱mohka kita̱a̱niihpoaawayihka. Ni̱tohkokka nitsa̱a̱pssini. Ki kiisto̱aawa kita̱waaniihpoaawa kima̱tsikakssksinoawaawaatsi o̱mohtoʼtoohpi.

John 9:32

Anni̱i̱ka ota̱o̱ʼmatapitsstsissi anno̱o ksa̱a̱hkommi, ki a̱nnika ma̱taonoaitaisstsiihpa mata̱pii a̱a̱hkohkotsiiwa ami̱i na̱a̱psstsii aapssi̱ni iihpipo̱kaayi.