John 17:6 - Annaahk John Manistsitsinikatahpi Jesus Manistsipaitapiihpiai 1979

⁶ Omi̱i̱ksi kitsi̱tohkokkihpiksi anno̱o istsitapi̱i̱ksi ksa̱a̱hkommi nita̱i̱stamatsaayaawa kiisto̱wa kanista̱pitapiiyihpi. Kiisto̱wa kitsina̱a̱natayaawa, kii niisto̱wa kitohkokkiaawa, ki sota̱manistsiʼtsimiaawa kitsi̱i̱ʼpoahsini.

John 17:6 ပူးပေါင်းရင်းမြစ်များ

John 1:18

Ma̱tonaitaisstsiihpa a̱a̱hksinoyii Kinnooni A̱ʼpistookiiyi. Ki oni̱ʼtohkoyi ki a̱nnahkaoʼka A̱ʼpistookiiyi. Ki̱nnoona ota̱i̱ssksohpokaʼpaissiimoka ohko̱yi. Ki na̱o̱ʼtooyinai. Na̱waistamatstohkatohsiinayi a̱a̱hkitohkoissksinissi o̱nni mani̱stsspiai.

John 12:28

Ki itani̱i̱wa, “A̱yo ni̱nna. A̱nnohka noohka̱i̱stamatstohkit kani̱stsspsspi.” O̱ki. A̱nnikayii A̱ʼpistotookiwa itsito̱o̱htoawa isspo̱o̱htsi o̱mohtsinniʼpoyʼssi. A̱a̱niiwa, “Nika̱waistamatstohkatoohpa, ki nita̱kattsistaistamatstohkatoohpa.”

John 15:19

Kitsi̱toʼtsspoaawopi ka̱taʼyaomaiʼtakiiksi kita̱kitakomimmokoaayaawa. A̱wattakomimmotsiiyaawa. Ki kiisto̱aawa ko̱mohtssikahksipoʼtoohpoaawa ka̱a̱hksawattsitoʼtssoaayi ka̱taʼyaomaiʼtakiiksi, ki a̱nnimayii kita̱kohtsi̱kaimmokoaayaawa.

John 15:3

Kiisto̱aawa ni̱nna kika̱i̱sikkaʼpssakkoaawa kisa̱o̱mmitsitapiʼssoaawa. Kita̱a̱nistohpoaawaistsi, a̱nnihkaoʼka ko̱mohtsiksikkaʼpistotootspoaawa.

John 15:7

O̱ki. Ikka̱mohpipaitapiiyinoaainiki niisto̱wa, kii ikka̱msawaatstoominoainiki ni̱tssksinimaatstohkihpistsi, kita̱ksotamanikkihpoaawa kita̱yaakanikkihpoaawayi, ki a̱nniai ki ta̱kitanisttotomoohpoaawa.

John 17:12

Nitsi̱tsakiohpokaʼpaissiimahpiaawa no̱mohtsitotoitsikatayaawa kitsskona̱taʼpssini, ki̱tohkokkihpi. Ki̱tohkokki na̱a̱hkaistamatstohkatoohsi kitsskona̱taʼpssini. No̱mohtsitotoitsikatayaawa, ki itsa̱yitaisstsiihpa na̱a̱hkaatsaai; nika̱kaatsaawa oma̱a a̱yaakaatsaawa, oma̱a Judas. Naato̱i̱sinaakiaʼtsisi itsi̱kayissiinaapsskohkatoohpa a̱akaatsaawa, ki a̱nnihkayii iihta̱a̱tsaawa.

John 17:14

Nita̱a̱nistayaawa kita̱a̱niihpi ki otsi̱kaimmokoaawa ka̱taʼyaomaiʼtakiiksi. Ma̱tsitaoʼtssiwaiksi ka̱taʼyaomaiʼtakiiksi, niʼto̱i̱ niisto̱wa nani̱stsayitoʼtsspi ka̱taʼyaomaiʼtakiiksi. Ki a̱nnihkayii o̱mohtsi̱kaimmokoaawaiksi.

John 17:16

Nani̱stsayitoʼtsspi ka̱taʼyaomiaʼtakiiksi, niiʼto̱i̱ amo̱ksi, ma̱tsitoʼtssiiwaiksi.

John 17:2

Takaa kika̱o̱hkokki na̱a̱hkitohkaninawaʼsi mata̱piiwa, omi̱i̱ksi ko̱mohtsspiohkokkihpiksi o̱tapiʼssini na̱a̱hkitohkanaohkotahsaawa a̱i̱sksipaitapiiʼssini.

John 17:24

Ni̱nnai, nitsiko̱o̱hkstatayi amo̱ksi ki̱tohkokkihpiksi na̱a̱hkitohpokaʼpaissiimi̱yissaawa omiim nita̱yaakitapoohpi, ma̱a̱hkitsinissaawa omiihka nani̱stsspssi. Kiisto̱wa ki̱tohkokki a̱nni na̱a̱hkanistsspsspi. A̱a̱mohka ko̱mohtohkokki takaa kitsi̱takomimmokssi anniihka itsa̱omaʼpaistotsiihpi anno̱o ksa̱a̱hkomm.

John 17:26

Nita̱i̱stamaatsaayaawa kiisto̱yi kanista̱pitapiiyihpi, ki nita̱kattsistaiʼstama̱tsaayaawayi. Ki a̱nnihkayi a̱kohtsitotoisapakomimmotsiiyaawa kanista̱komimmokihpi. Ki a̱kohpipaitapiiyaawa niisto̱i̱.” A̱nniayii a̱a̱nistsiiwa Jesus o̱nni.

John 17:7

Ki a̱nnohka iihko̱i̱ssksinimiaawa ki̱tohkanohkokkihpistsi na̱a̱hkanistoohsi o̱mohtoʼtsstsissaawa kiisto̱i.

John 18:9

Annihka ota̱a̱ʼtsimoihkaahsi Jesus itani̱stsiiwa o̱nni “A̱a̱mokska ki̱tohkokkihpikska, ma̱a̱tsitsinsstsiihpa na̱a̱hkaaʼtsai.” Amoohka otani̱ssi Jesus, a̱nnihkayi iihtani̱stsiiwa ami̱i̱ksi a̱wawahkaoʼtsiiksi, “Amo̱ksi poʼto̱o̱kaawa.”

John 6:37

Ni̱nna nita̱kohkokka to̱kskammiksi mata̱piiksi kii akohkanaomatapomaiʼtakiiyaawa. Ki oma̱a mata̱piiwa ikkamo̱matapomaiʼtakisi nima̱taksstsimimma̱waatsiksi.

John 6:39

Ki osto̱yi niitsitsi̱i̱htatsiiwa ami̱i̱ksi ni̱tohkoyihpiksi mata̱piiksi ma̱a̱hksaiʼtsstsissi nita̱aʼtsaai. Ki nita̱kitohkanaissksipoa̱aa̱ttsaayaawa aa̱oʼtsstsiisi sako̱o̱yiksistsikoi. A̱nnistskaoʼkiaawa otsitsi̱i̱htaanistsi nito̱ʼtsskooka A̱ʼpistotookiwa.

John 8:51

Kita̱kanistohpoaawa niitsi̱i̱yi. Kana̱i̱tapiiyi nita̱nistsiʼtookiksi nita̱a̱niihpistsi ma̱takohkoiʼni̱i̱waiksi.”

John 8:52

Oso̱tamanikka omi̱i̱ksi isto̱ʼtotamaʼpssiksi Jews, “A̱nnohka a̱a̱mohka kita̱a̱niihpihka nino̱o̱hkohtoʼtssksiniihpinnaan otsi̱tsstsissi maka̱ʼpatoʼsi kitsi̱i̱stomatai. Annaahka Abrahamahk, aka̱i̱ʼniiwa. Ki o̱o̱miksika issko̱o̱htsiksika a̱waatoyiʼpoyiiksika a̱kaohkanaiʼniiyaawa. Kiisto̱wa kita̱waani ki̱tohkananistaiʼtookiksi kita̱a̱niihpistsi ma̱taksiʼni̱i̱waiksi.