John 20:21 - Annaahk John Manistsitsinikatahpi Jesus Manistsipaitapiihpiai 1979

²¹ O̱ki. Jesus ma̱ttsitsiita̱aksiksimatsimmiiwaiksi. Ki itani̱stsiiwa̱i̱ksi, “Ki̱tohkotohpoaawa iʼta̱a̱maʼpii. Nanisto̱ʼtsskoyihpi ni̱nna, kita̱i̱totoisapsstsimaahkatohpoaawa ka̱a̱hkaʼpoohsooayi.”

John 20:21 ပူးပေါင်းရင်းမြစ်များ

John 13:20

O̱ki. Kita̱kanistohpoaawa niitsi̱i̱yi. Kana̱i̱tapiiksi i̱ksimatsimmiiksi nita̱ka̱niitskoaiksi nitsi̱i̱miksistaiksimatsimmokiaawa. Ki a̱a̱mokska nitsi̱i̱miiksistsiksimatsimmokiksi, annaahka nito̱ʼtsskookahka, A̱ʼpistotookiwahka a̱nniskaoʼkinai oni̱ʼtapiksimatsimmoaawayi.”

John 14:27

O̱ki. A̱nnohka kita̱yaaksskitohpoaawa. Kita̱kohpsskitohpoaawa iʼta̱a̱mipaitapiʼssini. Ma̱tanistapiiwaatsi manistsi̱ʼtaamistotootsiiyihpiaawa ka̱taʼyaomaiʼtakiiksi mata̱piiksi. Noohki̱i̱tsiwa amo̱o ko̱mohpsskitohpoaawayihka iʼta̱a̱mipaitapiʼssini. Ki a̱nnihkayii ko̱mohtanistohpoaawa, pini̱kihki̱niʼtakika. Piniko̱ʼpoka.

John 20:19

O̱ki. Natoyi̱i̱ksistsikoi koʼko̱i ki a̱nni̱ksaoʼkiaawa omi̱i̱ksi Jesus oma̱nikapiimiksi itsi̱psta̱o̱piiyaawa na̱a̱pioyii. I̱kstonnoyiiyaawa omi̱i̱ksi isto̱ʼtotamaʼpssiiksi Jews. Ki a̱nnihkayii niita̱ʼpiyoʼkimiaawa omiistsi kitsi̱mistsi. O̱ki. Ki a̱nnika Jesus itsito̱ʼto̱owa i̱tsspiipoyiiwaiksi. Ita̱i̱ksimatsimmiiwa̱i̱ksi. A̱a̱niiwa, “Ki̱tohkotohpoaawa iʼta̱a̱maʼpii.”

John 20:22

Ki ota̱i̱ʼksistanistoohsi a̱a̱mohka sota̱mita̱psiitamiiwaiksi, ki itani̱stsiiwa̱i̱ksi “Maʼtooka natowo̱ttaka.

John 20:26

O̱ki. A̱nnika mattato̱yiksistsikoyika ki a̱nnikskaoʼkiaiksi Jesus oma̱nikapiimiksi itsipsta̱o̱piiyaiksi. Ki Thomas itsino̱piiwaiksi. Na̱i̱taʼpioʼkiihpiaawa omi̱i̱stsi kitsi̱mistsi. Kii Jesus sota̱mitsipiima; sota̱miksimatsimmiwaiksi. I̱i̱tsspiipoyiiwaiksi. Itani̱stsiiwaiksi, “Ki̱tohkotohpoaawa iʼta̱a̱maʼpii.”

John 3:17

A̱ʼpistotookiwa na̱o̱ʼtsskoyiwa ohko̱yi anno̱o ksa̱a̱hkomma. Ma̱tohtoʼtsskoyiiwaatsiksi ma̱ahkohtsitokakihtsimatahsi o̱tapiʼsini otoka̱ʼpipaitapiʼssoaawaistsi. Iihto̱ʼtsskoyiiwayi ma̱a̱hkohtohkoyikissayi ma̱a̱hkohtsikamotsi̱i̱piaahsi o̱tapiʼsini.