John 2:25 - Annaahk John Manistsitsinikatahpi Jesus Manistsipaitapiihpiai 1979

²⁵ Osto̱yi saohta̱nistahki omi̱i mata̱piiyi a̱ksikakssksinima manista̱pitapiiyihpiayi. Osto̱yi a̱ksi̱kayissksinoyiiwa ami̱i mata̱pii manistai̱simiiksimsstaahpi.

John 2:25 ပူးပေါင်းရင်းမြစ်များ

John 1:42

Oma̱a Andrew itsita̱pipiiwa anniska o̱mohpapiʼihpiska Simon Peter anniska Jesusi. Jesusa itssa̱mmiiwayi. Itani̱stsiiwa̱yi, “O̱ki. Kiisto̱akaoʼka Joannas ohko̱yi. Kita̱nikko Simon. Ki̱tohkoto Cephas ka̱a̱hkitsinihkaʼsimatoʼpa.” (O̱ki. Amoohka “Cephas” ni̱ʼtoi anista̱paniosina “Peter”. Anista̱paniosina “O̱o̱hkotoka.”)

John 1:47

O̱ki A̱ʼwaistohkoyiiyaawa Jesus. Jesus itsino̱yiiwa Nathanael. Sota̱maniiwa “A̱a̱mayii nita̱ʼpanistapssiwa amo̱ksiska A̱ʼpistotookiwa otsitapi̱i̱mataikska. Ma̱tattsiitapiiwa.”

John 13:11

O̱ki, a̱a̱mohka iihtani̱i̱wa oma̱a Jesus otsi̱tsi̱kayissksinoahsi anniiska ota̱ksisimiomatskaokiska. A̱nnihkayii iihtani̱i̱wa, “Itsstsi̱wa niʼtsita̱piiwa ksiisto̱aawa ma̱tsiksikkaʼpistotoawa.”

John 6:61

Omi̱i̱ksi Jesus ota̱i̱ssksinimaatsaaiksi iihpa̱ʼkiiwooyiksi iima̱a̱nistaohkaanistoomiaawa ota̱a̱niihpi. Iima̱a̱nistaisataiʼpoyiiyaawa. Jesus sota̱mssksinima ota̱waaniihpiaiksi ki̱i̱wa otsawo̱o̱htsiihpiaistsi. Ki a̱nnihkayii iihtani̱stsiiwaiksi, “O̱ki. Ko̱mohtsawaahsiʼtakihpoaawa kita̱waanistohpoaawaistsi. A̱nnoohka kita̱kohtsitsiistapa̱aa̱kkihpoaawa.

John 6:64

Kii kiisto̱aawa itsstsi̱i̱hpa nima̱tomaiʼtookaiksaawa.” A̱a̱mohka oma̱a Jesus iihtani̱i̱iwa otsi̱tsikayissksinissi anniihka otsi̱stsitsaomatapoohsi anni̱i̱ksi ka̱taʼyaomaiʼtakiiksi, kii ma̱ttssksinoyiiwa anni̱i̱ska ota̱ksisimioma̱tskaokiska.