John 8:33 - Annaahk John Manistsitsinikatahpi Jesus Manistsipaitapiihpiai 1979

³³ Itani̱stsiiyaawa Jesusi, “Kimaʼkanissi nita̱ksiksisstoipoʼtootsspinnaan. Ika̱nistohtakowa a̱nni kita̱waaniihpi niisto̱nnaana a̱nnikskaoʼki anni̱i̱ksiska a̱i̱sskohtaʼpoʼtakia̱ttsaaikska. Anista̱pssoʼpi Jews iihtsi̱stapaahkoyipaitapiioʼpa Abraham. Ki a̱nniai matonoawanistapssoʼpa anniiksiska a̱i̱sskohtaʼpoʼtakia̱ttsaaiksi. Nima̱tanistapsspinnaan anni̱i̱kska a̱i̱sskohtaʼpoʼtakia̱ttsaiksi. Nima̱takstsinaiʼksisstoipoʼtootsspinnaan.”

John 8:33 ပူးပေါင်းရင်းမြစ်များ

John 19:25

A̱nnihkayi iihtani̱stsiwa ma̱a̱hksikahtssaawa omi̱i̱ksi a̱wawahkaoʼtsiiksi. O̱ki. Ki a̱nniksaoʼkiaawa Jesus oksi̱sstsi ki oksi̱sstsi o̱mohpapiʼihpiayi ki oma̱a noohka̱ttanistawa Mary (a̱nniskaoʼkinai Clopas otohki̱i̱mani) ki oma̱a Mary Magdalene. Ito̱ʼtsipoyiiyaawa Jesus ita̱woisstaahpi.

John 8:37

Ni̱tssksiniihpa ko̱mohtsistapaahkoyipaitapiihpoaawa Abraham. Kii kitsi̱naoʼkaisstakkihpoaawa ka̱a̱hkiʼnikkssoayi. Ko̱mohtaisstakkihpoaawa ka̱a̱hksiʼnikkssoayi kitsawa̱koʼtsissoaayi nita̱a̱niihpistsi.

John 8:39

O̱ki otsi̱tanikkaiksi, “No̱mohtoʼtsipaitapiihpinnaan Abraham. A̱nnahkaoʼka nita̱onnimmannaana.” Jesus itani̱stsiiwaiksi “Kito̱nnimmawaawahtopi kita̱kanistsipaitapiiyihpoaawa osto̱yi manistsi̱paitapiiyihpi.

John 8:43

Kita̱kanistohpoaawa ko̱mohtsaotsistapiʼtsiihpoaayi nita̱a̱niihpistsi. Ko̱mohtsaotsistapiʼtsiihpoaayaawa ki̱tsaohkottonissoayi tanista̱pawaaniihpi.