John 12:23 - Annaahk John Manistsitsinikatahpi Jesus Manistsipaitapiihpiai 1979

²³ O̱ki. Jesus itani̱i̱wa, “A̱nnohkaoʼka a̱o̱ʼtsstsiiwa nitsi̱taaksinaya̱ttsookoyi. Niisto̱akaoʼka annaahka Mata̱piiwahka.”

John 12:23 ပူးပေါင်းရင်းမြစ်များ

John 12:16

A̱a̱mohka Jesus ota̱nisttsiihpi omi̱i̱ksi oma̱nikapiimiksi ma̱tsitotsistapiʼtsi̱maiksaawa. A̱nnika po̱o̱hsapoohtsika Jesus a̱aʼksinayattsaahsi a̱nnihkayii itssko̱tsistapiʼtsimiaawa ki itssksini̱miaawa omi̱i Jesus ota̱a̱nisttsiihpi a̱nnihkaoʼka anniihka itsi̱kayissiinaapsskohkatoohpihka omii nato̱isi̱naakssini. Noohka̱ttsskotsistapiʼtsimiaawa ota̱a̱nisttotomoahpiaawa Jesus.

John 12:27

O̱ki. A̱nnohka tsi̱i̱taʼpsstonnatsikihki̱niʼtaki. Ki tsa̱ ta̱kanistanii. Ma̱takohkottanistawa ni̱nna ‘O̱ki ni̱nna, tsikamotsi̱i̱piookit a̱a̱mohka a̱yaakanistsiiyihka.’ Takaa a̱a̱mohka a̱yaakanistsiiyihka a̱a̱mohkaoʼka no̱mohtsitoʼto̱owa anno̱o ksa̱a̱hkommi.”

John 13:1

O̱ki. A̱i̱tamaakitoʼtsstsiiwa amo̱ya o̱mahksiksistsikoyiia otsi̱tohkanaʼpssatoohpiaawa iihtsito̱ʼtsikamotsi̱i̱piaahpiaawa Egypt issko̱o̱htsika. Ki Jesus a̱kaissksini̱ma oka̱o̱ʼtsataʼpissi otsi̱taksiistapa̱atoohpi anno̱o ksa̱a̱hkoi, ma̱a̱hksskitapoohsi o̱nni. O̱ki. Jesus iika̱komimmiiwa otsitapi̱i̱mataiksi anno̱o ksa̱a̱hkommi, ki a̱nnimayi otsopokamomi̱mmahsaiksi iihta̱i̱stamatsiiwaiksi ota̱nisttsiihpi. A̱nnohkai a̱kohtsitsinikioʼpa.