John 2:4 - Annaahk John Manistsitsinikatahpi Jesus Manistsipaitapiihpiai 1979

⁴ Jesus itani̱stsiiwayi, “Naʼa̱a. Ni ta̱wanisttsiihpistsi kima̱tsitoʼtohkoyikiihpa. Ma̱tomaoʼtsstsiiwa nitsi̱takanisttotsiihpi nita̱kanisttotsiihpi.”

John 2:4 ပူးပေါင်းရင်းမြစ်များ

John 12:23

O̱ki. Jesus itani̱i̱wa, “A̱nnohkaoʼka a̱o̱ʼtsstsiiwa nitsi̱taaksinaya̱ttsookoyi. Niisto̱akaoʼka annaahka Mata̱piiwahka.”

John 13:1

O̱ki. A̱i̱tamaakitoʼtsstsiiwa amo̱ya o̱mahksiksistsikoyiia otsi̱tohkanaʼpssatoohpiaawa iihtsito̱ʼtsikamotsi̱i̱piaahpiaawa Egypt issko̱o̱htsika. Ki Jesus a̱kaissksini̱ma oka̱o̱ʼtsataʼpissi otsi̱taksiistapa̱atoohpi anno̱o ksa̱a̱hkoi, ma̱a̱hksskitapoohsi o̱nni. O̱ki. Jesus iika̱komimmiiwa otsitapi̱i̱mataiksi anno̱o ksa̱a̱hkommi, ki a̱nnimayi otsopokamomi̱mmahsaiksi iihta̱i̱stamatsiiwaiksi ota̱nisttsiihpi. A̱nnohkai a̱kohtsitsinikioʼpa.

John 2:3

Kii, ki itsi̱ʼtsinihkaayi omiistssi mi̱i̱niaohkiistsi. Kii Jesus otsi̱tanikka oksi̱sstsi, “Ma̱tattsitsstsiihpa mi̱i̱niaohkii.”

John 20:13

O̱ki. Oma̱a Mary ota̱a̱nikkaiksi, “O̱ki aki̱i̱yi, tska̱a ko̱mohtawasa̱iʼnihpa?” Itani̱stsiiwaiksi, “Kii iyi̱i̱stapipohtoohsi osto̱mi annaahkayii nitsi̱naaima, ki nima̱tssksiniihpa itapi̱pohtoohpi, itsstsa̱a̱hpi.”

John 20:15

Otsi̱tanikka omi̱i̱ Jesusi, “Oma̱a aki̱i̱yi. Tska̱a ko̱mohtawaasaiʼnihpa? Taka̱a kita̱ʼpaissammawa?” Kii ki soksta̱a̱wa ami̱i Jesus a̱a̱hkami̱i̱nayi omi̱i̱kska a̱o̱toitsikatsiiksi sapipo̱mmaaniksi miistsi̱i̱ksi. A̱a̱nistsiiwa̱yi, “Ikkami̱stapipohtomiiniki oosto̱mi noohkani̱kkita tsima̱a kitsi̱tsstsa̱a̱wa. Niisto̱wa nita̱kotooʼtoawa.”

John 7:30

O̱ki. A̱nniayii a̱i̱ʼtsstsiihpa ota̱i̱ssa̱aksinnoki ma̱a̱hki̱tohtoipiyissi. Kii ina̱o̱ʼksaomiitaoʼtsstsiiwa ita̱aksiʼnitahpi. Ka̱a̱tsaitsstsiiʼpa otsiki̱i̱htooki.

John 7:6

Itani̱stsiiwaiksi, “Ma̱tomaoʼtsstsiiwa nitsi̱taakanisttsiihpi nita̱yaakanisttotsiihpi. Kiisto̱aawa kita̱i̱sksaohkottanisttotsiihpoaawa kita̱yaakanisttotsiihpoaawaistsi.

John 7:8

Kiisto̱aawa sta̱mawattsitapook omii otsi̱taohkanaʼpssatoohpiaawa o̱mahksiksistsikoi. Niisto̱wa nima̱takitapoohpa annohka. Ma̱tomaitaoʼtsstsiiwa nitsi̱taakitapoohpi.”

John 8:20

A̱nniai a̱a̱niiwa Jesus. Omii o̱mahkitawaatsi̱moihkaaoʼpi omii ita̱i̱kkitstakioʼpi iihta̱o̱pommaoʼpi, a̱nnimaoʼka otsi̱taniihpi a̱a̱mohka. Ki ma̱tsitsinna̱waatsi. Takaa ma̱tomaoʼtsstsi̱i̱wa ita̱aksiʼnitahpi.