John 5:20 - Annaahk John Manistsitsinikatahpi Jesus Manistsipaitapiihpiai 1979

²⁰ Ni̱nna nitsi̱kohtakomimmoka nitohkoyi̱mmi̱yissi ki a̱nnihkayii nita̱waistama̱ttsooka annohka osto̱i̱ manista̱ʼpaisspi, niʼtoi na̱a̱hkoohkattanistaʼpaissi. Ki nino̱o̱hkattaistama̱atsooka na̱a̱hkanisttotsiihpa anniihka nitsipisa̱taistamatstohkatoohpihka. Ki nitsi̱tsstakka na̱a̱hkoʼtsitssksipisatanisttsissi ki a̱nniayii kita̱kanistsskaiʼtakia̱ttsookoaawa.

John 5:20 ပူးပေါင်းရင်းမြစ်များ

John 1:18

Ma̱tonaitaisstsiihpa a̱a̱hksinoyii Kinnooni A̱ʼpistookiiyi. Ki oni̱ʼtohkoyi ki a̱nnahkaoʼka A̱ʼpistookiiyi. Ki̱nnoona ota̱i̱ssksohpokaʼpaissiimoka ohko̱yi. Ki na̱o̱ʼtooyinai. Na̱waistamatstohkatohsiinayi a̱a̱hkitohkoissksinissi o̱nni mani̱stsspiai.

John 10:32

Ki o̱tsskanikkoaawayi, “O̱ki. Kita̱i̱ʼstamatsoohpoaawa akawo̱i nita̱nisttsiihpistsi soka̱ʼpiistsi, ni̱nna nito̱hkoyihpistsi na̱a̱hkanisttotsissi. Ki a̱a̱mostska kita̱i̱stamatsoohpoaawaistska, tsska̱atapoohtsi ki ta̱kohtsisskaiʼtakkihpoaawa ka̱a̱hksiʼnikkssoayi?”

John 14:12

Kita̱kanistohpoaawa niitsi̱i̱yi. Oma̱a nita̱o̱maiʼtooka a̱kitotoisapaʼpoʼtakiwa niisto̱i, kii ota̱ʼpoʼtsiihpistsi a̱kitoʼtsitsksskonataʼpiiyaawa niisto̱yi nita̱ʼpoʼtakssiistsi, takaa niisto̱wa nita̱ksskitapoo ni̱nna.

John 15:15

Nima̱takattaniihpa kiisto̱aawa kika̱kanikapiimatohpoaawa. Takaa oma̱a a̱yanikapiimatawa, ma̱takssksinima anniska ota̱a̱nikapiimakkiska ota̱wanisttsiihpiayi. Niʼto̱i kima̱tanistsspoaawa. Ki̱tssksinima̱atsoohpoaawa ni̱tohkanawaani̱yihpistsi ni̱nna. Na̱a̱hkanisttsissi. Nima̱takattaniihpa kika̱kanikapiimatohpoaawa. A̱nnohkayi ta̱kahtsawaanii kita̱kkaamohpoaawa.

John 17:26

Nita̱i̱stamaatsaayaawa kiisto̱yi kanista̱pitapiiyihpi, ki nita̱kattsistaiʼstama̱tsaayaawayi. Ki a̱nnihkayi a̱kohtsitotoisapakomimmotsiiyaawa kanista̱komimmokihpi. Ki a̱kohpipaitapiiyaawa niisto̱i̱.” A̱nniayii a̱a̱nistsiiwa Jesus o̱nni.

John 3:35

Kinnoona iika̱komimmiiwa ohko̱yi ki iihkotsi̱i̱wayi kana̱ʼpaisiists.

John 5:21

Na̱toʼkai nita̱ʼpsskonataʼpistsi nitsi̱tssta̱yihpistsi na̱a̱hkanisttotsissi. Nita̱kanikka na̱a̱hkanipaitapia̱ttsaahsi mata̱piiwa, ki nita̱kanikka na̱a̱hkokakihtsimatahsi mata̱piiwa. Ṉinna, osto̱yi a̱i̱ssksipoa̱aa̱ttsiiwa a̱kaiʼniiksi, ki a̱kattsskohkotsiiwaiksi niipa̱i̱tapiʼssini. Kii niisto̱wa, ta̱koohkattomatskahtaki manipa̱i̱tapiʼssini. Ni̱tsstatawa ta̱kohkotawa. Takaa nito̱nnimmawa A̱ʼpistotookiwa, kii a̱nnihkayii no̱mohtanistaʼpaissi osto̱yi manista̱ʼpaisspi. O̱ki. Ki ni̱tohkokka na̱a̱hkokakihtsimatahsi mata̱piiwa. Osto̱yi ma̱takokakihtsimatsiiwaatsi mata̱piiksi. Niisto a̱nnahkayii ta̱kokakihtsimaa.

John 5:25

Kita̱kanistohpoaawa niitsi̱i̱yi. A̱kanistsiwa i̱ssoohtsika ki a̱kaomatapanistsiwa mata̱piiksi amokska nita̱yisstsiwokikska ki a̱nnikskai a̱koʼtsimiaawa anniihka manipa̱i̱tapiʼssinihka. Ki mi̱i̱ksi mata̱piiksi ka̱taʼyayisstsiiksi ma̱takoʼtsi̱maiksaa a̱a̱mohka manipa̱i̱tapiʼssinihka. I̱i̱kanistssiiyaawa a̱nni a̱kaiʼniiyaawa. Ikkama̱yisstsiiyisaawa a̱koʼtsimiaawa anniihka manipa̱i̱tapiʼssinihka.

John 5:29

Ki a̱kitssksipoa̱ooyaawa. Omi̱i̱ksi iika̱moʼtsipaitapiiksi a̱kohtsitssksipoa̱aa̱ttsaayaawa ma̱a̱hkiipaitapiiʼssaawa, kii omi̱i̱ksi sao̱kamoʼtsipaitapiiksi a̱kohtsitssksipoa̱aa̱ttsaayaawa a̱a̱hkokakihtsimatahsaawa.