John 20:25 - Annaahk John Manistsitsinikatahpi Jesus Manistsipaitapiihpiai 1979

²⁵ Ki anniayi Thomas ota̱a̱nikka omi̱i̱ksi Jesus oma̱ttanikapiimiksi, “Tsinoa̱nnaana kitsi̱naaiminnoona.” Ki itani̱stsiiwaiksi, “Kima̱takomaiʼtoohpoaawa. Niisto̱wa ikkami̱nimminiki iksi̱niminiki oʼtsistsi itssta̱i̱hpi, ikkami̱ksiinimminiki omii isttsipo̱o̱htsi osto̱mi itssi̱mahpi kita̱kitomaiʼtoohpoaawa.”

John 20:25 ပူးပေါင်းရင်းမြစ်များ

John 1:41

I̱i̱tomotaʼpssammiiwa o̱mohpapiʼihpi Peteri. Itohko̱o̱noyiiwayi. Itani̱stsiiwayi, “Nika̱o̱hkoissksinoannaanini A̱ʼpistotookiwa anniska o̱mohtakohkoikiihpiska ma̱a̱hksikamotsi̱i̱piookssi.” (O̱ki, amoohka ota̱a̱niihpihka, A̱ʼpistotookiwa o̱mohtakohkoikiihpiska, ni̱ʼtoi anista̱panioʼsina “Christ”).

John 20:27

Ina̱i̱ʼtanistsiiwa omi̱i Thomas, “Po̱o̱hsapikinsstsaakit. Issa̱ʼtsit a̱a̱mostsi noʼtsi̱i̱stsi. Ista̱pikinsstsaakit a̱a̱mo isttsipo̱o̱htsi noosto̱mi, nitsi̱tssimokooyi. Pina̱ttsayiʼtakit. Ama̱i̱ʼtakit.”

John 21:7

Kii ki Jesus ami̱i ota̱komimmai oma̱nikapiimi a̱a̱nistsiiyinai anniiska Peteriska, “A̱nnaoʼka kitsi̱naaiminnoona.” Ki oma̱a Simon Peter, ka̱ksapskaohsatom o̱mohtapoʼtakihpistsi. Ki ota̱ʼyoohtsissi sota̱msapskaohsatoma otsa̱otatsiisokaʼsimi. Ki sota̱mssa̱yohpaʼwaaniwa.

John 6:30

Ki omi̱i̱ksi mata̱piiksi itani̱i̱yaawa, “O̱ki. Kita̱kohkottsipiʼkanisttsii na̱a̱hksinissinnaani ka̱a̱hkohtoʼtomaiʼtoohsinnaani. Kita̱kohkottsipisa̱tsskaʼsi.