John 18:33 - Annaahk John Manistsitsinikatahpi Jesus Manistsipaitapiihpiai 1979

³³ Kii ki oma̱a Pilate sota̱mattsskitsipiima omii oto̱mahkaokooaayi. Sota̱minihkatsiwa amii Jesus. Sota̱manistsiiwayi “Kika̱taaʼmihpa otsi̱sttsiipihkini̱naaimoaawayi Jews.”

John 18:33 ပူးပေါင်းရင်းမြစ်များ

John 1:49

Nathanael ota̱ʼyoohtoahsi sota̱mipisatsiʼtakiwa. Ka̱a̱tanistsiiwa Jesusi “A̱i̱ssksinimaatstohki. Kiisto̱wa a̱nniskaoʼkinayi A̱ʼpistotookiwa ohko̱yi. Kiisto a̱nnayii kita̱kitsinawaʼsi Israel.”

John 12:13

Ki a̱nniayi itssi̱i̱koʼtakiiyaawa matoyo̱o̱paisskoi ki itsska̱atsiiyaawa Jesus. A̱i̱sohkawaaniiyaawa, “A̱a̱hksspimmawa A̱ʼpistotookiwa ki A̱ʼpistotookiwa a̱a̱hksspommoyiiwa o̱o̱mi ota̱ʼpaoʼtomooki. A̱nnahkaoʼka a̱kitsinawaʼsiwa kiisto̱nnooni anno̱o Israel.”

John 12:15

“Pinikoʼpooka a̱nnaka ita̱o̱piiwaka omii aka̱i̱tapisskoi Jerusalem. O̱o̱makaoʼka kitsi̱sttsiipihkini̱naaimoaawa. Itohki̱to̱piiwa aʼsi̱miiyinai, iʼnako̱mahkstooki.”

John 18:34

Itani̱i̱wa Jesusa “A̱a̱mohka kika̱taʼwattaniihpa, kia̱yaa a̱a̱hkitsstsiihpa kita̱a̱nikki a̱a̱mohka?”

John 18:37

Oma̱a Pilate, sota̱maniiwa, “Iika̱nistsinattsiwa a̱nni kita̱waaniihpi kitsi̱sttsiipihkini̱naiʼssi.” Jesus itsipo̱ʼtanistsiiwayi, “Kiistowa, a̱nnaoʼka annaahka a̱a̱niiwahka. Ki niisto̱wa no̱mohtsipokaayi, ki anno̱o ksa̱a̱hkomm no̱mohtsitoʼtoo na̱a̱hkitsitsinikatoohsi oma̱naʼssini. Kana̱i̱tapiiyi iihta̱i̱sapooiksi oma̱naʼssini nita̱ksisstsiwokiaawa.”

John 18:38

Oma̱a pilate itani̱stsiiwa Jesus, “A̱a̱hkikkamsayiitsstsiihpa oma̱naʼssiiyi.” O̱ki. Ota̱i̱ʼksistanistoohsi a̱a̱mohka oma̱a Pilate itsski̱tapsaksiwa omi̱i̱ksi Jews, ki itani̱stsiiwaiksi “Nimatohkoonima̱a̱hpa a̱a̱hkohtotoiʼmahsi.

John 19:12

Kii ki a̱nnihkayii oma̱a Pilate sota̱momatapiitaʼpsstatsiiwa Jesus ma̱a̱hksipoʼtoahsi. Kii omi̱i̱ksi Jews, ka̱ksotamsohkaniiyaawa, “O̱ki, Pilate. Ikkami̱tapssiiniki oma̱a o̱mahksisttsiipihkini̱naawa, oma̱a Ceasar, kima̱taksipoʼtoawa Jesus. Takaa anna̱a Jesus a̱a̱niiwa otsi̱sttsiipihkini̱naayissi. Otani̱ssi otsi̱sttsiihpihkini̱naayissi a̱nnihkayi ka̱a̱hkohtssksiniihpa anna̱a Jesus ma̱tsitapssi̱waatsi Caesar.”

John 19:3

A̱i̱ʼta̱pohtowooyaawayi. Itawa̱a̱nistsiiyaawayi “Kiisto̱akaoʼka omiikska Jews otsi̱sttsiipihkini̱naaimoaawayi.” A̱nniai niitsi̱kkahsiistotoyiiyaawayi. Ki ota̱i̱ʼtapotowoohsaawayi iitsita̱wayaakiiyaawayi osstoksi̱si.

John 19:4

O̱ki. Oma̱a Pilate, ma̱ttsista̱i̱ʼsaksiwa. Ma̱ttsitanistsiiwa omiiksi Jews, “O̱ki. Nita̱ksaipiaawa ta̱kitapipoʼtoawa kiisto̱aawayi ka̱a̱hkohtssksinissoaayi nitsi̱tsaohkoonimaani a̱a̱hkohtotoiʼmahpi.”

John 19:9

Sota̱mattskohpokitsipiimiwa omi̱i Jesus omii oto̱mahkaokooaayi. Ki itani̱stsiiwayi, “Tsima̱a ko̱mohtoʼto̱o̱hpa?” Ki Jesus sota̱msaissksipoʼtsiʼpoatsiiwayi.