John 21:15 - Annaahk John Manistsitsinikatahpi Jesus Manistsipaitapiihpiai 1979

¹⁵ O̱ki. Ota̱i̱ʼksistsikskanoissaawa Jesus itssi̱tsipssatsiiwa Simon Peter. A̱nniskaoʼkinai Joannas ohko̱yi. Jesus a̱a̱nistsiiwayi, “O̱ki Simon, kika̱taiʼto̱ʼtsitskakomimmokihpa anni̱i̱ksi nanista̱komimmiyihpi.” Ota̱a̱nikkayi, “A̱a nitsi̱naaimi. Ki̱tssksiniihpa kita̱komimmohsi.” Jesus itani̱stsiiwayi, “Ki omi̱i̱ksi nitsi̱i̱maiʼtookiksi mata̱piiksi a̱nni i̱i̱mahkihkinaipokaai, a̱nniai anistoto̱i̱tsikatsisaawa.”

John 21:15 ပူးပေါင်းရင်းမြစ်များ

John 1:42

Oma̱a Andrew itsita̱pipiiwa anniska o̱mohpapiʼihpiska Simon Peter anniska Jesusi. Jesusa itssa̱mmiiwayi. Itani̱stsiiwa̱yi, “O̱ki. Kiisto̱akaoʼka Joannas ohko̱yi. Kita̱nikko Simon. Ki̱tohkoto Cephas ka̱a̱hkitsinihkaʼsimatoʼpa.” (O̱ki. Amoohka “Cephas” ni̱ʼtoi anista̱paniosina “Peter”. Anista̱paniosina “O̱o̱hkotoka.”)

John 13:37

Ki itani̱i̱wa Peter, “Ki, nitsi̱naaimi, nima̱ʼksaohkottohpoʼkiwoo a̱nnohka. Niisto̱wa nima̱taksstsimohtahtsowaiʼnihpa kiisto̱wa.”

John 16:27

Osto̱yi kita̱komimmokoaawa. Kiisto̱aawa kita̱komimmokihpoaawa, ki kita̱o̱maiʼtsiihpoaawa no̱mohtsistapoʼtoohsi ni̱nna, ki a̱nnihkayii ko̱mohtakomimmokoaawa.

John 21:12

Jesus itani̱stsiiwaiksi, “A̱saistooka. A̱ksikskano̱yoʼpa.” O̱ki. Omiiksi Jesus oma̱nikapiimiksi ma̱tsitsspisstsiihpa ma̱a̱hksstsaawanikki, “Taka̱a kiisto̱wa?” Iihkaaa̱i̱ssksinimiaawa ota̱mssayi otsi̱naaimoaawayi.

John 21:7

Kii ki Jesus ami̱i ota̱komimmai oma̱nikapiimi a̱a̱nistsiiyinai anniiska Peteriska, “A̱nnaoʼka kitsi̱naaiminnoona.” Ki oma̱a Simon Peter, ka̱ksapskaohsatom o̱mohtapoʼtakihpistsi. Ki ota̱ʼyoohtsissi sota̱msapskaohsatoma otsa̱otatsiisokaʼsimi. Ki sota̱mssa̱yohpaʼwaaniwa.

John 8:42

Jesus sota̱maniiwa, “Kita̱o̱nimmawawahtopi A̱ʼpistotookiwa kita̱kakomimmokihpoaawa. A̱ʼpistotookiwa a̱nnahkaoʼka no̱mohtoʼtoo. Ki a̱nnohkai a̱nnoma tsi̱taʼpaitapiiyi. Nima̱tawattsitoʼtoohpa. Osto̱yi nito̱ʼtsskooka.