John 10:4 - Annaahk John Manistsitsinikatahpi Jesus Manistsipaitapiihpiai 1979

⁴ Kii, aiʼsa̱i̱piasaiksi a̱kitsissa̱atsiiwaiksi. Ki a̱kohtohpoʼkiisapooyaaiksi otohsotooʼkini̱yissaiksi.

John 10:4 ပူးပေါင်းရင်းမြစ်များ

John 10:16

Itsstsi̱i̱ ni̱i̱kskai nima̱tta̱komahkihkinaamiaawa. Anno̱o ma̱tsitsinssiwaiksa kiisto̱aawa anno̱o Jews. Nita̱ksstsinaʼohkanaomo̱ipiaayaawa. Ki a̱nnihkayi a̱kitohkanaiʼtssiiyaawa. Ki nini̱ʼtsitapiiyi nita̱kotoitsikatayaawa.

John 10:27

Nito̱mahkihkimaamiksi nita̱yisstsiwokiaawa iʼpo̱yiiniki. Ki ni̱tssksinoayaawa. Ki a̱nnikskaoʼkiaawa iihta̱i̱sapooyaawa niisto̱i.

John 10:3

Omi̱i itso̱o̱hkaisskskaatakiyi ota̱ksika̱yinnomookayi. Ki omi̱i̱ksi i̱i̱mahkihkinaaiksi ota̱ksisstsiwokaiksi. Otsi̱nihkaʼsooaawaistsi a̱kohtsinihkatsiiwa ota̱wattotaʼsiiksi i̱i̱mahkihkinaaiksi. Ki a̱kitsaipiiwaiksi

John 10:5

Ma̱takohpoʼkiisapoowaiksaawa omi̱i matto̱o̱hkiitssimmi mata̱piiyi. Ma̱takohsotooʼkinoyi̱i̱waiksaawayi. A̱kstamikaksistapipikssiiyaawa.”

John 10:8

Aka̱i̱tapiiyi i̱i̱kayissoʼtooyiiksi a̱a̱niiksi ‘niisto̱nnaana taoʼtoitsikatannaana amo̱ksi’ ki niisto̱wa nima̱noʼtoowa. Osto̱aawa a̱nnikskayi saa̱o̱miitsitapiiyaawa, ki mi̱i̱ksistaisimiikamoʼsiiyaawa i̱i̱mahkihkinaai. Ki oma̱tsisstsiwakakkoaawaiksi omi̱i̱kska nito̱mahkihkinaamiksi.

John 12:26

Kii oma̱a mata̱piiwa, ikka̱mstattsiiniki na̱a̱hkaʼpaoʼtomo̱yissi, a̱kstsinaʼohtsapo̱owa niisto̱yi. Ki a̱nniai nita̱kitohpokaʼpaissiimoka omii nitsi̱takaʼpaisspi. Ki ikkama̱ʼpoʼtomootsiiniki ota̱kainaimnoka anniiska ni̱nniska A̱ʼpistotooki iyiska.

John 13:15

A̱a̱mohka kita̱i̱stama̱atsoohpoaawayihk ko̱mohtaistamaatsoohpoaawa ka̱a̱hkohtsawaisspimmohsattsiʼsoaayi

John 18:37

Oma̱a Pilate, sota̱maniiwa, “Iika̱nistsinattsiwa a̱nni kita̱waaniihpi kitsi̱sttsiipihkini̱naiʼssi.” Jesus itsipo̱ʼtanistsiiwayi, “Kiistowa, a̱nnaoʼka annaahka a̱a̱niiwahka. Ki niisto̱wa no̱mohtsipokaayi, ki anno̱o ksa̱a̱hkomm no̱mohtsitoʼtoo na̱a̱hkitsitsinikatoohsi oma̱naʼssini. Kana̱i̱tapiiyi iihta̱i̱sapooiksi oma̱naʼssini nita̱ksisstsiwokiaawa.”

John 3:29

Ki ina̱i̱ʼtanistsiiwaiksi oma̱a John “Ma̱tohtsiksisattsiiwaahpa mata̱piiwa annohka ota̱i̱tapoohsaawa Jesus ma̱a̱hkitatoaʼpistotoahsaawa. Niisto a̱nnayi nitsi̱kaisopoya̱ʼpaistama̱ttsaawa amo̱o mata̱piiwa ma̱a̱hkitomaiʼtakssi Jesus. Niso̱tamohtaahsiʼtaki otaka̱i̱tapiʼssi a̱i̱tapooiksi oosto̱i̱.”