John 19:6 - Annaahk John Manistsitsinikatahpi Jesus Manistsipaitapiihpiai 1979

⁶ Kii ki a̱nniayii omi̱i̱ksi ni̱naato̱yaapiikoaiksi ki a̱waatoaʼpinnakiikoaiksi a̱i̱ʼnoyiiyaawa Jesusi, a̱i̱sohkaniiyaawa, “Awo̱i̱staasa, awo̱i̱staasa.” Oma̱a Pilate sota̱manistsiiwaiksi, “Kiisto̱aawa kita̱kohkottoʼtoawaawa ka̱a̱hkawatta̱woistaahsoaayi. Niisto̱wa nima̱a̱toohkitohkoonimaahpa a̱a̱hkohtotoiʼmahpi.”

John 19:6 ပူးပေါင်းရင်းမြစ်များ

John 18:3

Kii ki sota̱mitsistsso̱owa Judas. Itsi̱stssi̱piiwa omi̱i̱ksi ika̱katapiiyi a̱wawahkaoʼtsiiksi, ki anni̱i̱ksi omi̱i̱ksiska otsi̱nnakiimoawaiksi omi̱i̱ksi Jews. Iihpo̱ʼtooyaawa a̱a̱mostska pako̱yittsi, ki siipia̱naʼkimaʼtsi, ki o̱mohtawa̱wahkaoʼtsiaʼpanistsspiaawa.

John 18:31

Pilate itsipo̱ʼtanistsiiwaiksi, “Sota̱moʼtooka. Sota̱mohpokakihtsimatok kita̱wattokakihtsimaanoaayi, kanista̱psspoaayi Jews.” Omi̱i̱ksi Jews itani̱i̱yaawa, “Kiisto̱aawa Romans itana̱ʼsiwa kitoka̱kihtsimaanoaawa Niisto̱nnaana Jews ma̱a̱hksayitsstsissi na̱a̱hkokakihtsimatannaani a̱a̱hksiʼnitahsi. Ki a̱nnihkayii kiisto̱yi no̱mohtsitapi̱piannaana ka̱a̱hkokakihtsimatahsi.”

John 18:38

Oma̱a pilate itani̱stsiiwa Jesus, “A̱a̱hkikkamsayiitsstsiihpa oma̱naʼssiiyi.” O̱ki. Ota̱i̱ʼksistanistoohsi a̱a̱mohka oma̱a Pilate itsski̱tapsaksiwa omi̱i̱ksi Jews, ki itani̱stsiiwaiksi “Nimatohkoonima̱a̱hpa a̱a̱hkohtotoiʼmahsi.

John 19:15

Sota̱mattsohkaniiyaawa, “Mi̱i̱stapipoʼtosa, mi̱i̱stapipoʼtoosa. Awo̱i̱staasa.” Ki a̱a̱niiwa oma̱a Pilate, “Kika̱taiʼsstakkihpoaawa na̱a̱hkawoistaahsi anna̱a kitsi̱sttsiipihkini̱naaimoaawa?” Ki itani̱i̱yaawa omi̱i̱ksi ni̱naato̱yaapiikoaiksi, “Nima̱tsisttsiipihki̱naaimannaanaatsi. Niʼtsita̱pii nitsi̱sttsiipihkni̱naaimannaana. Annaahka Ceasar a̱nnahkaoʼka.”

John 19:4

O̱ki. Oma̱a Pilate, ma̱ttsista̱i̱ʼsaksiwa. Ma̱ttsitanistsiiwa omiiksi Jews, “O̱ki. Nita̱ksaipiaawa ta̱kitapipoʼtoawa kiisto̱aawayi ka̱a̱hkohtssksinissoaayi nitsi̱tsaohkoonimaani a̱a̱hkohtotoiʼmahpi.”