John 16:19 - Annaahk John Manistsitsinikatahpi Jesus Manistsipaitapiihpiai 1979

¹⁹ O̱ki. Jesus issksino̱yiiwaiksi otsitsi̱i̱htaani ma̱a̱hksopoahtsiisa̱yissaiksi. Sota̱manistsiiwaiksi, “O̱ki. Ko̱mohtaisopoahtsiʼsattsiiyihpoaawa a̱a̱mohka ta̱a̱niihpihka, ma̱taksisamowa kita̱kitsainookihpoaawa, ki a̱ksipstsiksisamowa kita̱kattsitsinookihpoaawa.

John 16:19 ပူးပေါင်းရင်းမြစ်များ

John 13:33

O̱ki, no̱koʼsaki. Kita̱kattsiʼnaksisamohpokaʼpawaawahkaamohpoaawa, ki ta̱kitsiistapoo. Anni̱i̱hka nita̱a̱nistahpiaawa omi̱i̱ksi isto̱ʼtotamaʼpssiiksi Jews, a̱nnohkai kita̱koohkattanistohpoaawa. Kita̱kaʼpaissammokihpoaawa, ki kima̱takohkottsitoʼtoohpoaawa nita̱yaakitapoohpi.

John 14:19

Aipstsi̱ksisisamosi omi̱i̱ksi ka̱taʼyaomaiʼtakiiksi mata̱piiksi nita̱kitsawattsinookiaawa. Kiisto̱aawa kita̱kattsistaiʼnookihpoaawa. Kii niisto̱wa nita̱ksaakiipaitapiiyi, ki a̱nnihkayi kita̱kohtoohkattanipaitapiihpoaawa, kiisto̱aawa.

John 16:16

O̱ki. Ma̱taksisamowa kima̱takattsinookihpoaawa. Ki a̱ksipstsiksisamowa kita̱kattsitsinookihpoaawa.”

John 16:18

Ki ma̱ttaniiyaawa, “Tsa̱a niitapa̱waaniiwa a̱a̱mohka otani̱ssi, a̱ksipstsiksisamowa. Mi̱stawaaniihpi.”

John 16:23

Ki a̱nniayii aʼnista̱ʼpisi kita̱kitsawattokamanikkihpoaawa. Kita̱kanistohpoaawa niitsiiyi. A̱a̱mostska kitsi̱i̱kamanistahpoaawayi ni̱nna, ikka̱mohto̱kamaniinoainiki kita̱mssoaayi omi̱i̱ksisk itoma̱i̱ʼtakiiksi niisto̱yi kita̱kitohkokkoaawaistsi.

John 16:26

Ki a̱nnihka ksiistsiko̱yihka kita̱kohtokamanistawaawa ni̱nna kita̱mssoaayi ami̱i̱ksisk itoma̱i̱ʼtakiiksi niisto̱i. Nima̱tawaaniihpa niisto̱wa kita̱kanistomoohpoaawa ni̱nna. Kita̱kohkottawattokamanistawaawa.

John 16:30

Ki a̱nnohkayii ni̱tssksiniihpinnaan kiisto̱wa kitsi̱ʼtsinissksiniʼpa. Oma̱a iika̱msstaasi mata̱piiwa ma̱a̱hkohkoissksinimaahsi kima̱takstsinaisopoahtsiiʼsakka. Kiisto̱wa kita̱ksotamikakanistawa otsitsi̱i̱htatoohpi ma̱a̱hkssksinissi. Ki a̱a̱mohkayii no̱mohtaomaiʼtsiihpinnaan ko̱mohtoʼtoohsi A̱ʼpistotookiwa.”

John 21:17

O̱ki. A̱nnika o̱mohtsookskaahpi Jesus a̱a̱nistsiiwa Peter, “Simon, kika̱taʼkomimmokihpa?” Kii ki Peter iihtaka̱nawa otso̱o̱kskawaniyissi Jesusi, “Kika̱taaʼkomimmokihpa?” Itani̱i̱wa “Nitsi̱naaimi, kitsi̱ʼtsinissksiniihpa. Ki̱tssksiniihpa kita̱komimmohsi.” Jesus itani̱stsiiwayi, “Anistoto̱i̱tsikatsisa nitsi̱i̱maiʼtookiksi a̱nni i̱i̱mahkihkinai.

John 6:61

Omi̱i̱ksi Jesus ota̱i̱ssksinimaatsaaiksi iihpa̱ʼkiiwooyiksi iima̱a̱nistaohkaanistoomiaawa ota̱a̱niihpi. Iima̱a̱nistaisataiʼpoyiiyaawa. Jesus sota̱mssksinima ota̱waaniihpiaiksi ki̱i̱wa otsawo̱o̱htsiihpiaistsi. Ki a̱nnihkayii iihtani̱stsiiwaiksi, “O̱ki. Ko̱mohtsawaahsiʼtakihpoaawa kita̱waanistohpoaawaistsi. A̱nnoohka kita̱kohtsitsiistapa̱aa̱kkihpoaawa.

John 7:33

Ki a̱nniai Jesus sota̱manistsiiwa omi̱i o̱tapiʼssini “O̱ki. Kita̱kattsiʼnaksisamohpokaissiimohpoaawa, ki a̱nnika ta̱ksotamsskitapoo annaahka nito̱ʼtsskookahka. Ki a̱nniika aiʼsskito̱ʼtooyiniki annaahka nito̱ʼtsskookahka