John 17:20 - Annaahk John Manistsitsinikatahpi Jesus Manistsipaitapiihpiai 1979

²⁰ Ma̱tsiʼtsitapiiwa amo̱ksi nita̱waatsi̱moihkaahtamoaiksi. Nino̱o̱hkattohkanawaatsi̱moihkaahtamoayi omi̱i̱ksi ota̱koinaiʼtakia̱ttsaawaawaiksi, anni̱i̱ksi ota̱koohtookoaawaiksi. Nita̱kohtsitomaiʼtookiaawa.

John 17:20 ပူးပေါင်းရင်းမြစ်များ

John 10:16

Itsstsi̱i̱ ni̱i̱kskai nima̱tta̱komahkihkinaamiaawa. Anno̱o ma̱tsitsinssiwaiksa kiisto̱aawa anno̱o Jews. Nita̱ksstsinaʼohkanaomo̱ipiaayaawa. Ki a̱nnihkayi a̱kitohkanaiʼtssiiyaawa. Ki nini̱ʼtsitapiiyi nita̱kotoitsikatayaawa.

John 17:19

Tsi̱i̱kaisopoatsistotoohsi kiisto̱wa ka̱a̱hkohtohkoikissi. A̱a̱mohka no̱mohtanisttsi amoksi a̱a̱hkoohkattsi̱tsi̱kaisopoatsistotoahsaawa ka̱a̱hkitsopokitapiimatahsaawa.

John 17:21

A̱yo ni̱nna. Ni̱tohkanawaatsi̱moihkaahtamoayaawa ma̱a̱hkohkanawanistapssaawa a̱nni niʼtsita̱piiyi, niʼto̱i nani̱stohpipaitapiiyihpi kiisto̱wa, kani̱stohpipaitapiiyihpi niisto̱wa ma̱a̱hkoohkattohpipaitapiiʼssaawa kiisto̱nnooni. Ki a̱nnihkayii ka̱taʼyaomaiʼtakiiksi a̱kohtsitomaiʼtsimiaawa kiisto a̱nnayii kito̱ʼtsskookssi.