John 20:19 - Annaahk John Manistsitsinikatahpi Jesus Manistsipaitapiihpiai 1979

¹⁹ O̱ki. Natoyi̱i̱ksistsikoi koʼko̱i ki a̱nni̱ksaoʼkiaawa omi̱i̱ksi Jesus oma̱nikapiimiksi itsi̱psta̱o̱piiyaawa na̱a̱pioyii. I̱kstonnoyiiyaawa omi̱i̱ksi isto̱ʼtotamaʼpssiiksi Jews. Ki a̱nnihkayii niita̱ʼpiyoʼkimiaawa omiistsi kitsi̱mistsi. O̱ki. Ki a̱nnika Jesus itsito̱ʼto̱owa i̱tsspiipoyiiwaiksi. Ita̱i̱ksimatsimmiiwa̱i̱ksi. A̱a̱niiwa, “Ki̱tohkotohpoaawa iʼta̱a̱maʼpii.”

John 20:19 ပူးပေါင်းရင်းမြစ်များ

John 14:27

O̱ki. A̱nnohka kita̱yaaksskitohpoaawa. Kita̱kohpsskitohpoaawa iʼta̱a̱mipaitapiʼssini. Ma̱tanistapiiwaatsi manistsi̱ʼtaamistotootsiiyihpiaawa ka̱taʼyaomaiʼtakiiksi mata̱piiksi. Noohki̱i̱tsiwa amo̱o ko̱mohpsskitohpoaawayihka iʼta̱a̱mipaitapiʼssini. Ki a̱nnihkayii ko̱mohtanistohpoaawa, pini̱kihki̱niʼtakika. Piniko̱ʼpoka.

John 16:22

Ki a̱nnohka niʼto̱i niitsiiwa, kiisto̱aawa kita̱yaaksikihki̱niʼtakihpoaawa. Kii kita̱kitamattsinoohpoaawa, ki a̱nnimayii kita̱kstonnatohsiʼtaamsspoaawa. Ki ma̱takitsstsiihpa kito̱ʼtomookoaayi kitsi̱ʼtamssoaawayi.

John 16:33

Anni̱i̱stska kita̱a̱nistohpoaawaistska, no̱mohtanistoohpiaawa ka̱a̱hkohtoʼtoʼtsissoaayi iʼta̱a̱ma̱ʼpi. Kita̱kohtsitoʼtoʼtsiihpoaawa iʼta̱amaʼpii niisto̱wa. Anno̱o ksa̱a̱hko̱mma kita̱ki̱tsinaokohkoyiʼpoaawa. Iika̱ʼkimaaka. Niisto̱wa ta̱i̱tamaakssikaatstoʼpa saommitaʼpi anno̱o ksa̱a̱hkomma.

John 20:21

O̱ki. Jesus ma̱ttsitsiita̱aksiksimatsimmiiwaiksi. Ki itani̱stsiiwa̱i̱ksi, “Ki̱tohkotohpoaawa iʼta̱a̱maʼpii. Nanisto̱ʼtsskoyihpi ni̱nna, kita̱i̱totoisapsstsimaahkatohpoaawa ka̱a̱hkaʼpoohsooayi.”

John 20:26

O̱ki. A̱nnika mattato̱yiksistsikoyika ki a̱nnikskaoʼkiaiksi Jesus oma̱nikapiimiksi itsipsta̱o̱piiyaiksi. Ki Thomas itsino̱piiwaiksi. Na̱i̱taʼpioʼkiihpiaawa omi̱i̱stsi kitsi̱mistsi. Kii Jesus sota̱mitsipiima; sota̱miksimatsimmiwaiksi. I̱i̱tsspiipoyiiwaiksi. Itani̱stsiiwaiksi, “Ki̱tohkotohpoaawa iʼta̱a̱maʼpii.”

John 21:1

O̱ki. A̱nnika po̱o̱hsapoohtsika Jesus sota̱maistamatsoohsatsiiwa oma̱nikapiimiksi. Omiima o̱mahksikimi Tiberias ita̱i̱stamatsoohsatsiiwaiksi. A̱nnohka a̱a̱moyayii a̱kitsinikatoohpa.

John 21:14

O̱ki. Ki a̱nnihkaoʼka iihtso̱o̱kskayi Jesus otsi̱taistamatsoohsatahpi oma̱nikapiimiksi ota̱i̱ʼssksipoaoohsi.

John 7:13

Ki ami̱i̱ksi mata̱piiksi ma̱tohtsitsiʼpoyii omi̱i Jesus otsi̱takaitapiʼssi. Iiko̱maisstonnoyiiyaawa omi̱i̱ksi isto̱ʼtotamaʼpssiiksi Jews ma̱a̱hkitsitoohtoyissaawa.