John 13:21 - Annaahk John Manistsitsinikatahpi Jesus Manistsipaitapiihpiai 1979

²¹ O̱ki. Jesus, ota̱i̱ʼksistanistoohsi a̱a̱mohka sota̱mstonnatsikihki̱niʼtakiwa. Ki sota̱maniiwa “O̱ki. Kita̱kanistohpoaawa niitsi̱i̱yi. Iitsspi̱i̱htsiihpa kiisto̱aawa nita̱ksisimioma̱tskaoki.”

John 13:21 ပူးပေါင်းရင်းမြစ်များ

John 11:33

O̱ki. Jesus itsino̱yiiwa Mary otsohkawa̱a̱sanssayi, ki niʼto̱yi omiiksi isto̱ʼtamaʼpssiiksi Jews iihpo̱ʼkioʼto̱oiksi. A̱i̱sohkawa̱a̱saniyaawa. Ki Jesus sota̱mitohkooniʼtsiihtaawa. Niita̱ʼpohtsawaahsiʼtakiwa.

John 11:35

Jesus sota̱masai̱ʼniwa.

John 11:38

O̱ki. Jesus sota̱mitoʼtoowa omii Lazarus itsstsa̱a̱hpi. Ma̱ttsi̱tsiita̱akohkooniʼtsiihtaawa. Lazarus itsi̱pstsstsaawa omi̱i̱hkayii a̱tanihkaawa. Iihtso̱ʼkiihpa o̱mahkoohkotoki.

John 12:27

O̱ki. A̱nnohka tsi̱i̱taʼpsstonnatsikihki̱niʼtaki. Ki tsa̱ ta̱kanistanii. Ma̱takohkottanistawa ni̱nna ‘O̱ki ni̱nna, tsikamotsi̱i̱piookit a̱a̱mohka a̱yaakanistsiiyihka.’ Takaa a̱a̱mohka a̱yaakanistsiiyihka a̱a̱mohkaoʼka no̱mohtsitoʼto̱owa anno̱o ksa̱a̱hkommi.”

John 13:18

A̱nnohka anna̱a̱hkayii itsstsi̱i̱hpa nima̱tohtaiʼpoyiihpa. Ni̱tssksinoayaawa ni̱tssiikoʼtoaiksi. Ki ina̱o̱ʼkaya̱kanistsiiwa manistsi̱kayissiinaapsskohkatoohpi naato̱i̱si̱naakiaʼtsiistsi issko̱o̱htsika. A̱kstsinaaʼnistaisiwa. Itssi̱naiʼpa ‘Annaahka ni̱tohpo̱ksoyiimookahka nitsipo̱ʼtapa̱akka.’

John 13:2

O̱ki. Ki a̱nnikskaoʼkiaawa anni̱i̱ksiska annaahka Jesus, a̱ota̱ksoyiiyaawa. O̱ki. Oma̱a Judas, amoohka Simon Iscariot ohko̱yi, oka̱i̱ksimssta̱ttsooka Maka̱ʼpatoʼsiiyi ma̱a̱hksisimiomatskaahsii Jesusi.

John 13:22

O̱ki. A̱nniayii oma̱nikapiimiksi itoma̱tapahtoissammotsiiyaawa. Niita̱ʼpohtaʼpsskoohsiiyaawa taka̱a̱htaoʼtsi̱ksina̱yi.