John 20:2 - Annaahk John Manistsitsinikatahpi Jesus Manistsipaitapiihpiai 1979

² A̱i̱ʼnimayi̱ ki o̱o̱mahkaoʼka sota̱momatapokskaʼsiwa. Ki a̱i̱ʼtoʼto̱owa ami̱i̱ksi Peteri ki omi̱isk oma̱a Jesus ota̱komimmaisk oma̱nikapiimiska. Ki a̱a̱ʼnistsiiwa amo̱ksi na̱tsitapiiksi, “Ayi̱i̱stapipohtoohpa osto̱mi kitsi̱naaiminnoona. Ma̱tattsitsstsiiwaatsi omiim itsi̱psststsaahpi. Ma̱tssksiniihpinnaana itapi̱pohtoohpi a̱a̱hkitsstsaahpi.”

John 20:2 ပူးပေါင်းရင်းမြစ်များ

John 13:23

O̱ki. Jesus otsska̱a̱ʼkomimmayi oma̱nikapiimi, itapa̱pitsskaohsiiyinai.

John 19:26

Ki Jesus, itsino̱yiwa ota̱komimmai oma̱nikapiimi. A̱nniskaoʼki omi̱i̱ksiska na̱tsikopotsiikska. Kii ma̱ttsitsinoyiiwa omi̱i oksi̱sstsi. Itani̱i̱wa, “Naʼa̱a. A̱a̱mo ki ta̱kohkoyimmawa.”

John 20:13

O̱ki. Oma̱a Mary ota̱a̱nikkaiksi, “O̱ki aki̱i̱yi, tska̱a ko̱mohtawasa̱iʼnihpa?” Itani̱stsiiwaiksi, “Kii iyi̱i̱stapipohtoohsi osto̱mi annaahkayii nitsi̱naaima, ki nima̱tssksiniihpa itapi̱pohtoohpi, itsstsa̱a̱hpi.”

John 20:15

Otsi̱tanikka omi̱i̱ Jesusi, “Oma̱a aki̱i̱yi. Tska̱a ko̱mohtawaasaiʼnihpa? Taka̱a kita̱ʼpaissammawa?” Kii ki soksta̱a̱wa ami̱i Jesus a̱a̱hkami̱i̱nayi omi̱i̱kska a̱o̱toitsikatsiiksi sapipo̱mmaaniksi miistsi̱i̱ksi. A̱a̱nistsiiwa̱yi, “Ikkami̱stapipohtomiiniki oosto̱mi noohkani̱kkita tsima̱a kitsi̱tsstsa̱a̱wa. Niisto̱wa nita̱kotooʼtoawa.”

John 20:9

(O̱ki. A̱nnihka iimi̱i̱sawaotsistapiʼtsimiaawa naato̱i̱si̱nakiaʼtsisi niitsi̱kayissi̱naaihpi oma̱a Jesus a̱aksstsinaiʼssksipoaoowa.)

John 21:20

O̱ki. Peter sota̱moʼtaksipoyiwa, sota̱minoyiiwa anniska oma̱a Jesus ota̱komimmai oma̱nikapiimi otohpo̱ʼkiawaawahkaahsinai. (A̱nnahkaoʼka annaahka itsita̱pitssto̱piiwa Jesusi anniihka otsi̱tota̱ksoyihpiaawayihka. A̱nnahkaoʼka anniihka itani̱stsiiwa Jesus anniihka otsi̱totaksoyihpiaawayihka, “Nitsinaaimi taka̱a kita̱komatskaoka?”)

John 21:24

O̱ki. Omi̱i̱ska oma̱a Jesus o̱mohta̱i̱ʼpoyiihpiska oma̱nikapiimiska, a̱nniskaoʼkinai a̱i̱tsinikatominayi a̱mostska. A̱nnoohk a̱a̱maoʼka anniihka ota̱i̱tsinikatoohpi. Issksini̱i̱hpa oto̱manaʼssi a̱a̱mostsi osi̱naakssistsi.

John 21:7

Kii ki Jesus ami̱i ota̱komimmai oma̱nikapiimi a̱a̱nistsiiyinai anniiska Peteriska, “A̱nnaoʼka kitsi̱naaiminnoona.” Ki oma̱a Simon Peter, ka̱ksapskaohsatom o̱mohtapoʼtakihpistsi. Ki ota̱ʼyoohtsissi sota̱msapskaohsatoma otsa̱otatsiisokaʼsimi. Ki sota̱mssa̱yohpaʼwaaniwa.