John 8:52 - Annaahk John Manistsitsinikatahpi Jesus Manistsipaitapiihpiai 1979

⁵² Oso̱tamanikka omi̱i̱ksi isto̱ʼtotamaʼpssiksi Jews, “A̱nnohka a̱a̱mohka kita̱a̱niihpihka nino̱o̱hkohtoʼtssksiniihpinnaan otsi̱tsstsissi maka̱ʼpatoʼsi kitsi̱i̱stomatai. Annaahka Abrahamahk, aka̱i̱ʼniiwa. Ki o̱o̱miksika issko̱o̱htsiksika a̱waatoyiʼpoyiiksika a̱kaohkanaiʼniiyaawa. Kiisto̱wa kita̱waani ki̱tohkananistaiʼtookiksi kita̱a̱niihpistsi ma̱taksiʼni̱i̱waiksi.

John 8:52 ပူးပေါင်းရင်းမြစ်များ

John 1:19

O̱ki. A̱a̱moksayi mata̱piiksi iihto̱ʼto̱oyaawa Jerusalem. Itsita̱pooyaawa John. Anni̱i̱ksi anista̱pssiiyi naato̱yaapiikoani ki anni̱i̱ksi anista̱pssiiyi omi̱i̱ksiska a̱o̱toiʼtsikatoomikska o̱mahkitawaatsi̱moihkaaoʼpi. Omi̱i̱ksi isto̱ʼtotamaʼpssiiksi Jews ita̱psskoyiiyaawa amokska mata̱piikska John ma̱a̱hksopoahtsiisatahsaawayi tsika̱a̱hta osto̱yi.

John 14:23

Jesus itani̱i̱wa, “O̱ki, kana̱i̱tapiiwa nita̱komimmokiksi, a̱kanistaiʼtsimiawa nita̱a̱niihpistsi. Ota̱kitakomimmokoaawa ni̱nni. Ni̱nna ki nisto̱wa nita̱kitoʼtoohpinnaan omi̱i̱ksi. Nita̱kitaisksohpokaʼpaissiimannaaniaawa.

John 15:20

O̱ki. Pina̱atstooka anniihka kita̱a̱nistohpoaawayihka. Kitsi̱totoisapsskanistohpoaawa oma̱a a̱ʼpaoʼtomohkiwa ma̱toʼtsitsksspssiiwa otsi̱naaimi. Omi̱i̱ksi ka̱taʼyaomaiʼtakiiksi nitsaa̱kamoʼsistotookiaawa, kiisto̱aawa kita̱kstamoohkattsao̱kamoʼtsistotookoaayaawa. Ma̱tanistaiʼtsi̱maiks nita̱a̱niihpi. Ki a̱nnimayi a̱kstamoohkattsitsawanistaiʼtsimiaawa kita̱a̱niihpoaawayi.

John 17:6

Omi̱i̱ksi kitsi̱tohkokkihpiksi anno̱o istsitapi̱i̱ksi ksa̱a̱hkommi nita̱i̱stamatsaayaawa kiisto̱wa kanista̱pitapiiyihpi. Kiisto̱wa kitsina̱a̱natayaawa, kii niisto̱wa kitohkokkiaawa, ki sota̱manistsiʼtsimiaawa kitsi̱i̱ʼpoahsini.

John 7:20

Sota̱maniiyaawa, “A̱a̱hkitsstsiihpa maka̱ʼpatoʼsi kitsi̱pstsistomataai ka̱a̱hkawaanikki a̱nni ka̱a̱hkanista̱i̱ʼpoyissi. Ma̱tsitsstsiihpa a̱a̱hkayikaʼkimaai ka̱akhksiʼniyissi.”

John 8:22

Ki omi̱i̱ksi isto̱ʼtotamaʼpssiiksi Jews ki a̱nniksayii a̱waaniiyaawa, “Ma̱ʼkawaaniiwa ‘Omiim nita̱yakitapoohpim kiisto̱a̱awa kima̱takohkottsitoʼtoohpoaawa.’ Ika̱nistohtako a̱nni a̱waaniiwa ma̱a̱hksiʼnitohsi. Ma̱ʼkanistaiʼpoyiiwa.”

John 8:48

Ki amo̱ksi isto̱ʼtotamaʼpssiksi Jews a̱a̱nistsiiyaawa Jesusi, “Ni̱niita̱ʼpo̱manistoohpinnaana anniihka kita̱a̱ʼnistohsi kitsi̱totoisapokaʼpitapiiyi anni̱i̱ksiska Samaritans, ki a̱a̱hkitsstsiihpa maka̱ʼpatoʼsi kitsi̱i̱stomatai.”

John 8:51

Kita̱kanistohpoaawa niitsi̱i̱yi. Kana̱i̱tapiiyi nita̱nistsiʼtookiksi nita̱a̱niihpistsi ma̱takohkoiʼni̱i̱waiksi.”

John 8:55

Kiisto̱aawa kima̱tomaikakssksinoawaawa. Niisto̱wa nino̱o̱hkssksinoaawa. Nita̱a̱niihtopi nitsawa̱i̱ssksinoahsi nita̱a̱ksayiipitsi, a̱nni kiisto̱aawa kanista̱i̱sayiipitsspoaawayi. Ki nino̱o̱hkssksinoawa, ki nitanista̱i̱ʼtoawa ota̱a̱niihpistsi.

John 9:24

O̱ki. Ki omi̱i̱ksi Pharisees a̱a̱ttsistainihkatsiiyaawa omi̱i ni̱nnayi na̱yaapsstsii ota̱i̱ʼpokayissi. A̱a̱nistsiiyaawayi, “O̱ki. A̱nnoohka kita̱yoohtooka A̱ʼpistotookiwa. Sota̱mokamoʼtaniit! Niisto̱nnaan nino̱o̱hkssksiniihpinnaana otoka̱ʼpipaitapiiʼssi annaahka Jesusahka.”