John 4:34 - Annaahk John Manistsitsinikatahpi Jesus Manistsipaitapiihpiai 1979

³⁴ Sota̱maniiwa oma̱a Jesus, “Nita̱waanisttotsiihpa otsitsi̱i̱htaanistsi annaahka nito̱ʼtsskoohkahka, annaahka A̱ʼpistotookiwahka, kii nita̱akohkanaiksistaʼpoʼtsiihpa ota̱ʼpoʼtakssini. A̱a̱mohka nita̱wanisttotsiihpihka, ki a̱nnihkayii nimi̱i̱ksi̱stsoahsini.

John 4:34 ပူးပေါင်းရင်းမြစ်များ

John 17:4

Niisto̱wa a̱nnohka nitsi̱taʼpaitapiiʼssi anno̱o ksa̱a̱hkommi nitsi̱tohkanawanisttotsiihpiaawa ki̱tohkokkihpistsi na̱a̱hkaʼpoʼtsissaawa. Ki a̱nniayi nanista̱i̱stamaatstohkatoʼpa kani̱stsspsspi.

John 19:28

O̱ki. Ki a̱nnimayi Jesus sota̱mssksinima otsiksista̱ʼpissi kana̱ʼpaisistsi a̱yakstsinaaʼnistsiistsi manista̱kohkoyiʼpi. Ki itani̱i̱wa, “Tsiksi̱ʼnaki.” A̱a̱mohka iihtani̱i̱wa Jesus ma̱a̱hkohtsitanisttsissi omii nato̱i̱si̱naakssini niitsi̱kayissinaihpi.

John 19:30

Ki Jesus a̱o̱ʼohkotawa amohka ma̱tsskonatapiiyi mi̱i̱niaohkii, ki a̱nnimayi itani̱i̱wa, “A̱nnohka a̱kaiksistaʼpiiwa.” Sota̱maotahsohkiaakiwa ki itsi̱ʼniiwa.

John 4:32

Kii itani̱stsiiwaiksi, “Nika̱a̱oyi. Kiisto̱aawa kima̱tssksiniihpoaawa naani̱stsoyihpi.”

John 5:30

Niisto̱wa ma̱tsitsstsiihpa nita̱kohkottawattanisttsiihpi; nanisto̱o̱htoahpi A̱ʼpistotookiwa ki a̱nniayii ta̱kanistokakihtsimaa. Nima̱taʼpaisskiihpa na̱a̱hkanisttotsissii nita̱wattsitsiihtaanistsi. Otsitsi̱i̱htaanistsi annaahka nito̱ʼtsskookahka, a̱nnistskayii nita̱wanisttotsiihpi. A̱nnihkayii kita̱kohtoʼtssksiniihpoaawa nita̱o̱kamoʼtokakihtsimaahsi.

John 5:36

Nipi̱ʼkanisttsissiistsi annohka kita̱kohkottohtoʼtssksiniihpoaawa nitsipo̱o̱hsapsskoyissi A̱ʼpistotookiwa. John kino̱o̱hkattanikkoaawa nitsipo̱o̱hsapsskoyissi A̱ʼpistotookiyi. Ki amo̱stska nipi̱ʼkanisttsissiistska iʼtsi̱tsskstsiimatoomiaawa John ota̱nissiistsi.

John 6:33

Anniihka napayi̱nihka, A̱ʼpistotookiwa otoma̱tskahtakssinihka a̱nnihkayii anniihka iihtsi̱nniihkahtoophihka isspo̱o̱htsi. O̱tapiʼssini iihtohko̱tawayi ma̱a̱hkitaissksipaitapiiʼssi.”

John 6:38

Takaa no̱mohtoʼtoohpi isspo̱o̱htsi na̱a̱hkanisttotsissii annaahka nito̱ʼtsskookahka A̱ʼpistotookiwahka otsitsi̱i̱ihtaanistsi. Nima̱tohtoʼtoo na̱a̱hkanisttotsissii niisto̱wa nita̱wattsitsiihtaanistsi.

John 8:29

Ki annaahka nito̱ʼtsskookahka, ni̱nnahka ni̱tohpokaʼpaissiimoka. Nima̱tsiʼtsitaisskikkaatsiksi. Takaa ta̱i̱ssksawanisttotsiihpi kana̱ʼpaisistsi iihta̱yaahsiʼtakia̱ttsaahpistsi.”