John 14:23 - Annaahk John Manistsitsinikatahpi Jesus Manistsipaitapiihpiai 1979

²³ Jesus itani̱i̱wa, “O̱ki, kana̱i̱tapiiwa nita̱komimmokiksi, a̱kanistaiʼtsimiawa nita̱a̱niihpistsi. Ota̱kitakomimmokoaawa ni̱nni. Ni̱nna ki nisto̱wa nita̱kitoʼtoohpinnaan omi̱i̱ksi. Nita̱kitaisksohpokaʼpaissiimannaaniaawa.

John 14:23 ပူးပေါင်းရင်းမြစ်များ

John 10:30

Niisto̱wa ki ni̱nna nitsi̱ʼtokskaahpinnaan.”

John 14:15

Kii ikkama̱komimmokiinoainiki kita̱kitanistaiʼtsiihpoaawa nitoka̱kihtsimaanistsi.

John 14:17

Oma̱a̱hka noohki̱i̱tssimmahka a̱nnahkao̱ʼka annaahka kita̱kohkokkoaawahka moka̱moʼtaʼpi. A̱nnahkaoʼka annaahka Natowo̱ttakahka. Ka̱taʼyaomaiʼtakiiksi ma̱takohkottoʼtoyiiwaiksi Natowo̱ttaki. Ma̱takohkottsinapimmi̱waiksaawayi. Ma̱takohkottonoyiiwaiksaawayi. Kiisto̱waawa ki̱tssksinoaawaawa. Ki̱tohpokaʼpaissiimokoaawa, kii kita̱ksistomatawaawa.

John 14:21

Oma̱a maʼtsi̱ma nitoka̱kihtsimaanistsi, ki niita̱i̱ʼtsimaistsi, ki a̱nnahkaoʼka nita̱komimmokahka. Ki oma̱a nita̱komimmoka, ota̱kitakomimmoka ni̱nni, ki niisto̱wa nita̱kakomimmawa. Nitakitaistama̱atsoohsatawa.”

John 14:24

O̱ki, ki oma̱a nika̱taaʼkomimmoka osto̱yi ma̱takanistaiʼtsima nita̱a̱niihpistsi. Ki a̱nnohka kito̱o̱htookihpoaawaistsi kita̱a̱nistohpoaawaistsi, nima̱tawattanistoohpiaawa; nito̱ʼtsskookahka, ni̱nnahka otsi̱ʼpoahsinaistsi.

John 15:10

O̱ki. Ikkama̱nistaiʼtsiminoainiki, nitoka̱kihtsimaanistsi, kita̱kohtitsayipoʼtsiihpoaawa kita̱komimmohsoaayi. Niiʼto̱i nanista̱nistaiʼtsiihpiaawa ni̱nna otoka̱kihtsimaanistsi ki a̱nnihkayii no̱mohtsayipoʼtsiihpa nita̱komimmi̱yisi.

John 16:27

Osto̱yi kita̱komimmokoaawa. Kiisto̱aawa kita̱komimmokihpoaawa, ki kita̱o̱maiʼtsiihpoaawa no̱mohtsistapoʼtoohsi ni̱nna, ki a̱nnihkayii ko̱mohtakomimmokoaawa.

John 6:56

Oma̱a mata̱piiwa ikka̱mohtaoyisi noosto̱mi ikka̱mohtaisimisi nitsa̱a̱pani a̱kitohpipaitapiiwa niisto̱i̱ ki nita̱kitohpipaitapii osto̱yi.

John 8:51

Kita̱kanistohpoaawa niitsi̱i̱yi. Kana̱i̱tapiiyi nita̱nistsiʼtookiksi nita̱a̱niihpistsi ma̱takohkoiʼni̱i̱waiksi.”

John 8:52

Oso̱tamanikka omi̱i̱ksi isto̱ʼtotamaʼpssiksi Jews, “A̱nnohka a̱a̱mohka kita̱a̱niihpihka nino̱o̱hkohtoʼtssksiniihpinnaan otsi̱tsstsissi maka̱ʼpatoʼsi kitsi̱i̱stomatai. Annaahka Abrahamahk, aka̱i̱ʼniiwa. Ki o̱o̱miksika issko̱o̱htsiksika a̱waatoyiʼpoyiiksika a̱kaohkanaiʼniiyaawa. Kiisto̱wa kita̱waani ki̱tohkananistaiʼtookiksi kita̱a̱niihpistsi ma̱taksiʼni̱i̱waiksi.