John 11:44 - Annaahk John Manistsitsinikatahpi Jesus Manistsipaitapiihpiai 1979

⁴⁴ Ki oma̱a a̱kaiʼniwa, sota̱mipoohsapsaksiwa. Oʼtsi̱stsi ki ohka̱tsistsi iihtayi̱pistoohpiaawa na̱i̱ʼpisstsii iʼni̱i̱ksi iihtawa̱yipistahpiaawa. Ki ostoksi̱ssi iihtayi̱pistoohpa na̱i̱ʼpisstsisttsoomokaani. Sota̱maniiwa Jesus, “Apiso̱o̱moonoka. Istsipo̱ʼtooka.”

John 11:44 ပူးပေါင်းရင်းမြစ်များ

John 10:30

Niisto̱wa ki ni̱nna nitsi̱ʼtokskaahpinnaan.”

John 11:39

Sota̱maniiwa Jesus, “Anista̱pipoʼtooka o̱o̱ma o̱mahkoohkotooka.” Oma̱a Martha, a̱nniaoʼkinayi anni̱iska o̱mohpapiʼihpiska iʼni̱i̱yiska; itani̱stsiiwa omii Jesus, “Ni tsi̱naaimi. Amo̱stsi niiso̱i̱ksistsikoistsi a̱kaanistaisama̱aksstsaawa. A̱kaoksimimma.”

John 11:43

O̱ki. Ota̱i̱ksistanistoohsi a̱a̱mohka itsohka̱waaniiwa “Lazarus. Po̱o̱hsapsaksit!”

John 19:40

Kii ki sota̱moʼtsimiaawa Jesusi osto̱mi. Iihtsita̱yipistoomiaawa inna̱i̱ʼpisstsi. Ikkina̱i̱ʼpisstsiwa. Iihpayi̱pistomiaawayi amostska iihta̱i̱tsiiyimiosoʼpistska. A̱nniayi niita̱yaaksstsi̱i̱yaawa omiiksi Jews otsi̱ʼnimihtaanoaawaiksi.

John 20:5

Sota̱motahsohpaʼwaaniwa ki itsi̱pstssapiwa. Ki a̱i̱ʼnima omiistsi inna̱i̱ʼpisstsi iihtsiso̱o̱mooniihpi Jesus osto̱mi sa̱kiitaisstsiyaawa. Sota̱msaitsipiima.

John 20:7

Ki amoya iihta̱yihkinipistahpi a̱yakiitaisstsiiwa. Ma̱tohpitsstsiiwa omi̱i̱stsi inna̱i̱ʼpisstsi. Iimo̱o̱niihpiaawa.

John 5:21

Na̱toʼkai nita̱ʼpsskonataʼpistsi nitsi̱tssta̱yihpistsi na̱a̱hkanisttotsissi. Nita̱kanikka na̱a̱hkanipaitapia̱ttsaahsi mata̱piiwa, ki nita̱kanikka na̱a̱hkokakihtsimatahsi mata̱piiwa. Ṉinna, osto̱yi a̱i̱ssksipoa̱aa̱ttsiiwa a̱kaiʼniiksi, ki a̱kattsskohkotsiiwaiksi niipa̱i̱tapiʼssini. Kii niisto̱wa, ta̱koohkattomatskahtaki manipa̱i̱tapiʼssini. Ni̱tsstatawa ta̱kohkotawa. Takaa nito̱nnimmawa A̱ʼpistotookiwa, kii a̱nnihkayii no̱mohtanistaʼpaissi osto̱yi manista̱ʼpaisspi. O̱ki. Ki ni̱tohkokka na̱a̱hkokakihtsimatahsi mata̱piiwa. Osto̱yi ma̱takokakihtsimatsiiwaatsi mata̱piiksi. Niisto a̱nnahkayii ta̱kokakihtsimaa.

John 5:25

Kita̱kanistohpoaawa niitsi̱i̱yi. A̱kanistsiwa i̱ssoohtsika ki a̱kaomatapanistsiwa mata̱piiksi amokska nita̱yisstsiwokikska ki a̱nnikskai a̱koʼtsimiaawa anniihka manipa̱i̱tapiʼssinihka. Ki mi̱i̱ksi mata̱piiksi ka̱taʼyayisstsiiksi ma̱takoʼtsi̱maiksaa a̱a̱mohka manipa̱i̱tapiʼssinihka. I̱i̱kanistssiiyaawa a̱nni a̱kaiʼniiyaawa. Ikkama̱yisstsiiyisaawa a̱koʼtsimiaawa anniihka manipa̱i̱tapiʼssinihka.