John 11:2 - Annaahk John Manistsitsinikatahpi Jesus Manistsipaitapiihpiai 1979

² Mary, a̱nnahkaoʼka annaahka itsitsi̱yimioʼtooma Jesus ohka̱tsistsi. Ki iina̱ʼohtsitssiinimaaistsi oʼtoka̱a̱ni. Osto̱yi o̱mohpapiʼihpayi omii a̱i̱sttsiistomiyi Lazarusi.

John 11:2 ပူးပေါင်းရင်းမြစ်များ

John 11:21

Martha sota̱manistsiiwa Jesus, “Nitsi̱naaimi! Kitsi̱i̱kaaʼpoʼtoohtopi. A̱nnoohka ma̱taksiʼni̱wa no̱mohpapiʼihpa.

John 11:3

O̱ki. Ki omi̱i̱ksi Lazarus o̱takiimiksi, itapo̱ʼtahkaaʼtaayaawa ami̱i Jesus ma̱a̱hkanistahsaawayi, “O̱ki nitsi̱naaimi. Anna̱a̱hka kita̱kkaawahka, i̱i̱kskaʼyiksisttsiistomiwa.”

John 11:32

Kii, ki o̱o̱maoʼka oma̱a Mary. Sota̱mitoʼtoowa otsi̱tsipoyihpiayi Jesus. Sota̱minoyiiwayi. Sota̱mitoʼtsissopisttoksisanohpaʼwaaniwa. Itani̱i̱wa, “Nitsi̱naaimi! Kitsi̱i̱kaaʼpoʼtoohtopi. A̱nnoohka no̱mohpapiʼihpa mata̱ksiʼniwa.”

John 12:3

Kii, ki oma̱a Mary, sota̱moʼtakiwa niʼtsso̱koi iihta̱i̱tsiimioohsoʼpi. Niita̱ʼpanistapiiwa a̱a̱mohka iihta̱i̱tsiimiohsoʼpihka niitsi̱nihkatoohpihka nard. Sto̱nnatakaohtoohpa. Mary sota̱moʼtsima a̱a̱mohka iihta̱i̱tsiimiohsoʼpi. Sota̱mitaʼssoyinnakiwa Jesus ohka̱tsistsi, ki ina̱ʼohtsitssi̱inimaistsi oʼtoka̱a̱ni. Ki omii pisto̱o̱htsi ni̱i̱taʼpohkanaiʼtsiiyimowa.

John 13:13

O̱ki ki itso̱pooyaʼpanistsiiwaiksi ota̱nisttsiihpi. A̱a̱niiwa “O̱ki. Kita̱i̱sksanistainihkakkihpoaawa ‘a̱i̱ssksinimaatstohki’ ki ‘nitsinaaim’. Ki kitsi̱i̱ksoksinihkakkihpoaawa. A̱nniai tanista̱pssi.

John 13:14

Issa̱ʼtsik. Kita̱i̱naimakkihpoaawa, ki niisto̱wa kita̱i̱ssksinimaatsoohpoaawa. Ki kimi̱skitssiikaawaatsimohpoaawa. Ki a̱nniai kanista̱i̱stamaatsoohpoaawa kita̱koohkattssiikaawaatsimotsiiyihpooawa.