John 16:16 - Annaahk John Manistsitsinikatahpi Jesus Manistsipaitapiihpiai 1979

¹⁶ O̱ki. Ma̱taksisamowa kima̱takattsinookihpoaawa. Ki a̱ksipstsiksisamowa kita̱kattsitsinookihpoaawa.”

John 16:16 ပူးပေါင်းရင်းမြစ်များ

John 12:35

Jesus itani̱stsiiwaiksi, “O̱ki. Niisto̱wa a̱nnahkaoʼka annaahka ksistsiko̱i̱nattsi iihto̱ʼtsstsiiwahka ka̱a̱hkohtsa̱pawaawahkaahpoaawa. Nita̱kattsiʼnaksisamiitsspiaʼpawaawahkaa kiisto̱aawa. Ista̱ʼpawaawahkaak ksistskio̱i̱nattsi annoohk otsi̱tsaakitaisstsissi anno̱ma. Ka̱a̱hkitsistapa̱atoohpoaawa isski̱inattsi. O̱mi̱i̱ks iita̱ʼpawaawahkaaiksi isski̱iʼnattsi ma̱takohkottsini̱maiksaawa ota̱yaakitapo̱o̱hpoaayi.

John 13:3

O̱ki. Jesus issksini̱nima otohko̱yissi o̱nni A̱ʼpistotookiiyi kana̱ʼpaisiistsi, ki issksini̱ma o̱mohtoʼtoohsi A̱ʼpistotookiiyi ki ota̱yaaksskitapoohsayi.

John 13:33

O̱ki, no̱koʼsaki. Kita̱kattsiʼnaksisamohpokaʼpawaawahkaamohpoaawa, ki ta̱kitsiistapoo. Anni̱i̱hka nita̱a̱nistahpiaawa omi̱i̱ksi isto̱ʼtotamaʼpssiiksi Jews, a̱nnohkai kita̱koohkattanistohpoaawa. Kita̱kaʼpaissammokihpoaawa, ki kima̱takohkottsitoʼtoohpoaawa nita̱yaakitapoohpi.

John 16:10

Niisto̱wa nita̱kitapoo ni̱nna, ki kita̱yaaksawattsinookihpoaawa. Ki a̱nniai a̱kstaminakowa otsi̱pahtsisskskaʼtsissoaayi moka̱moʼtsipaitapiʼssini manistsi̱i̱hpi.

John 16:22

Ki a̱nnohka niʼto̱i niitsiiwa, kiisto̱aawa kita̱yaaksikihki̱niʼtakihpoaawa. Kii kita̱kitamattsinoohpoaawa, ki a̱nnimayii kita̱kstonnatohsiʼtaamsspoaawa. Ki ma̱takitsstsiihpa kito̱ʼtomookoaayi kitsi̱ʼtamssoaawayi.

John 16:28

No̱mohtsiistapoʼtoo ni̱nna, ki anno̱o ksa̱a̱hkommi nitsi̱toʼtoo. Ki nita̱ksiistapa̱atoohpa. Nita̱ksskitapoo ni̱nna.”

John 16:5

Ki a̱nnohkayii ta̱ksskitapoo nito̱ʼtsskooka, ki kitsi̱naoʼksaohtsopoahtsiiʼsakkihpoaawa nita̱yaakitapoohpi.

John 17:13

Ki a̱nnohka nita̱kitapoo kiisto̱wa. A̱a̱mostska nitsi̱tanistoohpiaawa anno̱o ksa̱a̱hkommi osto̱aawa ma̱a̱hkohpistapiiʼtaamssaawa nitsi̱ʼtaamssini.

John 17:5

A̱yo ni̱nna. Anniihka kani̱stohpoksspssiimohpi itsa̱o̱maʼpaistotsiihpi ksa̱a̱hkommi noohkani̱stsspipoʼtookit a̱nnohka ka̱a̱hkanistohpoksspssiimohsi.

John 7:33

Ki a̱nniai Jesus sota̱manistsiiwa omi̱i o̱tapiʼssini “O̱ki. Kita̱kattsiʼnaksisamohpokaissiimohpoaawa, ki a̱nnika ta̱ksotamsskitapoo annaahka nito̱ʼtsskookahka. Ki a̱nniika aiʼsskito̱ʼtooyiniki annaahka nito̱ʼtsskookahka