John 20:17 - Annaahk John Manistsitsinikatahpi Jesus Manistsipaitapiihpiai 1979

¹⁷ Jesus itani̱stsiiwa̱yi “Pina̱ttsinnokit. Nima̱tomaitapsspommo̱ohpa ni̱nna. Istapo̱o̱ta no̱mohpapiʼihpiksi na̱a̱tsikopotsiiksi. Anistsi̱saawa nita̱kitapsspommoohsi anna̱a̱hka ni̱nnaahka, anna̱a̱hka ki̱nnoaawahka. Ta̱kitapoo anna̱a̱hka nita̱waatsimoihkaamawahka, A̱ʼpistotookiwahka, anna̱a̱hka kino̱o̱hkattawaatsi̱moihkaamoaawahka.”

John 20:17 ပူးပေါင်းရင်းမြစ်များ

John 13:1

O̱ki. A̱i̱tamaakitoʼtsstsiiwa amo̱ya o̱mahksiksistsikoyiia otsi̱tohkanaʼpssatoohpiaawa iihtsito̱ʼtsikamotsi̱i̱piaahpiaawa Egypt issko̱o̱htsika. Ki Jesus a̱kaissksini̱ma oka̱o̱ʼtsataʼpissi otsi̱taksiistapa̱atoohpi anno̱o ksa̱a̱hkoi, ma̱a̱hksskitapoohsi o̱nni. O̱ki. Jesus iika̱komimmiiwa otsitapi̱i̱mataiksi anno̱o ksa̱a̱hkommi, ki a̱nnimayi otsopokamomi̱mmahsaiksi iihta̱i̱stamatsiiwaiksi ota̱nisttsiihpi. A̱nnohkai a̱kohtsitsinikioʼpa.

John 13:3

O̱ki. Jesus issksini̱nima otohko̱yissi o̱nni A̱ʼpistotookiiyi kana̱ʼpaisiistsi, ki issksini̱ma o̱mohtoʼtoohsi A̱ʼpistotookiiyi ki ota̱yaaksskitapoohsayi.

John 14:2

Omi̱i̱m Ni̱nna A̱ʼpistotookiwa otsi̱taopiihpim itaka̱woyaawa omiistsi ita̱i̱psto̱pa̱oʼpistsi. A̱mohka ka̱taaʼnistsiiopi kima̱takanistohpoaawa. Niisto̱wa ta̱kohtsitapoo ka̱a̱hkohtaʼpistotomoohsoayi ka̱a̱hkitaopihpoaawa.

John 14:28

Kito̱o̱htookihpoaawa kita̱a̱nistohsoaayi nita̱ksistapoohsi, ki ta̱kitamattsskitoʼtoo kiisto̱aawa. O̱ki, ikkama̱komimmokiinoainiki, kita̱kitohtsiksimatsiʼtakihpoaawa nita̱ksskitapoohsi ni̱nna. Takaa osto̱yi ito̱ʼtsitssksspssiwa niisto̱i.

John 14:6

Itani̱i̱wa Jesusa “Niisto̱wa a̱nnahkaoʼka annaahka kita̱kohtohkoitoʼtoohpoaawahka. Niisto̱wa a̱nnahkaoʼka moka̱moʼtaʼpssi. Niisto̱wa a̱nnahkaoʼka o̱mohtsiistapitsstsiihpi manipa̱i̱tapiʼssini. Oma̱a mata̱piiwa ikka̱msaohtohkoyikisi niisto̱i ma̱takohkoitoʼto̱owaatsi ninni.

John 16:28

No̱mohtsiistapoʼtoo ni̱nna, ki anno̱o ksa̱a̱hkommi nitsi̱toʼtoo. Ki nita̱ksiistapa̱atoohpa. Nita̱ksskitapoo ni̱nna.”

John 17:11

Nitaitamaaksistapa̱atoohpa ksa̱a̱hkommi. Niisto̱wa ta̱kitapoo kiisto̱wa. Osto̱aawai a̱kitsaakiitaʼpaissiiyaawa ksa̱a̱hkomm. A̱yo ni̱nnai. Kitsika̱toaʼpssi. Amo̱ksi a̱o̱maiʼtakiiksi isskska̱mmisaawa. Kanista̱pitapiiyihpi kani̱stsskonataʼpsspi, a̱nniayi noohkani̱stsskskammisaawa. Ki̱tohkokki na̱a̱hkaistamatstohkssi kanista̱pitapiiyihpi. Isskskammisaawa maahkohkanawanistapssaawa anni niʼtsita̱piiyi, ni̱i̱ʼtoi a̱nni kiisto̱wa ki niisto̱wa niitsi̱ʼtokskaaoʼpi.

John 17:25

A̱yo ni̱nna. Kiisto̱wa kitsiko̱kamoʼtaʼpssi. Ka̱taʼyaomaiʼtakiiksi kima̱tssksinookiaawa. Niisto̱wa kitsi̱naoʼkssksinoo ki amo̱ksi ki̱tssksinookiaawa kiisto a̱nnayii kito̱ʼtsskookssi.

John 17:5

A̱yo ni̱nna. Anniihka kani̱stohpoksspssiimohpi itsa̱o̱maʼpaistotsiihpi ksa̱a̱hkommi noohkani̱stsspipoʼtookit a̱nnohka ka̱a̱hkanistohpoksspssiimohsi.

John 20:27

Ina̱i̱ʼtanistsiiwa omi̱i Thomas, “Po̱o̱hsapikinsstsaakit. Issa̱ʼtsit a̱a̱mostsi noʼtsi̱i̱stsi. Ista̱pikinsstsaakit a̱a̱mo isttsipo̱o̱htsi noosto̱mi, nitsi̱tssimokooyi. Pina̱ttsayiʼtakit. Ama̱i̱ʼtakit.”

John 7:33

Ki a̱nniai Jesus sota̱manistsiiwa omi̱i o̱tapiʼssini “O̱ki. Kita̱kattsiʼnaksisamohpokaissiimohpoaawa, ki a̱nnika ta̱ksotamsskitapoo annaahka nito̱ʼtsskookahka. Ki a̱nniika aiʼsskito̱ʼtooyiniki annaahka nito̱ʼtsskookahka