John 11:4 - Annaahk John Manistsitsinikatahpi Jesus Manistsipaitapiihpiai 1979

⁴ Ki Jesus ota̱ʼyoohtsissi itani̱i̱wa “Aiʼksista̱aʼpaisttsiistomisi a̱kitsakia̱i̱paitapiiwa. A̱a̱mohka iihtani̱stsiiwa A̱ʼpistotookiwa a̱a̱hkohtsspipoʼtoawa. Ki niisto̱wa, ohko̱yi, nita̱kohtsspipoʼtookoowa.”

John 11:4 ပူးပေါင်းရင်းမြစ်များ

John 10:38

Ki nita̱ʼpaoʼtsiihpiaawa. Ki a̱nniayii ikkamsa̱ohkottomaiʼtookiinoainiki nita̱a̱niihpistsi, issa̱ʼtsikaawa nita̱nisttsiihpistsi, ka̱a̱hkitomaiʼtakssoaayi Ka̱a̱hkohtssksiniihpoaawa, o̱tsistapiʼtsiihpoaawa nomohpipa̱i̱tapiʼssi ni̱nna A̱ʼpistotookiwa, kii osto̱yi iihpipa̱i̱tapiiwa niisto̱i.”

John 11:40

Jesus itani̱stsiiwayi, “Kika̱wanisto, ikkamo̱maiʼtakiiniki kita̱kitaistama̱atsookoo A̱ʼpistotookiwa mani̱stsspsspi.”

John 12:28

Ki itani̱i̱wa, “A̱yo ni̱nna. A̱nnohka noohka̱i̱stamatstohkit kani̱stsspsspi.” O̱ki. A̱nnikayii A̱ʼpistotookiwa itsito̱o̱htoawa isspo̱o̱htsi o̱mohtsinniʼpoyʼssi. A̱a̱niiwa, “Nika̱waistamatstohkatoohpa, ki nita̱kattsistaistamatstohkatoohpa.”

John 17:1

A̱nniai a̱a̱niiwa Jesus. O̱ki. Sota̱mitapsspsspapiwa isspo̱o̱hsi. Sota̱maniiwa, “A̱yo ni̱nna. A̱kaoʼtsstsiiwa annihka nitsi̱takanisttotsiihpi nita̱yaakanisttsiihpi. Niisto̱akaoʼka kohko̱wa. Noohka̱i̱stamatstoktoota nani̱stsspsspi. Ki a̱nnihkayi nita̱kitohkottaistamatstohkatoʼpa kani̱stsspsspi.

John 17:10

Ki nitohkana̱i̱naanistsi kitsina̱a̱niaawa. Ki kitsina̱a̱nistsi nino̱o̱hkattsinaaniaawa. Ki iihto̱ʼtaistamatstohkaʼsi nani̱stsspsspi.

John 17:5

A̱yo ni̱nna. Anniihka kani̱stohpoksspssiimohpi itsa̱o̱maʼpaistotsiihpi ksa̱a̱hkommi noohkani̱stsspipoʼtookit a̱nnohka ka̱a̱hkanistohpoksspssiimohsi.

John 2:11

O̱ki. A̱a̱mohkayii otsi̱stsitsawaistamatstohkssina opisata̱ʼpssina oma̱a Jesus. A̱nnima itani̱sttotsimayi omiim aka̱i̱tapissko i Cana. Istaka̱i̱tapisskowa omii Galilee. Kii a̱nnimayii ita̱i̱stamatstohkatooma mani̱stsspsspi ki oma̱nikapiimiksi otsi̱tomatapomaiʼtookaiksi.

John 5:23

Osto̱yi ni̱tohkokka na̱a̱hkomatskahtoohsi manipa̱i̱tapiʼssini ki na̱a̱hkokakihtsimatahsi mata̱piiwa, kiisto̱aawa ka̱a̱hkohtainaaimmokihpoaawa. Ni̱nna kita̱waanikkoaawa ka̱a̱hkainaimmokssoaayi oosto̱yi a̱nni kanista̱i̱naaimmahpoaawayi. Takaa ni̱tohkoyimmoka. Ikka̱msawa̱i̱naimmokiinoainiki niʼto̱yi a̱kanistsiwa ka̱a̱hksawainaimmoawaawa annaahka ni̱nnahka, takaa osto̱i̱ nitsi̱tapipoʼtooka anno̱o.

John 8:54

Jesus sota̱maniiwa, “Niisto̱wa ikka̱mawattsspipoʼtoohsiiniki, ki a̱nniayi ma̱takohpanioʼpaatsiksi. Ni̱nna A̱ʼpistotooki a̱nnahkaoʼka nita̱i̱sspipoʼtooka. Niʼto̱wahkaoʼka annaahka kanista̱i̱nihkatawaawahka A̱ʼpistotooki.

John 9:24

O̱ki. Ki omi̱i̱ksi Pharisees a̱a̱ttsistainihkatsiiyaawa omi̱i ni̱nnayi na̱yaapsstsii ota̱i̱ʼpokayissi. A̱a̱nistsiiyaawayi, “O̱ki. A̱nnoohka kita̱yoohtooka A̱ʼpistotookiwa. Sota̱mokamoʼtaniit! Niisto̱nnaan nino̱o̱hkssksiniihpinnaana otoka̱ʼpipaitapiiʼssi annaahka Jesusahka.”

John 9:3

Jesus sota̱manistsiiwaiksi, “Ki ma̱tohtanistsipokaayi̱waatsi osao̱mmitsipaitapiiʼssini ki o̱nni ki oksi̱sstsi osao̱mmitsipaitapiiʼssoaawa. Noohki̱i̱tsiwa o̱mohtsaapsstsiihpi. Iihtsa̱a̱psstsiiyiwa anniiska A̱ʼpistotookiyi ma̱a̱hkohtsitaistamatstohkssi̱nai mani̱stsskonataʼpsspiayi, manista̱ksokini̱yihpiayi.