John 21:2 - Annaahk John Manistsitsinikatahpi Jesus Manistsipaitapiihpiai 1979

² O̱ki. Oma̱a Simon Peter ki oma̱a Thomas, a̱nnahkaoʼka ma̱ttanistawa niistsi̱mi, ki oma̱a Nathanael, a̱nnahkaoʼka annaahka iihto̱ʼtoowahka omiima Cana, omii istakaipisskoi Galilee. O̱ki, ki omi̱i̱ksi Zebedee ohko̱i̱ksi, na̱tsitapiiyi, ki omi̱i̱ksi mattsistsi̱tapiiksi Jesus oma̱ttanikapiimaiksi. Itohka̱naiʼto̱manisto̱oyaawa.

John 21:2 ပူးပေါင်းရင်းမြစ်များ

John 1:45

Oma̱a Philip itota̱ʼpssammiwa Nathanael. Itohko̱onoyiiwayi. A̱a̱nistsiiwayi, “O̱ki. Annaahka Mosesahk anniska otsi̱kayissiinapsskoayiska, niisto̱nnaana ni̱tohkoissksinoannaaninayi. A̱nniskaoʼkinayi anniska otsi̱kayissiinapsskohkatawawayiska omiiksi a̱waatoyiʼpoyiiksi issko̱o̱htsika. A̱nnaoʼka oma̱a Jesus. Itsista̱waʼsiwa Nazareth. Oma̱a Joseph, ohko̱ayi.”

John 11:16

Ki Thomas (a̱nnahkaoʼka annaahka ma̱ttanistawahka “Niistsi̱mi”) a̱a̱nistsiwa anniiksi Jesus ono̱o̱hkattanikapiimiksi, “Oki̱h. A̱akohpoʼkiwaaoʼpa anna̱a Jesus. A̱akohpoksiʼniimawa.”

John 2:1

O̱ki a̱nnika po̱o̱hsapiokskaiksistsikoi oma̱yii ni̱naawa a̱yaakitohkiimiwa omiima aka̱i̱tapisskoyi niitsi̱nihkatoohpi Cana. Amo̱o Cana istaka̱i̱tapisskowa omii Galilee. Ki a̱nnimayi itohka̱nooyaawa. Jesus itapa̱mmawa omii otsi̱tohka̱noohpiaawayi, kii omiiksi oma̱nikapiimiksi noohka̱ttsitapammayi. O̱ki. Ki a̱i̱ʼtapooyaawa. Omi̱i oksi̱sstsi i̱i̱kaitaʼpawaawahkaayinai.

John 2:11

O̱ki. A̱a̱mohkayii otsi̱stsitsawaistamatstohkssina opisata̱ʼpssina oma̱a Jesus. A̱nnima itani̱sttotsimayi omiim aka̱i̱tapissko i Cana. Istaka̱i̱tapisskowa omii Galilee. Kii a̱nnimayii ita̱i̱stamatstohkatooma mani̱stsspsspi ki oma̱nikapiimiksi otsi̱tomatapomaiʼtookaiksi.

John 20:28

Sota̱maniiwa Thomas, “Kiisto̱wa kitsi̱naaimato. Kiisto̱wa a̱nnahkaoʼka nanista̱i̱nihkatawahka A̱ʼpistotooki.”

John 4:46

Ki a̱nnikayii ma̱ttsitoʼto̱owa omiim Cana. A̱nnihkayii istaka̱i̱tapisskowa omiim Galilee. A̱nnimaoʼka otsi̱tsipiʼkanisttotsiihpii anniihk aohkiiyi, ma̱a̱hkitanistapssayi mi̱i̱niaohkii. Ki o̱o̱miayii omi̱i oma̱nikapiimi isttsi̱i̱pihkini̱naawa, ki ohko̱yi itsi̱sttsiistominayi. Ita̱o̱piiyinayi omiima Capernaum.