John 21:16 - Annaahk John Manistsitsinikatahpi Jesus Manistsipaitapiihpiai 1979

¹⁶ O̱ki. Ki ma̱ttsistaaʼnistsiiwayi, “Simon, kika̱taaʼkomimmokihpa?” Oma̱ttsitanikkayi, “A̱a nitsi̱naaimi. Ki̱tssksiniihpa kita̱komimmohsi.” Jesus itani̱stsiiwa̱yi, “Omi̱i̱ksi nitsi̱i̱maiʼtookiksi a̱nni i̱i̱mahkihkinai anistoto̱i̱tsikatsisaawa.”

John 21:16 ပူးပေါင်းရင်းမြစ်များ

John 18:17

O̱ki. Ki oma̱a aaki̱i̱wa a̱i̱kayinnakiwa, sota̱manistsiiwa Peter, “Ka̱a̱hkstaoʼkatta̱mihpahtaw omi̱i̱ksiska oma̱nikapiimikska.” Peter sota̱maniiwa “Saa nima̱tamihpa.”

John 18:25

O̱ki. Oma̱a Simon Peter, sa̱kiitaipoyiwa, ita̱i̱ksistohsoyiwa. Ki oso̱tamanikkaiksi, “Ka̱a̱hkoohkattamihpahtaoʼtsinai omi̱i̱ksiska oma̱nikapiimikska.” Sota̱msayiʼtsimaawa oma̱a Peter. A̱a̱niiwa, “Saa, nima̱tamihpa.”

John 21:17

O̱ki. A̱nnika o̱mohtsookskaahpi Jesus a̱a̱nistsiiwa Peter, “Simon, kika̱taʼkomimmokihpa?” Kii ki Peter iihtaka̱nawa otso̱o̱kskawaniyissi Jesusi, “Kika̱taaʼkomimmokihpa?” Itani̱i̱wa “Nitsi̱naaimi, kitsi̱ʼtsinissksiniihpa. Ki̱tssksiniihpa kita̱komimmohsi.” Jesus itani̱stsiiwayi, “Anistoto̱i̱tsikatsisa nitsi̱i̱maiʼtookiksi a̱nni i̱i̱mahkihkinai.