John 6:41 - Annaahk John Manistsitsinikatahpi Jesus Manistsipaitapiihpiai 1979

⁴¹ O̱ki. Amiiksi isto̱ʼtotamaʼpssiiksi Jews iihta̱i̱sataiʼpoyiiyaawa omi̱i Jesus ota̱a̱nissayi, “Niisto̱ahkaoʼka omiihka napayi̱nihka iihto̱ʼtsainniihkahtooʼpihka isspo̱o̱htsi.”

John 6:41 ပူးပေါင်းရင်းမြစ်များ

John 1:19

O̱ki. A̱a̱moksayi mata̱piiksi iihto̱ʼto̱oyaawa Jerusalem. Itsita̱pooyaawa John. Anni̱i̱ksi anista̱pssiiyi naato̱yaapiikoani ki anni̱i̱ksi anista̱pssiiyi omi̱i̱ksiska a̱o̱toiʼtsikatoomikska o̱mahkitawaatsi̱moihkaaoʼpi. Omi̱i̱ksi isto̱ʼtotamaʼpssiiksi Jews ita̱psskoyiiyaawa amokska mata̱piikska John ma̱a̱hksopoahtsiisatahsaawayi tsika̱a̱hta osto̱yi.

John 6:33

Anniihka napayi̱nihka, A̱ʼpistotookiwa otoma̱tskahtakssinihka a̱nnihkayii anniihka iihtsi̱nniihkahtoophihka isspo̱o̱htsi. O̱tapiʼssini iihtohko̱tawayi ma̱a̱hkitaissksipaitapiiʼssi.”

John 6:43

Jesus itani̱stsiiwaiksi “Pina̱ttsataiʼpoyika.

John 6:48

Nisto̱ahkaoʼka amoohka napayi̱nihk mata̱piiksi ma̱a̱hkohtsipaitapiiʼssaawa.

John 6:58

O̱ki anniihka no̱mohtaiʼpoyihpihka napayi̱i̱nihka iihto̱ʼtsainniihkahtoʼpihka isspo̱o̱htsi, ma̱tsiʼto̱manistapiiwa na̱i̱pisatsiisoahpiaawa kitsi̱i̱stapaahsowaahsoaawaiksi. Iiʼni̱i̱yaawa ki̱i̱wa o̱mohtsoyihpiaawa. A̱nnohka omi̱i̱ksi iihtso̱yiiksi amoohka napayi̱nihka no̱mohtaiʼpoyihpihka a̱ksao̱noaissiksipaitapiiyaawa.”

John 6:60

O̱ki. Ota̱i̱ʼksistsisstsiwakatoohsaawa a̱a̱mostska ami̱i̱ksi Jesus ota̱i̱ssksinimaatsaaiksi iihpo̱ʼkiiwo̱oyiiksi aka̱i̱tapiiyi itani̱i̱ksi “Iko̱kaʼpohtakoyi a̱a̱mostska otani̱ssiistsi. Ma̱toohkohkottsisstsiwakatoʼpaistsi.”

John 6:66

Ki a̱nniayii omi̱i̱ksi ota̱i̱ssksinimaatsaaiksi iihpo̱ʼkiiooyiksi itaka̱i̱tapiiyi iimata̱pssksiistapooyiiksi. Itsa̱wattomaiʼtakiiyaawa.

John 7:12

Ki omi̱i̱ksi mata̱piiksi a̱nniksaoʼki ita̱i̱simiiʼpoyiiyaawa. Anni̱i̱ksi a̱a̱niiyaawa, “A̱a̱hksokaʼpitapiiyi oma̱a Jesus.” Ki anni̱i̱ksi a̱a̱niiyaawa, “Saa. Kima̱tomaaniihpoaawa. Sta̱mikakaiksisstaʼpi̱piwa anno̱ma mata̱piiyima.”