John 7:28 - Annaahk John Manistsitsinikatahpi Jesus Manistsipaitapiihpiai 1979

²⁸ O̱ki. A̱nniai Jesus sota̱mitsipiima omii o̱mahkitawaatsi̱moihkaaoʼpi. A̱i̱sohkssitsipssatsiiwa omi̱i̱ksi ota̱i̱ssksinima̱atsaaiksi manista̱ksokaʼpoohto̱yihpiaiksi. A̱a̱niiwa, “Oki. Kanistsi̱ksimsstaahpoaawa, ka̱a̱hkssksinookihpoaawa kii no̱mohtoʼtoohpii. Kitsi̱pahtsiiksimsstaahpoaawa. Kita̱o̱kamoʼtanistohpoaawa iitsstsi̱i̱hpa nitsipo̱o̱hsapsskooki. A̱nnahkayi no̱mohtoʼtoo. Nima̱ta̱wattaistoohpa. Osto̱yi nitsipo̱o̱hsapsskooka. Ki kiisto̱aawa kima̱tssksinoaawaawaatsiksi.

John 7:28 ပူးပေါင်းရင်းမြစ်များ

John 1:46

Nathanaela sota̱msayiʼtakiwa. Itani̱stsiiwa Philipi “Nanistsi̱ksimssta Nazareth a̱a̱hkstaiʼsayikakitsstsiihpa a̱a̱hkohtoʼtsstsii noohkso̱kaʼpii.” Kii Philip itsska̱nistsiiwayi, “Awa̱ttsipoohsotoohkoissksinoosa.”

John 10:36

Ki a̱a̱mohka kita̱kohkottohtoʼtssksiniihpoaawa ma̱tokaʼpiiwa ta̱a̱niihpi, takaa niisto̱akaoʼka o̱tssikahksipoʼtoayi ni̱nna A̱ʼpistotookiwa. Nitsi̱toʼtsskooka anno̱o ksa̱a̱hkommi. Kita̱kohkottsawaaniihpoaawa iiko̱kaʼpiiwa tani̱stohtaiʼpoyiihpi A̱ʼpistotooki aniihka nita̱a̱niihpihka nisto̱wa a̱nniskaoʼkinai A̱ʼpistotookiwa ohko̱yi.

John 12:49

Takaa niisto̱wa nima̱tawattsiʼpoyiihpa. Annaahka nito̱ʼtsskookahka ni̱nnahka nita̱a̱nikka na̱a̱hkstsinaaʼnistsiʼpoyissi.

John 14:10

Kaahkstama̱i̱ʼsayiʼtookihpoaawa nomohpipa̱i̱tapiiʼssi ni̱nna, ki ni̱nna omohpipa̱i̱tapiiʼssi niisto̱yi. Kii amo̱stska kita̱a̱nistohpoaawaistska nima̱tawattanistoohpiaawa. Ni̱nna iihpipa̱itapiiwa niisto̱i kii omi̱i̱stsi nita̱wanisttsiihpistsi, oosto̱yi a̱nnahkaoʼka a̱wattanisttotsimaistsi.

John 14:31

Ki a̱nnohka, ta̱kaistamaatsaawa o̱tapiʼssini nita̱komimmahsi ni̱nni; nanista̱niiyihpi ni̱nni, a̱nniai nita̱kanisttsi. Oki̱h. A̱a̱hkonomatapaaoʼpa.”

John 16:3

A̱nni a̱kohtanistaʼpaissiiyaawa otsawa̱i̱ssksinoahsaawa ni̱nni ki niisto̱yi.

John 17:25

A̱yo ni̱nna. Kiisto̱wa kitsiko̱kamoʼtaʼpssi. Ka̱taʼyaomaiʼtakiiksi kima̱tssksinookiaawa. Niisto̱wa kitsi̱naoʼkssksinoo ki amo̱ksi ki̱tssksinookiaawa kiisto a̱nnayii kito̱ʼtsskookssi.

John 17:3

Omi̱i̱ksi niita̱ʼpssksinookiksi, a̱nniksaoʼki a̱kaissksipaitapiiyaawa. Omi̱i̱ksi ki̱niitaʼpsskinookiiksi kiisto̱ahkaoʼka niʼtsita̱piiwahka nita̱ʼpanistapssiwahka A̱ʼpistotooki, omi̱i̱ksi ni̱niitapsskinookiksi niisto̱ahkaoʼk annaahk Jesus Christ, annaahka kitoʼtsskoaawahka, a̱nniksaoʼki a̱kaisskipaitapiiyaawa.

John 3:2

Si̱i̱pioksisawa̱aatsiiwa ami̱i Jesus. Sota̱manistsiiwa̱yi “O̱ki a̱i̱ssksinimaatstohki. Ni̱tssksiniʼpinnaan kito̱ʼtssko̱yissi A̱ʼpistotookiwa ka̱ahkitssksinimaatstohkssi. Taka̱a kika̱taiʼsspommo̱yihtopi A̱ʼpistotookiwa kima̱takohkottanisttotsiihpa a̱a̱mostsi kipisa̱taistamatstohkssiistsi.”

John 3:33

Kii omi̱i̱ksi iima̱i̱ oyiiksi a̱kaawaanistoomiaawa otssksini̱ssaawa a̱isksa̱omaniiyinai omi̱i A̱ʼpistotookiiyi.

John 5:32

Ki ina̱o̱ʼkitsstsiihpa istsi̱ka nita̱o̱kamoʼta̱i̱ʼpoatomooka. Kii ni̱tssksiniihpa oosto̱yi i ihta̱o̱maniiʼpoyiiwa niisto̱yi.

John 5:43

Niisto̱wa no̱mohtoʼtoowa na̱a̱hkitaʼpoʼtomoahsii Ni̱nna A̱ʼpistotookiwa. Kii ki̱tsstsimimmokihpoaawa. Ikkami̱tsstsiihki kayi̱sstaʼpitawaanii A̱ʼpistotooki otsipo̱o̱hsapsskoyissi kita̱kitsiksimatomaiʼtoawaawa.

John 6:42

A̱waaniiyaawa, “Osto̱yi a̱nnaoʼka annaahka Jesus, ohko̱yi Joseph. Kiisto̱nnoona issksino̱ayi o̱nni ki oksi̱sstsi. A̱kohkottsawaniiwa ‘No̱mohtoʼtoo isspo̱o̱htsi’.”

John 7:14

Kii ki aihtatsi̱kiokstoohsi amo̱stsi o̱mahksiksistsikoistsi, oma̱a Jesus itsita̱poowa omii o̱mahkitawaatsi̱moihkaaoʼpi. Ki sota̱mssksinimaatstohkiwa.

John 8:14

O̱tsska̱nikkoaayaawayi, “Niisto̱wa imaksi̱ʼpoataomoohsiiniki nita̱kohkottomaiʼtookoowa nita̱a̱niihpi, takaa niisto̱wa ni̱tssksiniihpa no̱mohtoʼtoohpi kii nita̱kitapoohpi. Kiisto̱aawa kima̱tssksiniʼpoaawa no̱mohtoʼtoohpi ki nita̱akitapoohpi.

John 8:16

Kii ikkamo̱kakihtsimaainiki nita̱koka̱moʼtokakihtsimaa, takaa nima̱tsiʼtaokakihtsimaahpa. Anna̱a̱hka nito̱ʼtsskookahka, ni̱nnahka nita̱o̱hpoka̱okakihtsimaamawa.

John 8:19

Ki omi̱i̱ksi sota̱manistsiiyaawa Jesus, “Ki anna̱ annaahka ki̱nna?” Itani̱stsiiwaiksi, “Kiisto̱waawa kima̱tssksinookihpoaawa ki kima̱tssksinoaawaawa ni̱nna. Kitssksino̱o̱kihpoaawahtopi, kita̱koohkattssksinoawaawa ni̱nna.”

John 8:26

Ki iika̱kaoi nanista̱akohtsiʼpoyihpi kiisto̱aawa; ika̱kawoyi ko̱mohtakokakihtsimatohpoaawaistsi; kii, ki anna̱a̱hka nito̱ʼtsskookahka iiko̱kamoʼtaʼpssiwa, ki a̱nnohka nika̱a̱kanistawa mata̱piiwa nita̱a̱ni̱yihpistsi annaahka nito̱ʼtsskookahka.”

John 8:42

Jesus sota̱maniiwa, “Kita̱o̱nimmawawahtopi A̱ʼpistotookiwa kita̱kakomimmokihpoaawa. A̱ʼpistotookiwa a̱nnahkaoʼka no̱mohtoʼtoo. Ki a̱nnohkai a̱nnoma tsi̱taʼpaitapiiyi. Nima̱tawattsitoʼtoohpa. Osto̱yi nito̱ʼtsskooka.

John 9:29

Ni̱tssksiniihpinnaan A̱ʼpistotookiwa na̱i̱sitsipssatsiiwa Mosesi. Ki oma̱a ki̱tohkottotooka nima̱tsikakssksiniihpinnaan o̱mohtoʼtoohpi.”