John 4:21 - Annaahk John Manistsitsinikatahpi Jesus Manistsipaitapiihpiai 1979

²¹ Jesus itani̱stsiiwayi “O̱ki aaki̱i̱yi. Ama̱i̱ʼtsit kita̱a̱nistohpi. A̱kawa̱i̱staihtsiiwa kitsi̱taakatsi̱moihkaamahpi ki̱nnoona ma̱taakohkoikiwa. A̱nni a̱kaomatapanistaisiwa.

John 4:21 ပူးပေါင်းရင်းမြစ်များ

John 14:6

Itani̱i̱wa Jesusa “Niisto̱wa a̱nnahkaoʼka annaahka kita̱kohtohkoitoʼtoohpoaawahka. Niisto̱wa a̱nnahkaoʼka moka̱moʼtaʼpssi. Niisto̱wa a̱nnahkaoʼka o̱mohtsiistapitsstsiihpi manipa̱i̱tapiʼssini. Oma̱a mata̱piiwa ikka̱msaohtohkoyikisi niisto̱i ma̱takohkoitoʼto̱owaatsi ninni.

John 16:2

Kitsi̱tsitapiihpoaawaiksi kita̱kohtsaisskookoaayaawa otsi̱tawaatsi̱moihkaahpoaawaistsi. Ki a̱kanistsiiwa oma̱a kita̱ksiʼnikkoaawawa a̱kanistsitsiihtaawa otawa̱a̱toaʼpanisttsissi ma̱a̱hkaahsitakia̱ttsaahsi A̱ʼpistotookiyi.

John 16:32

I̱sstsiiyik. A̱yaakoʼtsstsiiwa kitsi̱takohkanaisskikkihpoaawayi. Kita̱kohkanawa̱niitoohpoaawa. Kita̱kitohkanawaaniitahkayihpoaawa. Kita̱kitsiʼtsi̱taisskikkihpoaawa. Ki niisto̱wa nima̱takitsiitaʼpiʼtsitaisskikkowa. Ni̱nna ni̱tohpokaʼpaissiimoka.

John 4:23

A̱nnohka a̱i̱staihtsiwa ma̱takohkoikiwa ita̱katsi̱moihkaamahpi kinnoona. Niita̱akatsi̱moihkaamahpi a̱nnihkaoʼka oʼtota̱maʼpiwa. A̱kohkottohtatsimoihkaaoʼpa Natowa̱ttaka. A̱kohkotto̱manistoʼpa kita̱tsi̱moihkannooni. A̱mokska a̱okamoʼtawaatsi̱moihkaaiksi, ki a̱nniayii a̱kanistawaatsi̱moihkaayaawa ki a̱nnohka a̱kaomatapanistaisi A̱nnoohka Aʼpistotookiwa a̱yiikaʼkimaawa ma̱a̱hkitsstsissi a̱nni anista̱pawaatsimoihkaai ma̱a̱hkatsimoihkaamiyissi.

John 5:25

Kita̱kanistohpoaawa niitsi̱i̱yi. A̱kanistsiwa i̱ssoohtsika ki a̱kaomatapanistsiwa mata̱piiksi amokska nita̱yisstsiwokikska ki a̱nnikskai a̱koʼtsimiaawa anniihka manipa̱i̱tapiʼssinihka. Ki mi̱i̱ksi mata̱piiksi ka̱taʼyayisstsiiksi ma̱takoʼtsi̱maiksaa a̱a̱mohka manipa̱i̱tapiʼssinihka. I̱i̱kanistssiiyaawa a̱nni a̱kaiʼniiyaawa. Ikkama̱yisstsiiyisaawa a̱koʼtsimiaawa anniihka manipa̱i̱tapiʼssinihka.

John 5:28

Kii pinohtsi̱pisatsiʼtakik a̱a̱mohka nita̱waaniihpihka. I̱ssoohtsika iʼni̱i̱ksi itoya̱aksstsaaiksi nita̱kohkanayoohtookiaawa nitaiʼpoyissi.