John 5:15 - Annaahk John Manistsitsinikatahpi Jesus Manistsipaitapiihpiai 1979

¹⁵ O̱ki. Oma̱a ni̱nawa itsi̱i̱stapoowa. Iito̱i̱sopoatomoyiiwa Jesusi a̱nniskaoʼkini anniska o̱tohkottotookiska issiko̱piiksistsikoi. Itani̱stsiiwa omi̱i̱ksi isto̱ʼtotamaʼpssiiksi Jews, “Anna̱a̱hka ni̱tohkottotooka a̱a̱nistawa Jesus.”

John 5:15 ပူးပေါင်းရင်းမြစ်များ

John 1:19

O̱ki. A̱a̱moksayi mata̱piiksi iihto̱ʼto̱oyaawa Jerusalem. Itsita̱pooyaawa John. Anni̱i̱ksi anista̱pssiiyi naato̱yaapiikoani ki anni̱i̱ksi anista̱pssiiyi omi̱i̱ksiska a̱o̱toiʼtsikatoomikska o̱mahkitawaatsi̱moihkaaoʼpi. Omi̱i̱ksi isto̱ʼtotamaʼpssiiksi Jews ita̱psskoyiiyaawa amokska mata̱piikska John ma̱a̱hksopoahtsiisatahsaawayi tsika̱a̱hta osto̱yi.

John 4:29

“Oki̱h. A̱a̱hkonotoinoa̱wa anna̱a̱hkayii ni̱naawa. Nita̱a̱nikka ni̱tohkanawa̱nisttsiihpists. A̱a̱hkstaʼmiiwahtaoʼtsinayi A̱ʼpistotookiwa anniiska o̱mohtakohkoikiihpiska.”

John 5:10

Ki a̱nnihkayi omiiksi isto̱ʼtotamaʼpssiiksi Jews iihtani̱stsiiyaawa omi̱iska iihko̱ttotoayiska, “O̱ki. Issiko̱piiksistsikowa a̱nnohka. Aka̱kihtsimaani iihtawa̱a̱nioʼpa a̱kohkottsaitohpaatakioʼpa siʼka̱a̱ni.” Kii itsipo̱ʼtanistsiiwaiksi,

John 5:12

Otsi̱tanikkaiksi “Taka̱a kita̱a̱nikka.”

John 5:16

Ki a̱nnihkayii omi̱i̱ksi oʼtota̱maʼpssiiksi iihtoma̱tapoksistotoyiiyaawa Jesus takaa itawa̱nisttotosim a̱a̱mostska a̱nna a̱nistapaʼpiistska issiko̱piiksistsikosi.

John 5:18

A̱nnyayii a̱a̱niiwa Jesusa. Kii a̱nnihkayii omi̱i̱ksi isto̱ʼtotamaʼpssiiksi Jews iihtsi̱i̱taʼpayiikaʼkimaayaiksi ma̱a̱hksiʼniyissaiksi. A̱waaniiyaawa omiiksi ni̱naaiksi, “Jesus a̱i̱ssinnima omi̱i̱stsi issiko̱piiksistsikookakihtsimaanistsi. Ki ma̱ttsitsspiaiʼtaniiwa oto̱nnimmahsayi A̱ʼpistotookiiyi, ki a̱nniayii mi̱i̱ksistaniwa osto̱yi ota̱i̱ʼtoomanistssayi A̱ʼpistotookiiyi.” A̱nniayii iihtoki̱mmiiyaawa omiiksi isto̱ʼtotamaʼpssiksi Jews anniiska Jesusiska.

John 9:15

O̱ki. Ki oma̱a i̱i̱kayaapsstsiiwa oma̱tta̱i̱sopahtsiʼsakka omi̱i̱kska Pharisees tsa̱a̱htaa a̱a̱hkanistohko̱ttsaapiiwahtaoʼtsiksi. Ki itani̱stsiiwaiksi, “I̱tstakiwa okspahko̱yi noa̱psspiksi. Niso̱tamssisskiohsi. Niso̱tamohko̱ttsaapii.”

John 9:25

Itani̱i̱wa oma̱a ni̱naawa, “Ki niisto̱wa nima̱tssksiniʼpa ikkamo̱kaʼpipaitapiisi, ki ikka̱msaokaʼpipaitapiisi. Kaki̱ʼtokskaawa ni̱tssksiniihpi: nitsi̱kayapsstsii, ki a̱nnohka ni̱tohko̱ttsaapi.”

John 9:30

O̱ki. Ki oma̱a ni̱naawa sota̱manistsiiwaiksi, “Tsi̱kohtsipisatsiʼtaki a̱a̱mohka kita̱a̱niihpoaawayihka. Ni̱tohkokka nitsa̱a̱pssini. Ki kiisto̱aawa kita̱waaniihpoaawa kima̱tsikakssksinoawaawaatsi o̱mohtoʼtoohpi.

John 9:34

O̱ki a̱nniayi oma̱a ni̱naawa oso̱tamanikkaiksi, “Kiisto̱wa kitsi̱i̱kaisopokokaʼpitapiiyi kitsi̱tsipokayihpi. Ki a̱nnohka kita̱i̱ssaakssksinimaatsookihpinnaan. Sta̱msaksit!”