John 4:14 - Annaahk John Manistsitsinikatahpi Jesus Manistsipaitapiihpiai 1979

¹⁴ Omi̱i̱ksi nita̱o̱hkotaiksi a̱waawakoyi aohkii ma̱takatto̱noaiʼnakiwaiksi. A̱a̱mohka nita̱o̱hkotahpiaawaihka aohki̱i̱yihka a̱kaissksohpipaaitapiiyaawa. Ami̱i̱ksi ni̱tohkotaiksi amohka aohki̱i̱yihka a̱kohtsawo̱noaissiksipaitapiiyaawa.”

John 4:14 ပူးပေါင်းရင်းမြစ်များ

John 10:10

Oma̱a saa̱o̱mmiitsitapiiwa, ka̱kohtoʼtoowa ma̱a̱hksikamoʼssi, ma̱a̱hkohkoiʼnikkssi, ki ma̱a̱hko̱noksistotoahsii omi̱i̱kska i̱i̱mahkihkinaaikska. Niisto̱wa no̱mohtoʼtoowa ma̱a̱hkohtaipaitapiiʼssaawa nito̱mahkihkinaamiksi, ma̱a̱hkohtstonnatsiʼtaamipaitapiiʼssaawa.

John 11:26

Ki kana̱i̱paitapiiksi nita̱o̱maiʼtookiiksi ma̱takonoaitaʼpohkoiʼniiwaiksi. Kika̱taoʼmaiʼtsiihpaatsi?”

John 4:10

Jesus itsipo̱ʼtanistsiiwa̱yi “Kima̱tssksiniihpa A̱ʼpistotookiwa otsiksi̱sstoohkotahpi mata̱piiksi. Ki kima̱tssksinookihpa nita̱mihpi niisto̱wa kita̱o̱hko̱iʼnaakato aohki̱i̱. Ki̱tssksini̱i̱htopiaawa kita̱ko̱kamaanikki. Ki ka̱a̱hkstaʼohtohkotohtopi a̱waawakoyi aohki̱i̱yi iihto̱ʼtsipaitapiiyoʼpi.”

John 4:11

Oma̱a aaki̱i̱wa itani̱i̱wa “Ki ma̱tsitsstsi̱i̱hpa ka̱a̱hkohtottakihpi ki a̱a̱mo maksi̱sskommi iksi̱pisttanisstsiiwa. Tsima̱a kita̱kohtsitotta̱kihpa a̱a̱mohka a̱waawakoyi aohki̱i̱?

John 4:13

Jesus itani̱stsiiwayi. “O̱ki, oma̱a mata̱piiwa ikka̱mohtsimisi amii aohki̱i̱yi a̱kaisksaiʼnakiwa.

John 4:36

Kimi̱i̱ksistsi̱kaohtaiponihtattspoaawa kita̱ʼpoʼtakssoaayi. A̱nnohka kita̱kohkottsi̱kayaisiikoʼtomookihpoaawa mata̱piiksi. Kima̱a̱tsistotsspoaawa aiʼnssimaaiksi. A̱nnoohka kana̱i̱paitapiiyoʼpi a̱nnihkayii iihta̱o̱moipohtoohpi naapayi̱i̱ninssimaanistsi. Kiisto̱waawa kita̱kohtssiikoʼtakihpoaawa mata̱piiyi ma̱a̱hkaissksipaitapiʼssi. Ki a̱nnimayii ama̱a sapipo̱mmaawa a̱kitohpokiiʼtamssiimiwa ami̱i̱ksi a̱i̱pohkimaaiksi.

John 6:27

Ko̱mohtaiyikaʼkimaahpoaawa ka̱a̱hkattohko̱yissoaayi. Anni̱i̱hka aa̱oahsinihka amohka kita̱i̱ksimsstatoohpoaayihka ma̱taksisamaisstsiiwaatsi. Ki itsstsi̱i̱hpa a̱ka̱i̱ssksitaisstsiʼpa. Itoto̱i̱sapiwa a̱nni aa̱owahsi. A̱kohtoʼtaissksipaitapiioʼpa. A̱nnihkayi kita̱kohkottohtsiiyikaʼkimaahpoaawa. Ni̱i̱stoakaoʼka annaahka Mata̱piiwahka. Kita̱kohkottohkotohpoaawa amoohka a̱kohtoʼtaissksipaitapiioʼpihka. Ki ni̱nna A̱ʼpistotookiwa kika̱waistamatsookoaawa nita̱ʼpaoʼtomoahsi.”

John 6:35

Jesus itani̱stsiiwaiksi “Niisto̱ahkaoʼka amoohka napayi̱nihka. Mata̱piiksi a̱kohtoʼtsiitaaksipaitapiiyaawa. Kana̱o̱hpoʼkiisapooyiksi niisto̱yi a̱komiiksistsawattsisttsoʼkiniiyaawa ki ni̱tohkanaomaiʼtookiiksi ma̱takonoaiʼnakiwaiksa.

John 6:58

O̱ki anniihka no̱mohtaiʼpoyihpihka napayi̱i̱nihka iihto̱ʼtsainniihkahtoʼpihka isspo̱o̱htsi, ma̱tsiʼto̱manistapiiwa na̱i̱pisatsiisoahpiaawa kitsi̱i̱stapaahsowaahsoaawaiksi. Iiʼni̱i̱yaawa ki̱i̱wa o̱mohtsoyihpiaawa. A̱nnohka omi̱i̱ksi iihtso̱yiiksi amoohka napayi̱nihka no̱mohtaiʼpoyihpihka a̱ksao̱noaissiksipaitapiiyaawa.”

John 7:37

O̱ki. Ki a̱nnika ki a̱i̱ʼstsaaiksistsikowa omi̱i̱stska o̱mahksiksistsikoistsi. A̱nnihkayi ksistsiko̱i istohkana̱o̱ʼtotamaʼpiwa. Ki a̱nnaoʼka oma̱a Jesus ita̱i̱poyiwa. Sota̱msaisttoowa. Itoto̱i̱sskskaniiwa aohki̱i̱ ma̱a̱hkitsopoyaʼpanissi mani̱stsspiayi amo̱ska Natowo̱ttakiska. A̱a̱niiwa, “O̱ki. Itsstsi̱i̱yi ksisto̱aawa kitsi̱totoisapsspoaawa a̱nni kita̱i̱ʼnakihpoaawa. Sta̱momaiʼtookik. Kita̱komiiksistssimihpoaawa. Ni̱tohkanaomaiʼtookiiksi a̱kohtoʼtsikimsskaawa aohki̱i̱ iihtani̱paitapiioʼpi. A̱kanistohtoʼtsikimsskaawa omi̱i̱ksi a̱o̱maiʼtakiiksi a̱nni aʼsi̱i̱tahtai. A̱nniai niitsi̱tssi̱naiʼpi omiistsi nato̱yisi̱naakssiistsi.” Oma̱a Jesus ota̱a̱ʼnissi aohki̱i̱ niitapa̱niwa Natowo̱ttaki. Niitapa̱niiwa a̱o̱maiʼtakiiksi a̱kitohkotayaawa Natowo̱ttaki. Anniihka otsi̱tanistoohpihka ma̱tomaohkotawaiksi a̱o̱maiʼtakiiksi Natowo̱ttaki. Ma̱tomiitaoʼto̱oyinai takaa Jesus ma̱tomainaya̱ttsaawaatsi.