John 19:35 - Annaahk John Manistsitsinikatahpi Jesus Manistsipaitapiihpiai 1979

³⁵ (O̱ki. Oma̱a na̱i̱nima a̱a̱mohka a̱i̱tsinikatoma ka̱a̱hkohtsitomaiʼtakssoayi a̱nnaka a̱o̱kstoomaka. A̱a̱mohka ota̱a̱niihpi i̱i̱manaʼsiwa. Issksinima oto̱manaʼssi.)

John 19:35 ပူးပေါင်းရင်းမြစ်များ

John 11:15

Ki itani̱i̱wa, “No̱mohtsiksimatsiʼtaki nitsaitapo̱o̱hsi osto̱yi otsi̱tsaomaiʼnihpi. Kiisto̱aawa a̱nniksaoʼkiaawa no̱mohtsiksimatsiʼtaki. Takaa Kita̱ksistapo̱maomaiʼtakihpoaawa. Oki̱h. A̱a̱hkonaʼpaya̱a̱kitapaaoʼpa Lazarus.”

John 11:42

Nisto̱wa ni̱tssksiniihpa kita̱i̱ssksayisstsiwokssi. A̱a̱mohka ko̱mohtanisto a̱a̱moksi na̱o̱ʼtsipoyiiksi mata̱piiksi ma̱a̱hkitoohtsissaawa, ma̱a̱hkohtsitomatapomaiʼtsissaawa kiisto̱wa kito̱ʼtsskokssi.”

John 14:29

O̱ki a̱nnohka kitsi̱tsaomaanistaohkoyiʼpoaawayi kitsi̱tsi̱kayissohtsiʼpoatohpoaawa, ki a̱nnimayii aaʼnisti̱i̱si kita̱kohtsitoʼtomaiʼtakihpoaawa.

John 15:27

Kii kiisto̱aawa kita̱kaistama̱atsaawaawa o̱tapiʼssini nita̱mihpi. Takaa kiisto̱aawa kitsi̱tohpokaʼpaissiimokihpoaawa istsitsa̱omatapaaoʼsi ki a̱nnohka.”

John 19:26

Ki Jesus, itsino̱yiwa ota̱komimmai oma̱nikapiimi. A̱nniskaoʼki omi̱i̱ksiska na̱tsikopotsiikska. Kii ma̱ttsitsinoyiiwa omi̱i oksi̱sstsi. Itani̱i̱wa, “Naʼa̱a. A̱a̱mo ki ta̱kohkoyimmawa.”

John 20:31

Amo̱stsi itssi̱naihpistsi atsini̱kssiistsi, iihtssi̱naiʼpiaawa kiisṯowaawayi a̱nnaka a̱o̱kstakiwaka, ka̱a̱hkohtsitomaiʼtoahsoayi Jesus a̱nniskaoʼkinayi anna̱a̱hka A̱ʼpistotookiwa anniiska o̱mohtohkoikiihpiska, ki a̱nniskaoʼkinai annaahka A̱ʼpistotookiwa anniisk ohko̱yiska. Ikkamo̱maiʼtakiinoainiki Jesus ki̱tohkokkoaawa kaahkaissksipaitapiiʼssoaayi.

John 21:24

O̱ki. Omi̱i̱ska oma̱a Jesus o̱mohta̱i̱ʼpoyiihpiska oma̱nikapiimiska, a̱nniskaoʼkinai a̱i̱tsinikatominayi a̱mostska. A̱nnoohk a̱a̱maoʼka anniihka ota̱i̱tsinikatoohpi. Issksini̱i̱hpa oto̱manaʼssi a̱a̱mostsi osi̱naakssistsi.