John 16:26 - Annaahk John Manistsitsinikatahpi Jesus Manistsipaitapiihpiai 1979

²⁶ Ki a̱nnihka ksiistsiko̱yihka kita̱kohtokamanistawaawa ni̱nna kita̱mssoaayi ami̱i̱ksisk itoma̱i̱ʼtakiiksi niisto̱i. Nima̱tawaaniihpa niisto̱wa kita̱kanistomoohpoaawa ni̱nna. Kita̱kohkottawattokamanistawaawa.

John 16:26 ပူးပေါင်းရင်းမြစ်များ

John 14:16

Ki nita̱kanistawa ni̱nna ma̱a̱hkitapipoʼtoahsi noohki̱i̱tssimmi ka̱a̱hksspommo̱yissoaayi, ki omi̱iska noohki̱i̱tssimmiska kima̱tako̱noayiistapa̱akkoawaatsinai.

John 14:20

Anniihka aaʼnistsi̱i̱si kita̱kitotsistapiʼtsiihpoaawa niisto̱wa nomohpipa̱i̱tapiiʼssi ni̱nna, ki komohpipa̱i̱tapiiʼsoaayi niisto̱wa, ki niisto̱wa nomohpipa̱i̱tapiiʼssi kiisto̱aawa.

John 16:19

O̱ki. Jesus issksino̱yiiwaiksi otsitsi̱i̱htaani ma̱a̱hksopoahtsiisa̱yissaiksi. Sota̱manistsiiwaiksi, “O̱ki. Ko̱mohtaisopoahtsiʼsattsiiyihpoaawa a̱a̱mohka ta̱a̱niihpihka, ma̱taksisamowa kita̱kitsainookihpoaawa, ki a̱ksipstsiksisamowa kita̱kattsitsinookihpoaawa.

John 16:23

Ki a̱nniayii aʼnista̱ʼpisi kita̱kitsawattokamanikkihpoaawa. Kita̱kanistohpoaawa niitsiiyi. A̱a̱mostska kitsi̱i̱kamanistahpoaawayi ni̱nna, ikka̱mohto̱kamaniinoainiki kita̱mssoaayi omi̱i̱ksisk itoma̱i̱ʼtakiiksi niisto̱yi kita̱kitohkokkoaawaistsi.

John 16:30

Ki a̱nnohkayii ni̱tssksiniihpinnaan kiisto̱wa kitsi̱ʼtsinissksiniʼpa. Oma̱a iika̱msstaasi mata̱piiwa ma̱a̱hkohkoissksinimaahsi kima̱takstsinaisopoahtsiiʼsakka. Kiisto̱wa kita̱ksotamikakanistawa otsitsi̱i̱htatoohpi ma̱a̱hkssksinissi. Ki a̱a̱mohkayii no̱mohtaomaiʼtsiihpinnaan ko̱mohtoʼtoohsi A̱ʼpistotookiwa.”

John 17:19

Tsi̱i̱kaisopoatsistotoohsi kiisto̱wa ka̱a̱hkohtohkoikissi. A̱a̱mohka no̱mohtanisttsi amoksi a̱a̱hkoohkattsi̱tsi̱kaisopoatsistotoahsaawa ka̱a̱hkitsopokitapiimatahsaawa.

John 17:24

Ni̱nnai, nitsiko̱o̱hkstatayi amo̱ksi ki̱tohkokkihpiksi na̱a̱hkitohpokaʼpaissiimi̱yissaawa omiim nita̱yaakitapoohpi, ma̱a̱hkitsinissaawa omiihka nani̱stsspssi. Kiisto̱wa ki̱tohkokki a̱nni na̱a̱hkanistsspsspi. A̱a̱mohka ko̱mohtohkokki takaa kitsi̱takomimmokssi anniihka itsa̱omaʼpaistotsiihpi anno̱o ksa̱a̱hkomm.

John 17:9

A̱nnikskaoʼkiaawa nita̱waatsi̱moihkaahtamoayaawa. Ka̱taʼyaomaiʼtakiiksi nima̱tawaatsimoihkaahtamoayaawa. Ta̱waatsimoihkaahtamoayi a̱a̱mokska ki̱tohkokkihpiksi. Kitsina̱a̱niaawa.