John 19:19 - Annaahk John Manistsitsinikatahpi Jesus Manistsipaitapiihpiai 1979

¹⁹ Ki Pilate a̱ʼpistotomoawa sina̱a̱kssini ki itsita̱psstaihpa̱yi omii awo̱i̱sstakssini. Itssi̱naihpa, “A̱a̱moyaoʼka Jesus iihto̱ʼtoowa Nazareth. A̱nniskaoʼkinai omiiksi Jews otsi̱sttsiipihkini̱naaimoaawayi.”

John 19:19 ပူးပေါင်းရင်းမြစ်များ

John 1:49

Nathanael ota̱ʼyoohtoahsi sota̱mipisatsiʼtakiwa. Ka̱a̱tanistsiiwa Jesusi “A̱i̱ssksinimaatstohki. Kiisto̱wa a̱nniskaoʼkinayi A̱ʼpistotookiwa ohko̱yi. Kiisto a̱nnayii kita̱kitsinawaʼsi Israel.”

John 18:33

Kii ki oma̱a Pilate sota̱mattsskitsipiima omii oto̱mahkaokooaayi. Sota̱minihkatsiwa amii Jesus. Sota̱manistsiiwayi “Kika̱taaʼmihpa otsi̱sttsiipihkini̱naaimoaawayi Jews.”

John 19:12

Kii ki a̱nnihkayii oma̱a Pilate sota̱momatapiitaʼpsstatsiiwa Jesus ma̱a̱hksipoʼtoahsi. Kii omi̱i̱ksi Jews, ka̱ksotamsohkaniiyaawa, “O̱ki, Pilate. Ikkami̱tapssiiniki oma̱a o̱mahksisttsiipihkini̱naawa, oma̱a Ceasar, kima̱taksipoʼtoawa Jesus. Takaa anna̱a Jesus a̱a̱niiwa otsi̱sttsiipihkini̱naayissi. Otani̱ssi otsi̱sttsiihpihkini̱naayissi a̱nnihkayi ka̱a̱hkohtssksiniihpa anna̱a Jesus ma̱tsitapssi̱waatsi Caesar.”

John 19:14

O̱ki. Ki a̱nnihka ksistsikowa a̱i̱kaisopoatsistotoohsatomiaawa amo̱ya o̱mahksiksistsikoyia otsi̱tohkanaʼpssatoohpiaawa iihtsitoʼtsikamotsi̱i̱piaahpi Egypt. O̱ki. Ki a̱kaya̱kihtatsikaawa. Ki oma̱a Pilate a̱a̱nistsiiwa omi̱i̱ksi Jews, “A̱a̱maoʼka annaahka kitsi̱sttsipihkini̱naaimoaawahka.”

John 19:21

Omi̱i̱ksi Jews otsi̱naato̱yaapiikoamoaawaiksi sota̱motaanistsiiyaawa ami̱i Pilate, “A̱kohkottsaitssi̱naihpa otsi̱sttsiihpihkini̱naaimoaawayi Jews. Ahtsawa̱i̱ʼtssi̱naaissi a̱a̱niiwa ota̱mssi otsi̱sttsiipihkini̱naaimoaawayi omi̱i̱ksi Jews.”

John 19:3

A̱i̱ʼta̱pohtowooyaawayi. Itawa̱a̱nistsiiyaawayi “Kiisto̱akaoʼka omiikska Jews otsi̱sttsiipihkini̱naaimoaawayi.” A̱nniai niitsi̱kkahsiistotoyiiyaawayi. Ki ota̱i̱ʼtapotowoohsaawayi iitsita̱wayaakiiyaawayi osstoksi̱si.