John 14:28 - Annaahk John Manistsitsinikatahpi Jesus Manistsipaitapiihpiai 1979

²⁸ Kito̱o̱htookihpoaawa kita̱a̱nistohsoaayi nita̱ksistapoohsi, ki ta̱kitamattsskitoʼtoo kiisto̱aawa. O̱ki, ikkama̱komimmokiinoainiki, kita̱kitohtsiksimatsiʼtakihpoaawa nita̱ksskitapoohsi ni̱nna. Takaa osto̱yi ito̱ʼtsitssksspssiwa niisto̱i.

John 14:28 ပူးပေါင်းရင်းမြစ်များ

John 10:38

Ki nita̱ʼpaoʼtsiihpiaawa. Ki a̱nniayii ikkamsa̱ohkottomaiʼtookiinoainiki nita̱a̱niihpistsi, issa̱ʼtsikaawa nita̱nisttsiihpistsi, ka̱a̱hkitomaiʼtakssoaayi Ka̱a̱hkohtssksiniihpoaawa, o̱tsistapiʼtsiihpoaawa nomohpipa̱i̱tapiʼssi ni̱nna A̱ʼpistotookiwa, kii osto̱yi iihpipa̱i̱tapiiwa niisto̱i.”

John 13:16

Kitakanistohpoaawa niitsi̱i̱yi. Omo̱a a̱ʼpaoʼtomohkiwa ma̱toʼtsitsksspssiimiwa ami̱i ota̱ʼpaoʼtomoai. Ki ama̱a otohka̱ʼtaana ma̱toʼtsitsksspssiimiwa ami̱i otsi̱i̱ʼtohkakki.

John 14:12

Kita̱kanistohpoaawa niitsi̱i̱yi. Oma̱a nita̱o̱maiʼtooka a̱kitotoisapaʼpoʼtakiwa niisto̱i, kii ota̱ʼpoʼtsiihpistsi a̱kitoʼtsitsksskonataʼpiiyaawa niisto̱yi nita̱ʼpoʼtakssiistsi, takaa niisto̱wa nita̱ksskitapoo ni̱nna.

John 14:18

Kiisto̱aawa, aiʼtsski̱toinoainiki, kima̱takitsiksisstoyimmohpoaawa a̱nni immaksi̱ʼni. Kita̱kitamattaistohkoohpoaawa.

John 16:7

O̱ki, kita̱kanistohpoaawa niitsiiyi. Ita̱pssokaʼpiiwa kiisto̱aawa nita̱ksistapoohsi. Oʼtsi̱tssksokaʼpiiwa. Nika̱taaʼksistapo̱ohtopi, oma̱ahka kita̱ksspommookoaawahka Natowo̱ttakahka ma̱takohkottsitapoowaatsi. Ki ayi̱i̱stapo̱oiniki nita̱kitsitapsskoa̱wa kiisto̱aawayi.

John 20:17

Jesus itani̱stsiiwa̱yi “Pina̱ttsinnokit. Nima̱tomaitapsspommo̱ohpa ni̱nna. Istapo̱o̱ta no̱mohpapiʼihpiksi na̱a̱tsikopotsiiksi. Anistsi̱saawa nita̱kitapsspommoohsi anna̱a̱hka ni̱nnaahka, anna̱a̱hka ki̱nnoaawahka. Ta̱kitapoo anna̱a̱hka nita̱waatsimoihkaamawahka, A̱ʼpistotookiwahka, anna̱a̱hka kino̱o̱hkattawaatsi̱moihkaamoaawahka.”

John 20:21

O̱ki. Jesus ma̱ttsitsiita̱aksiksimatsimmiiwaiksi. Ki itani̱stsiiwa̱i̱ksi, “Ki̱tohkotohpoaawa iʼta̱a̱maʼpii. Nanisto̱ʼtsskoyihpi ni̱nna, kita̱i̱totoisapsstsimaahkatohpoaawa ka̱a̱hkaʼpoohsooayi.”

John 5:18

A̱nnyayii a̱a̱niiwa Jesusa. Kii a̱nnihkayii omi̱i̱ksi isto̱ʼtotamaʼpssiiksi Jews iihtsi̱i̱taʼpayiikaʼkimaayaiksi ma̱a̱hksiʼniyissaiksi. A̱waaniiyaawa omiiksi ni̱naaiksi, “Jesus a̱i̱ssinnima omi̱i̱stsi issiko̱piiksistsikookakihtsimaanistsi. Ki ma̱ttsitsspiaiʼtaniiwa oto̱nnimmahsayi A̱ʼpistotookiiyi, ki a̱nniayii mi̱i̱ksistaniwa osto̱yi ota̱i̱ʼtoomanistssayi A̱ʼpistotookiiyi.” A̱nniayii iihtoki̱mmiiyaawa omiiksi isto̱ʼtotamaʼpssiksi Jews anniiska Jesusiska.

John 7:33

Ki a̱nniai Jesus sota̱manistsiiwa omi̱i o̱tapiʼssini “O̱ki. Kita̱kattsiʼnaksisamohpokaissiimohpoaawa, ki a̱nnika ta̱ksotamsskitapoo annaahka nito̱ʼtsskookahka. Ki a̱nniika aiʼsskito̱ʼtooyiniki annaahka nito̱ʼtsskookahka