John 7:12 - Annaahk John Manistsitsinikatahpi Jesus Manistsipaitapiihpiai 1979

¹² Ki omi̱i̱ksi mata̱piiksi a̱nniksaoʼki ita̱i̱simiiʼpoyiiyaawa. Anni̱i̱ksi a̱a̱niiyaawa, “A̱a̱hksokaʼpitapiiyi oma̱a Jesus.” Ki anni̱i̱ksi a̱a̱niiyaawa, “Saa. Kima̱tomaaniihpoaawa. Sta̱mikakaiksisstaʼpi̱piwa anno̱ma mata̱piiyima.”

John 7:12 ပူးပေါင်းရင်းမြစ်များ

John 6:14

O̱ki. Omi̱i̱ksi mata̱piiksi ota̱i̱ʼnissaawa Jesus otsipisa̱taistamatsstohkssini ki ita̱waaniiyaawa “A̱maoʼk ana̱a̱hka a̱waatoyiʼpoyiiwahka a̱yoohkoawahka ma̱a̱hkitoʼtoohsi anno̱o ksa̱a̱hkommi.”

John 7:32

Ki a̱nniai niitsisi̱miawaaniiyaawa omi̱i̱ksi mata̱piiksi. Oso̱tamoohtookoaawa ami̱i̱ksayii Pharisees. Ki omi̱i̱ksi Pharisees ki omi̱i̱ksi ni̱naato̱yaapiikoaikisi itoma̱tsskoyiiyaawa omi̱i̱ksi otsi̱nnakiikoaamoaawaiksi. A̱a̱nistsiiyaawaiksi “Mato̱yinnoka Jesusa.”

John 7:47

Oso̱tamanikkoaawa omi̱i̱ksi Pharisees, “Kika̱taoʼkattsipahtsi̱i̱piookoaawa.

John 7:52

Ki oma̱a Nicodemus oso̱taminikkanikkaiksi ma̱a̱hksaipoyisskohtomoahsi Jesus. A̱a̱nistsiiyaawayi, “Kita̱kohkottsiyikokstoohpi omi̱i̱stsi nato̱isi̱nakssistsi. Kita̱kohtoʼtohkoissksiniʼpa otsa̱yitsstsiisi a̱waatoyiʼpoyii a̱a̱hkohtoʼtooi Galilee. A̱nnimai iihtoʼtoowa annaahka Jesus. Kitsika̱nistaiʼpoyi annoohka a̱nni kino̱o̱hkattohtoʼtoohpi Galilee.” [

John 9:16

O̱ki. Ki a̱nnihkayii ami̱i̱ksi noohka̱ttanistapssiiksi Pharisees sota̱maniiyaawa, “Anna̱a̱hka Jesusahka ma̱taʼpaoʼtomoyiiwaatsiksi anniiska A̱ʼpistotookiiyi. Osto̱yi ma̱tanistaiʼtsi̱maatsi issiko̱piiksistsikookakihtsimaanistsi.” Kii anni̱i̱ksi istsi̱kiiksi a̱a̱niiyaawa, “Kii maka̱ʼpiipaitapiiksi ma̱taakohkottsipisataistamatstohki̱waiksi annoohka a̱nni.” Ki a̱nniai niitaya̱a̱kiitsiksimstaayaawa omi̱i̱ksi Pharisees.