John 16:12 - Annaahk John Manistsitsinikatahpi Jesus Manistsipaitapiihpiai 1979

¹² O̱ki. A̱nnoohka itsi̱i̱stapakawoyi ka̱a̱hkanistohpoaawaistsi. A̱nnohka kima̱takohkottanistohpoaawaistsaawa. Kita̱kiiko̱mayikiʼtsiihpoaayaawa.

John 16:12 ပူးပေါင်းရင်းမြစ်များ

John 14:30

Ki kita̱i̱tama̱aksiksistssitsipssatohpoaawa. Ta̱i̱tamaakoʼta̱akka oma̱a istsi̱nawa anno̱o ksa̱a̱hkommi, oma̱a Maka̱ʼpatoʼsiwa. Ki nima̱takohkottanistaʼpayistoto̱o̱kaatsi.

John 15:15

Nima̱takattaniihpa kiisto̱aawa kika̱kanikapiimatohpoaawa. Takaa oma̱a a̱yanikapiimatawa, ma̱takssksinima anniska ota̱a̱nikapiimakkiska ota̱wanisttsiihpiayi. Niʼto̱i kima̱tanistsspoaawa. Ki̱tssksinima̱atsoohpoaawa ni̱tohkanawaani̱yihpistsi ni̱nna. Na̱a̱hkanisttsissi. Nima̱takattaniihpa kika̱kanikapiimatohpoaawa. A̱nnohkayi ta̱kahtsawaanii kita̱kkaamohpoaawa.

John 16:11

Ki omi̱iska isti̱naayiska anno̱o ksa̱a̱hkommi, omi̱iska Makaʼpatoʼsiiyiska i̱i̱kaiksistokakihtsimatawa. Ki a̱nniayi sta̱minakowa otsi̱pahtsisskskaʼtsissoaayi nanista̱yaakokakihtsima̱yihpiaawa.

John 16:13

Ki oma̱ahka kita̱kohkokkoaawahka moka̱moʼtaʼpiiyi, oma̱ahka Natowo̱ttakahka aa̱oʼtoosi kita̱kito̱kamoʼtsi̱piookoaawa ka̱a̱hkiitaʼpoka̱mootssksinima̱atsookoohsoaayi. Anni̱i̱stsiska kita̱kaistamattsi̱yiihpoawayistska osto̱yi ma̱takohtoʼtsstsi̱i̱waistsaawa. A̱a̱nistahpistsi, a̱nnistskaoʼki kita̱kaistama̱atsookoaawa. Ki kita̱ksi̱kayissaistama̱atsookoaawa ota̱yaakanistsiihpi.