John 9:29 - Annaahk John Manistsitsinikatahpi Jesus Manistsipaitapiihpiai 1979

²⁹ Ni̱tssksiniihpinnaan A̱ʼpistotookiwa na̱i̱sitsipssatsiiwa Mosesi. Ki oma̱a ki̱tohkottotooka nima̱tsikakssksiniihpinnaan o̱mohtoʼtoohpi.”

John 9:29 ပူးပေါင်းရင်းမြစ်များ

John 1:17

Issko̱o̱htsik A̱ʼpistotookiwa iihtohko̱i̱kiiwa Moses ma̱a̱hkohtohkokkssi natowo̱kakihtsimaani. Kii a̱nnohka A̱ʼpistotookiwa iihtohko̱i̱kiiwa Jesus Christ ma̱a̱hkanisttotsissi manistsi̱ksisttoakkihpi ma̱a̱hksipoohsapikimmapiissi.

John 7:27

Kiisto̱nnoon ina̱o̱ʼkssksiniihpa omiima o̱mohtoʼtoohpima Jesus. Ki A̱ʼpistotookiwa anniska o̱mohtakohkoikiihpiska, ma̱takitsstsiʼpa a̱a̱hkssksinimi o̱mohtoʼtoohpiayi. Ki a̱nnihkayii iihtssksini̱i̱ʼpa Jesus ma̱takohkottamiiwa.”

John 7:28

O̱ki. A̱nniai Jesus sota̱mitsipiima omii o̱mahkitawaatsi̱moihkaaoʼpi. A̱i̱sohkssitsipssatsiiwa omi̱i̱ksi ota̱i̱ssksinima̱atsaaiksi manista̱ksokaʼpoohto̱yihpiaiksi. A̱a̱niiwa, “Oki. Kanistsi̱ksimsstaahpoaawa, ka̱a̱hkssksinookihpoaawa kii no̱mohtoʼtoohpii. Kitsi̱pahtsiiksimsstaahpoaawa. Kita̱o̱kamoʼtanistohpoaawa iitsstsi̱i̱hpa nitsipo̱o̱hsapsskooki. A̱nnahkayi no̱mohtoʼtoo. Nima̱ta̱wattaistoohpa. Osto̱yi nitsipo̱o̱hsapsskooka. Ki kiisto̱aawa kima̱tssksinoaawaawaatsiksi.

John 8:14

O̱tsska̱nikkoaayaawayi, “Niisto̱wa imaksi̱ʼpoataomoohsiiniki nita̱kohkottomaiʼtookoowa nita̱a̱niihpi, takaa niisto̱wa ni̱tssksiniihpa no̱mohtoʼtoohpi kii nita̱kitapoohpi. Kiisto̱aawa kima̱tssksiniʼpoaawa no̱mohtoʼtoohpi ki nita̱akitapoohpi.

John 9:16

O̱ki. Ki a̱nnihkayii ami̱i̱ksi noohka̱ttanistapssiiksi Pharisees sota̱maniiyaawa, “Anna̱a̱hka Jesusahka ma̱taʼpaoʼtomoyiiwaatsiksi anniiska A̱ʼpistotookiiyi. Osto̱yi ma̱tanistaiʼtsi̱maatsi issiko̱piiksistsikookakihtsimaanistsi.” Kii anni̱i̱ksi istsi̱kiiksi a̱a̱niiyaawa, “Kii maka̱ʼpiipaitapiiksi ma̱taakohkottsipisataistamatstohki̱waiksi annoohka a̱nni.” Ki a̱nniai niitaya̱a̱kiitsiksimstaayaawa omi̱i̱ksi Pharisees.

John 9:24

O̱ki. Ki omi̱i̱ksi Pharisees a̱a̱ttsistainihkatsiiyaawa omi̱i ni̱nnayi na̱yaapsstsii ota̱i̱ʼpokayissi. A̱a̱nistsiiyaawayi, “O̱ki. A̱nnoohka kita̱yoohtooka A̱ʼpistotookiwa. Sota̱mokamoʼtaniit! Niisto̱nnaan nino̱o̱hkssksiniihpinnaana otoka̱ʼpipaitapiiʼssi annaahka Jesusahka.”

John 9:30

O̱ki. Ki oma̱a ni̱naawa sota̱manistsiiwaiksi, “Tsi̱kohtsipisatsiʼtaki a̱a̱mohka kita̱a̱niihpoaawayihka. Ni̱tohkokka nitsa̱a̱pssini. Ki kiisto̱aawa kita̱waaniihpoaawa kima̱tsikakssksinoawaawaatsi o̱mohtoʼtoohpi.