John 8:20 - Annaahk John Manistsitsinikatahpi Jesus Manistsipaitapiihpiai 1979

²⁰ A̱nniai a̱a̱niiwa Jesus. Omii o̱mahkitawaatsi̱moihkaaoʼpi omii ita̱i̱kkitstakioʼpi iihta̱o̱pommaoʼpi, a̱nnimaoʼka otsi̱taniihpi a̱a̱mohka. Ki ma̱tsitsinna̱waatsi. Takaa ma̱tomaoʼtsstsi̱i̱wa ita̱aksiʼnitahpi.

John 8:20 ပူးပေါင်းရင်းမြစ်များ

John 10:39

O̱ki. A̱nnimayii ma̱ttomatapssaaksinniiyaawa omi̱i Jesus, ki iihko̱ttsiistapa̱aatsiiwaiksi.

John 2:4

Jesus itani̱stsiiwayi, “Naʼa̱a. Ni ta̱wanisttsiihpistsi kima̱tsitoʼtohkoyikiihpa. Ma̱tomaoʼtsstsiiwa nitsi̱takanisttotsiihpi nita̱kanisttotsiihpi.”

John 7:14

Kii ki aihtatsi̱kiokstoohsi amo̱stsi o̱mahksiksistsikoistsi, oma̱a Jesus itsita̱poowa omii o̱mahkitawaatsi̱moihkaaoʼpi. Ki sota̱mssksinimaatstohkiwa.

John 7:30

O̱ki. A̱nniayii a̱i̱ʼtsstsiihpa ota̱i̱ssa̱aksinnoki ma̱a̱hki̱tohtoipiyissi. Kii ina̱o̱ʼksaomiitaoʼtsstsiiwa ita̱aksiʼnitahpi. Ka̱a̱tsaitsstsiiʼpa otsiki̱i̱htooki.

John 7:44

Ki anni̱i̱ksi i̱i̱kstaayaawa ma̱ahksinnahsaawayi, ki ina̱o̱ʼksaitsstsiihpa ma̱a̱hksikiihtooki.

John 7:8

Kiisto̱aawa sta̱mawattsitapook omii otsi̱taohkanaʼpssatoohpiaawa o̱mahksiksistsikoi. Niisto̱wa nima̱takitapoohpa annohka. Ma̱tomaitaoʼtsstsiiwa nitsi̱taakitapoohpi.”

John 8:2

Kii ki a̱i̱ʼkskanaotonni ki o̱o̱mahkaoʼka Jesus ma̱ttsskitapoowa omiima o̱mahkitawatsimoihkaaoʼpi. Ki a̱nniiksayii aka̱i̱tapiiyi Jesus ota̱o̱toyisstsiiwokiksi. Ki osto̱yi ita̱aka̱opiiwa. Ai̱ssksinimaatsiiwaiksi.

John 8:59

O̱ki. A̱nniayi omi̱i̱ksi isto̱ʼtotamaʼpssiiksi Jews itoma̱tapoʼtakiyaawa o̱o̱hkotoki ma̱a̱hkohtsisskaiʼtatahpiaawa Jesus. Ki Jesus sota̱mikaksiistapa̱aatsiiwaiksi. Ki a̱nnimayi sta̱mitsakskihtsima omii o̱mahkitawaatsimoihkaaoʼpi.