John 5:16 - Annaahk John Manistsitsinikatahpi Jesus Manistsipaitapiihpiai 1979

¹⁶ Ki a̱nnihkayii omi̱i̱ksi oʼtota̱maʼpssiiksi iihtoma̱tapoksistotoyiiyaawa Jesus takaa itawa̱nisttotosim a̱a̱mostska a̱nna a̱nistapaʼpiistska issiko̱piiksistsikosi.

John 5:16 ပူးပေါင်းရင်းမြစ်များ

John 1:19

O̱ki. A̱a̱moksayi mata̱piiksi iihto̱ʼto̱oyaawa Jerusalem. Itsita̱pooyaawa John. Anni̱i̱ksi anista̱pssiiyi naato̱yaapiikoani ki anni̱i̱ksi anista̱pssiiyi omi̱i̱ksiska a̱o̱toiʼtsikatoomikska o̱mahkitawaatsi̱moihkaaoʼpi. Omi̱i̱ksi isto̱ʼtotamaʼpssiiksi Jews ita̱psskoyiiyaawa amokska mata̱piikska John ma̱a̱hksopoahtsiisatahsaawayi tsika̱a̱hta osto̱yi.

John 10:39

O̱ki. A̱nnimayii ma̱ttomatapssaaksinniiyaawa omi̱i Jesus, ki iihko̱ttsiistapa̱aatsiiwaiksi.

John 15:20

O̱ki. Pina̱atstooka anniihka kita̱a̱nistohpoaawayihka. Kitsi̱totoisapsskanistohpoaawa oma̱a a̱ʼpaoʼtomohkiwa ma̱toʼtsitsksspssiiwa otsi̱naaimi. Omi̱i̱ksi ka̱taʼyaomaiʼtakiiksi nitsaa̱kamoʼsistotookiaawa, kiisto̱aawa kita̱kstamoohkattsao̱kamoʼtsistotookoaayaawa. Ma̱tanistaiʼtsi̱maiks nita̱a̱niihpi. Ki a̱nnimayi a̱kstamoohkattsitsawanistaiʼtsimiaawa kita̱a̱niihpoaawayi.

John 5:10

Ki a̱nnihkayi omiiksi isto̱ʼtotamaʼpssiiksi Jews iihtani̱stsiiyaawa omi̱iska iihko̱ttotoayiska, “O̱ki. Issiko̱piiksistsikowa a̱nnohka. Aka̱kihtsimaani iihtawa̱a̱nioʼpa a̱kohkottsaitohpaatakioʼpa siʼka̱a̱ni.” Kii itsipo̱ʼtanistsiiwaiksi,

John 5:13

Ki oma̱a iihko̱ttotoawa iina̱o̱ʼksaissksinoyiiwa a̱a̱nistahpiayi omi̱i Jesus. Aka̱i̱tapiiyi ita̱ʼpawaawahkaiksi omiim. Ki Jesus a̱kaitaisimiiyistapoowa.

John 5:15

O̱ki. Oma̱a ni̱nawa itsi̱i̱stapoowa. Iito̱i̱sopoatomoyiiwa Jesusi a̱nniskaoʼkini anniska o̱tohkottotookiska issiko̱piiksistsikoi. Itani̱stsiiwa omi̱i̱ksi isto̱ʼtotamaʼpssiiksi Jews, “Anna̱a̱hka ni̱tohkottotooka a̱a̱nistawa Jesus.”

John 5:17

Jesus itani̱stsiiwaiksi o̱mohta̱ohkottotsimaahpi i̱makssikopiiksistsikosi. Itani̱i̱wa, “Ni̱nna A̱ʼpistotookiwa, ma̱tomaikakssikaʼpoʼtakiwaatsi kii niisto̱wa nino̱o̱hkattaʼpaoʼtaki.”

John 5:18

A̱nnyayii a̱a̱niiwa Jesusa. Kii a̱nnihkayii omi̱i̱ksi isto̱ʼtotamaʼpssiiksi Jews iihtsi̱i̱taʼpayiikaʼkimaayaiksi ma̱a̱hksiʼniyissaiksi. A̱waaniiyaawa omiiksi ni̱naaiksi, “Jesus a̱i̱ssinnima omi̱i̱stsi issiko̱piiksistsikookakihtsimaanistsi. Ki ma̱ttsitsspiaiʼtaniiwa oto̱nnimmahsayi A̱ʼpistotookiiyi, ki a̱nniayii mi̱i̱ksistaniwa osto̱yi ota̱i̱ʼtoomanistssayi A̱ʼpistotookiiyi.” A̱nniayii iihtoki̱mmiiyaawa omiiksi isto̱ʼtotamaʼpssiksi Jews anniiska Jesusiska.

John 7:21

O̱ki. Sota̱maniiwa oma̱a Jesus, “Amohka niʼto̱kskayihka nipi̱ʼkanisttsissinihka ko̱mohtohkanipisatsiʼtakihpoaawa nitsi̱tanisttotsissi issiko̱piiksistsikoi.

John 7:25

Ki a̱nniai a̱nniksayi istsitapi̱i̱yi omii Jerusalem, a̱a̱niiyaawa, “Annaahka Jesus a̱nniskaoʼkinai otsitsi̱i̱htatahpoaawayiska ma̱a̱hksiʼnitahsaawayi omi̱i̱ksi kita̱toaʼpinaaiminnooniksi.