John 11:19 - Annaahk John Manistsitsinikatahpi Jesus Manistsipaitapiihpiai 1979

¹⁹ Ki a̱nniksayii itaka̱i̱tapiiyi omi̱i̱ksi isto̱ʼtotamaʼpssiiksi Jews. I̱kayistapitoʼto̱oyaawa. Ita̱a̱piiwanistotoyiiyaawa ami̱i̱ksi Martha ki Mary, ostsi̱ʼnssayi o̱mohpapiʼihpoaawayi.

John 11:19 ပူးပေါင်းရင်းမြစ်များ

John 1:19

O̱ki. A̱a̱moksayi mata̱piiksi iihto̱ʼto̱oyaawa Jerusalem. Itsita̱pooyaawa John. Anni̱i̱ksi anista̱pssiiyi naato̱yaapiikoani ki anni̱i̱ksi anista̱pssiiyi omi̱i̱ksiska a̱o̱toiʼtsikatoomikska o̱mahkitawaatsi̱moihkaaoʼpi. Omi̱i̱ksi isto̱ʼtotamaʼpssiiksi Jews ita̱psskoyiiyaawa amokska mata̱piikska John ma̱a̱hksopoahtsiisatahsaawayi tsika̱a̱hta osto̱yi.

John 11:1

O̱ki. Oma̱a ni̱naawa, a̱a̱nistawa Lazarus. A̱i̱sttsiistomiwa. Ita̱o̱piiwa omiim aka̱i̱tapisskoi Bethany. A̱nnima otsi̱taopiihpiaawa oma̱a Mary, ki omi̱i o̱nsstsi, Martha.

John 11:31

O̱ki. Omi̱i̱ksi isto̱ʼtotamaʼpssiiksi Jews itohpo̱ksi̱pstaopiimiiyaawa omi̱i Mary omii na̱apiooyisi. A̱wa̱a̱piiwanistotoyiiyaawayi. Na̱i̱noyiiyaawayi otsi̱kkamipoomatapoohsayi, i̱sakssayi. Ki sota̱mohpoʼkiomatapooyaawa. Niitsiksi̱msstatsiiyaawa Mary a̱a̱hkayaakitapoowa omiim Lazarus itsstsa̱a̱hpi ma̱a̱hkito̱yimmahsayi.

John 11:33

O̱ki. Jesus itsino̱yiiwa Mary otsohkawa̱a̱sanssayi, ki niʼto̱yi omiiksi isto̱ʼtamaʼpssiiksi Jews iihpo̱ʼkioʼto̱oiksi. A̱i̱sohkawa̱a̱saniyaawa. Ki Jesus sota̱mitohkooniʼtsiihtaawa. Niita̱ʼpohtsawaahsiʼtakiwa.

John 11:36

Omi̱i̱ksi isto̱ʼtotamaʼpssiiksi Jews itani̱i̱yaawa, “Issa̱ʼtsik. Niita̱ʼpakomimmiiwa Lazarus.”

John 11:45

O̱ki. Omi̱i̱ksi isto̱ʼtotamaʼpssiiksi Jews na̱o̱tooksisawaatsiiksi omi̱i Mary na̱i̱nimiaawa Jesus ota̱nisttsiihpi. Itsi̱tsspiakaitapiiyi iimata̱pomaiʼtoyiiksi Jesus.

John 11:8

Ki ota̱a̱nikkaiksi, “A̱i̱ssksinimaatstohki, o̱o̱miksi isto̱ʼtotamaʼpssiiksi Jews kima̱nssakohtoohsi̱nookiaawa o̱o̱hkotoki. A̱nnohka kika̱taʼyaaksskitapoohpa?”