John 7:31 - Annaahk John Manistsitsinikatahpi Jesus Manistsipaitapiihpiai 1979

³¹ Sota̱mitakaitapiiyi iima̱i̱ʼtoyiiksi Jesus. A̱a̱niiyaawa otsska̱akaohsi otsipisata̱i̱stamatstohkssiistsi; a̱kohkottohtoʼtssksiniihpa ota̱mssayi A̱ʼpistotookiwa anniiska ota̱kohkoikiihpiska.

John 7:31 ပူးပေါင်းရင်းမြစ်များ

John 11:45

O̱ki. Omi̱i̱ksi isto̱ʼtotamaʼpssiiksi Jews na̱o̱tooksisawaatsiiksi omi̱i Mary na̱i̱nimiaawa Jesus ota̱nisttsiihpi. Itsi̱tsspiakaitapiiyi iimata̱pomaiʼtoyiiksi Jesus.

John 12:42

O̱ki. Ki a̱nnihkayii isskohta̱a̱kaitapiiyi omi̱i̱ksi oʼtota̱maʼpssiiksi na̱o̱maiʼtoyiiksi Jesus. Kii sota̱msstonnoyiiyaawa omiiksi Pharisees. Ki a̱nnihkayii iihtsawa̱i̱sska̱akaniiyaawa ota̱o̱maiʼtakssaawa. Ma̱taissta̱a̱waiksaawa a̱a̱hkohtsaisskoahsaawa otsi̱tawaatsi̱moihkaahpoaayi.

John 2:11

O̱ki. A̱a̱mohkayii otsi̱stsitsawaistamatstohkssina opisata̱ʼpssina oma̱a Jesus. A̱nnima itani̱sttotsimayi omiim aka̱i̱tapissko i Cana. Istaka̱i̱tapisskowa omii Galilee. Kii a̱nnimayii ita̱i̱stamatstohkatooma mani̱stsspsspi ki oma̱nikapiimiksi otsi̱tomatapomaiʼtookaiksi.

John 3:2

Si̱i̱pioksisawa̱aatsiiwa ami̱i Jesus. Sota̱manistsiiwa̱yi “O̱ki a̱i̱ssksinimaatstohki. Ni̱tssksiniʼpinnaan kito̱ʼtssko̱yissi A̱ʼpistotookiwa ka̱ahkitssksinimaatstohkssi. Taka̱a kika̱taiʼsspommo̱yihtopi A̱ʼpistotookiwa kima̱takohkottanisttotsiihpa a̱a̱mostsi kipisa̱taistamatstohkssiistsi.”

John 4:29

“Oki̱h. A̱a̱hkonotoinoa̱wa anna̱a̱hkayii ni̱naawa. Nita̱a̱nikka ni̱tohkanawa̱nisttsiihpists. A̱a̱hkstaʼmiiwahtaoʼtsinayi A̱ʼpistotookiwa anniiska o̱mohtakohkoikiihpiska.”

John 4:39

O̱ki. Kii omi̱i̱ksi istsitapi̱i̱ksi Samaria a̱nni aka̱i̱tapisskoyii ita̱o̱piiksi, itaka̱i̱tapiiyi iima̱i̱ʼtoyiiksi Jesus. Iihtoma̱i̱ʼtakiiyaawa omi̱i aaki̱i̱yi ota̱nissayi “Nita̱nikka ni̱tohkanawanisttsissiistsi.”

John 6:2

Kii aka̱i̱tapiiyi itohpo̱ʼkiisapooyaawa omii otsi̱tapoohpi Jesus. Na̱i̱noyiiyaawa Jesus opisata̱i̱stamatstohkssiistsi mani̱stohkottotoahsayi a̱i̱sttsiistomiksi. A̱nnihkayii iihtohpo̱ʼkiio̱oyaawa.

John 7:26

Issa̱ʼtsik. Osto̱yi ita̱i̱ʼpoyiiwa otsi̱takaitapiihpi ki oso̱tamssaissika̱attsooka kita̱toaʼpinaiminnooniksi. Iika̱nistsinattsiwa a̱nni a̱i̱ksimstatsiiyaawa Jesusi otsi̱i̱taʼpamssayi A̱ʼpistotookiwa o̱mohtakohkoikiihpiska a̱yaksikamotsiipiookiiyi. Issksini̱ʼpa ma̱tanistsiksimsstaawaiksaawa.

John 9:16

O̱ki. Ki a̱nnihkayii ami̱i̱ksi noohka̱ttanistapssiiksi Pharisees sota̱maniiyaawa, “Anna̱a̱hka Jesusahka ma̱taʼpaoʼtomoyiiwaatsiksi anniiska A̱ʼpistotookiiyi. Osto̱yi ma̱tanistaiʼtsi̱maatsi issiko̱piiksistsikookakihtsimaanistsi.” Kii anni̱i̱ksi istsi̱kiiksi a̱a̱niiyaawa, “Kii maka̱ʼpiipaitapiiksi ma̱taakohkottsipisataistamatstohki̱waiksi annoohka a̱nni.” Ki a̱nniai niitaya̱a̱kiitsiksimstaayaawa omi̱i̱ksi Pharisees.