John 4:10 - Annaahk John Manistsitsinikatahpi Jesus Manistsipaitapiihpiai 1979

¹⁰ Jesus itsipo̱ʼtanistsiiwa̱yi “Kima̱tssksiniihpa A̱ʼpistotookiwa otsiksi̱sstoohkotahpi mata̱piiksi. Ki kima̱tssksinookihpa nita̱mihpi niisto̱wa kita̱o̱hko̱iʼnaakato aohki̱i̱. Ki̱tssksini̱i̱htopiaawa kita̱ko̱kamaanikki. Ki ka̱a̱hkstaʼohtohkotohtopi a̱waawakoyi aohki̱i̱yi iihto̱ʼtsipaitapiiyoʼpi.”

John 4:10 ပူးပေါင်းရင်းမြစ်များ

John 16:3

A̱nni a̱kohtanistaʼpaissiiyaawa otsawa̱i̱ssksinoahsaawa ni̱nni ki niisto̱yi.

John 17:3

Omi̱i̱ksi niita̱ʼpssksinookiksi, a̱nniksaoʼki a̱kaissksipaitapiiyaawa. Omi̱i̱ksi ki̱niitaʼpsskinookiiksi kiisto̱ahkaoʼka niʼtsita̱piiwahka nita̱ʼpanistapssiwahka A̱ʼpistotooki, omi̱i̱ksi ni̱niitapsskinookiksi niisto̱ahkaoʼk annaahk Jesus Christ, annaahka kitoʼtsskoaawahka, a̱nniksaoʼki a̱kaisskipaitapiiyaawa.

John 3:16

A̱ʼpistotookiwa otsska̱a̱ʼkomimmahsi anno̱ksi mata̱piiksi anno̱o ksa̱a̱hkomma iihtoma̱tsskaiwa oni̱ʼtohkoyi. Kii a̱nnihkayii kana̱i̱tapiiwa na̱o̱maiʼtoyiiwa ohko̱yi ma̱takaatsaawa. A̱kohkotawa amoohka a̱i̱sksipaitapiʼsinihka.

John 4:14

Omi̱i̱ksi nita̱o̱hkotaiksi a̱waawakoyi aohkii ma̱takatto̱noaiʼnakiwaiksi. A̱a̱mohka nita̱o̱hkotahpiaawaihka aohki̱i̱yihka a̱kaissksohpipaaitapiiyaawa. Ami̱i̱ksi ni̱tohkotaiksi amohka aohki̱i̱yihka a̱kohtsawo̱noaissiksipaitapiiyaawa.”

John 6:35

Jesus itani̱stsiiwaiksi “Niisto̱ahkaoʼka amoohka napayi̱nihka. Mata̱piiksi a̱kohtoʼtsiitaaksipaitapiiyaawa. Kana̱o̱hpoʼkiisapooyiksi niisto̱yi a̱komiiksistsawattsisttsoʼkiniiyaawa ki ni̱tohkanaomaiʼtookiiksi ma̱takonoaiʼnakiwaiksa.

John 6:51

Niisto̱ahkaoʼka amoohka napayi̱nihka manipa̱i̱tapiʼssini o̱mohtoʼtsstsiihpihka. Iihtohka̱naoyiiksi a̱ksawonoaissiksipaitapiiyaawa. Ki a̱a̱mohk no̱mohtaiʼpoyihpihka napayi̱i̱nihka tanista̱pawaani noosto̱mi. Nita̱kohtsiistapihkahtoohpa nosto̱mi anno̱ksi mata̱piiksi anno̱o ksa̱a̱hkomma ma̱a̱hkohtsipaitapiiʼssaawa.”