John 17:13 - Annaahk John Manistsitsinikatahpi Jesus Manistsipaitapiihpiai 1979

¹³ Ki a̱nnohka nita̱kitapoo kiisto̱wa. A̱a̱mostska nitsi̱tanistoohpiaawa anno̱o ksa̱a̱hkommi osto̱aawa ma̱a̱hkohpistapiiʼtaamssaawa nitsi̱ʼtaamssini.

John 17:13 ပူးပေါင်းရင်းမြစ်များ

John 13:3

O̱ki. Jesus issksini̱nima otohko̱yissi o̱nni A̱ʼpistotookiiyi kana̱ʼpaisiistsi, ki issksini̱ma o̱mohtoʼtoohsi A̱ʼpistotookiiyi ki ota̱yaaksskitapoohsayi.

John 15:11

O̱ki. A̱a̱mostsi no̱mohtanistoohpi ka̱a̱hkitaikakitaiʼtaamiʼtakssoayi. Nita̱a̱hsiʼtakssini kita̱kohtoʼtsiiʼtaamsspoaawa, ki a̱nnihkayii no̱mohtanistoohpa amo̱stska kita̱a̱nistohpoaawaistska.

John 16:33

Anni̱i̱stska kita̱a̱nistohpoaawaistska, no̱mohtanistoohpiaawa ka̱a̱hkohtoʼtoʼtsissoaayi iʼta̱a̱ma̱ʼpi. Kita̱kohtsitoʼtoʼtsiihpoaawa iʼta̱amaʼpii niisto̱wa. Anno̱o ksa̱a̱hko̱mma kita̱ki̱tsinaokohkoyiʼpoaawa. Iika̱ʼkimaaka. Niisto̱wa ta̱i̱tamaakssikaatstoʼpa saommitaʼpi anno̱o ksa̱a̱hkomma.

John 17:11

Nitaitamaaksistapa̱atoohpa ksa̱a̱hkommi. Niisto̱wa ta̱kitapoo kiisto̱wa. Osto̱aawai a̱kitsaakiitaʼpaissiiyaawa ksa̱a̱hkomm. A̱yo ni̱nnai. Kitsika̱toaʼpssi. Amo̱ksi a̱o̱maiʼtakiiksi isskska̱mmisaawa. Kanista̱pitapiiyihpi kani̱stsskonataʼpsspi, a̱nniayi noohkani̱stsskskammisaawa. Ki̱tohkokki na̱a̱hkaistamatstohkssi kanista̱pitapiiyihpi. Isskskammisaawa maahkohkanawanistapssaawa anni niʼtsita̱piiyi, ni̱i̱ʼtoi a̱nni kiisto̱wa ki niisto̱wa niitsi̱ʼtokskaaoʼpi.

John 3:29

Ki ina̱i̱ʼtanistsiiwaiksi oma̱a John “Ma̱tohtsiksisattsiiwaahpa mata̱piiwa annohka ota̱i̱tapoohsaawa Jesus ma̱a̱hkitatoaʼpistotoahsaawa. Niisto a̱nnayi nitsi̱kaisopoya̱ʼpaistama̱ttsaawa amo̱o mata̱piiwa ma̱a̱hkitomaiʼtakssi Jesus. Niso̱tamohtaahsiʼtaki otaka̱i̱tapiʼssi a̱i̱tapooiksi oosto̱i̱.”

John 7:33

Ki a̱nniai Jesus sota̱manistsiiwa omi̱i o̱tapiʼssini “O̱ki. Kita̱kattsiʼnaksisamohpokaissiimohpoaawa, ki a̱nnika ta̱ksotamsskitapoo annaahka nito̱ʼtsskookahka. Ki a̱nniika aiʼsskito̱ʼtooyiniki annaahka nito̱ʼtsskookahka