John 12:26 - Annaahk John Manistsitsinikatahpi Jesus Manistsipaitapiihpiai 1979

²⁶ Kii oma̱a mata̱piiwa, ikka̱mstattsiiniki na̱a̱hkaʼpaoʼtomo̱yissi, a̱kstsinaʼohtsapo̱owa niisto̱yi. Ki a̱nniai nita̱kitohpokaʼpaissiimoka omii nitsi̱takaʼpaisspi. Ki ikkama̱ʼpoʼtomootsiiniki ota̱kainaimnoka anniiska ni̱nniska A̱ʼpistotooki iyiska.

John 12:26 ပူးပေါင်းရင်းမြစ်များ

John 10:27

Nito̱mahkihkimaamiksi nita̱yisstsiwokiaawa iʼpo̱yiiniki. Ki ni̱tssksinoayaawa. Ki a̱nnikskaoʼkiaawa iihta̱i̱sapooyaawa niisto̱i.

John 13:16

Kitakanistohpoaawa niitsi̱i̱yi. Omo̱a a̱ʼpaoʼtomohkiwa ma̱toʼtsitsksspssiimiwa ami̱i ota̱ʼpaoʼtomoai. Ki ama̱a otohka̱ʼtaana ma̱toʼtsitsksspssiimiwa ami̱i otsi̱i̱ʼtohkakki.

John 14:15

Kii ikkama̱komimmokiinoainiki kita̱kitanistaiʼtsiihpoaawa nitoka̱kihtsimaanistsi.

John 14:3

Kii aoto̱i̱ʼksistaʼpistotsiminikiaawa ta̱ki̱tsskaistoo. Kita̱kitohpoʼkii̱pioohpoaawa, kii a̱nnimayii kita̱kitaʼpaisspoaawa omiima nitsi̱takaʼpaisspi.

John 15:20

O̱ki. Pina̱atstooka anniihka kita̱a̱nistohpoaawayihka. Kitsi̱totoisapsskanistohpoaawa oma̱a a̱ʼpaoʼtomohkiwa ma̱toʼtsitsksspssiiwa otsi̱naaimi. Omi̱i̱ksi ka̱taʼyaomaiʼtakiiksi nitsaa̱kamoʼsistotookiaawa, kiisto̱aawa kita̱kstamoohkattsao̱kamoʼtsistotookoaayaawa. Ma̱tanistaiʼtsi̱maiks nita̱a̱niihpi. Ki a̱nnimayi a̱kstamoohkattsitsawanistaiʼtsimiaawa kita̱a̱niihpoaawayi.

John 17:24

Ni̱nnai, nitsiko̱o̱hkstatayi amo̱ksi ki̱tohkokkihpiksi na̱a̱hkitohpokaʼpaissiimi̱yissaawa omiim nita̱yaakitapoohpi, ma̱a̱hkitsinissaawa omiihka nani̱stsspssi. Kiisto̱wa ki̱tohkokki a̱nni na̱a̱hkanistsspsspi. A̱a̱mohka ko̱mohtohkokki takaa kitsi̱takomimmokssi anniihka itsa̱omaʼpaistotsiihpi anno̱o ksa̱a̱hkomm.

John 21:22

Jesus itani̱i̱wa, “I̱i̱makstatainiki ma̱a̱hkitsakiaipaitapiiʼssi niisto̱wa aiʼssko̱ʼtooiniki, kiisto̱wa kima̱tsitoʼtohkoyikiihpa manista̱kohkoyiʼpi. Ka̱kohtsapo̱o̱t niisto̱wa.”