John 8:15 - Annaahk John Manistsitsinikatahpi Jesus Manistsipaitapiihpiai 1979

¹⁵ Kiisto̱aawa kita̱i̱ʼto̱manistsskskaʼtsimaahpoaawa mata̱piiksi manista̱i̱sskskaʼtsimaahpiaawa. Ki a̱nnihkayii ko̱mohtsawaomaiʼtookihpoaawa nanista̱i̱tsinikaʼsspi. Niisto̱wa a̱nnohka ma̱tsitsstsiihpa naa̱hkohtaokakihtsimatai opahtsa̱ʼpssini.

John 8:15 ပူးပေါင်းရင်းမြစ်များ

John 12:47

O̱ki. Oma̱a ayo̱o̱htsima nita̱a̱niihpistsi, ikka̱msawanistai̱ʼtsisaistsi, niisto̱wa nima̱tohtaokakihtsimatawa opahtsa̱ʼpssini. Nima̱tsitohtsitoʼtoohpa anno̱o ksa̱a̱hkommi na̱a̱hkitokakihtsimatahsi mata̱piiksi. No̱mohtsitoʼtoo na̱a̱hksikamotsi̱i̱piahsaawa.

John 18:36

Itani̱i̱wa Jesus, “Nitsi̱naaiʼssini ma̱tohtoʼtsstsiiwa anno̱o ksa̱a̱hkommi. Nanista̱psstopi a̱nni ami̱i̱ksi istsi̱naaiksi anno̱o ksa̱a̱hkomm nima̱nikapiimiksi a̱a̱hkstaoʼksipoʼtsiʼtskaamiwopiaawa ami̱i̱ksi Jews. Ki a̱nnihkayii ami̱i̱ksi Jews nima̱takohkottsa̱minno̱kaiksi. Nitsi̱naiʼssini ma̱tohtoʼtsstsiiwa anno̱o ksa̱a̱hkommi.”

John 3:17

A̱ʼpistotookiwa na̱o̱ʼtsskoyiwa ohko̱yi anno̱o ksa̱a̱hkomma. Ma̱tohtoʼtsskoyiiwaatsiksi ma̱ahkohtsitokakihtsimatahsi o̱tapiʼsini otoka̱ʼpipaitapiʼssoaawaistsi. Iihto̱ʼtsskoyiiwayi ma̱a̱hkohtohkoyikissayi ma̱a̱hkohtsikamotsi̱i̱piaahsi o̱tapiʼsini.

John 7:24

Kima̱haisopoyaʼpsskskaʼtsiihpoaawa kanista̱i̱mmokihpoaawayi. Kita̱kohkotto̱kamoʼtsskskaʼtsiihpoaawa annihka ta̱nisttotsiihpihka.”

John 8:11

A̱a̱niiyinai “Saa. Annoohka ma̱tsitsstsiihpa.” Ki itani̱stsiiwayi, “Ki niisto̱wa kino̱o̱hkattsaotoiʼmo. Annoohka sota̱momatapoot. Kii sta̱miksiwa̱atoota kipahtsa̱ʼpssiistsi. Pina̱ttokaʼpipaitapiiyit.”]