John 10:25 - Annaahk John Manistsitsinikatahpi Jesus Manistsipaitapiihpiai 1979

²⁵ Jesus itani̱stsiiwaiksi, “Kika̱waanistohpoaawa, kii kiisto̱aawa kima̱takomaiʼtakihpoaawa. Ki omi̱i̱istsi nita̱wanisttotsiihpistsi a̱nnistskaoʼki ko̱mohtawaistamattsootspoaawa tsi̱kamoʼtanii nito̱ʼtsskoyissi ni̱nna.

John 10:25 ပူးပေါင်းရင်းမြစ်များ

John 10:32

Ki o̱tsskanikkoaawayi, “O̱ki. Kita̱i̱ʼstamatsoohpoaawa akawo̱i nita̱nisttsiihpistsi soka̱ʼpiistsi, ni̱nna nito̱hkoyihpistsi na̱a̱hkanisttotsissi. Ki a̱a̱mostska kita̱i̱stamatsoohpoaawaistska, tsska̱atapoohtsi ki ta̱kohtsisskaiʼtakkihpoaawa ka̱a̱hksiʼnikkssoayi?”

John 10:37

Nika̱taisawaʼpaoʼtsiihtopi ni̱nna ota̱ʼpoʼtakssiistsi kima̱takstsinaoʼmaiʼtookihpoaawa.

John 10:38

Ki nita̱ʼpaoʼtsiihpiaawa. Ki a̱nniayii ikkamsa̱ohkottomaiʼtookiinoainiki nita̱a̱niihpistsi, issa̱ʼtsikaawa nita̱nisttsiihpistsi, ka̱a̱hkitomaiʼtakssoaayi Ka̱a̱hkohtssksiniihpoaawa, o̱tsistapiʼtsiihpoaawa nomohpipa̱i̱tapiʼssi ni̱nna A̱ʼpistotookiwa, kii osto̱yi iihpipa̱i̱tapiiwa niisto̱i.”

John 11:47

Ki a̱nniayii omi̱i̱ksi ni̱naato̱yaapiikoaiksi ki Pharisees itomo̱wooyaawa. A̱nnikskaoʼkiaawa a̱o̱kakihtsimaaiksi. Kii, ki a̱a̱niiyaawa “A̱nnohka oma̱ahka mata̱piwahka a̱i̱pisataistamatstohkiwa, kii kiisto̱nnoona annohka ma̱taissika̱aa̱ttsaawaatsi.

John 12:37

Oki. Oma̱tomaiʼto̱o̱ka amo̱o̱ksi o̱tapiʼsini, ki̱i̱wa ota̱a̱kawohpi otsipisa̱taistamatstohkssiistsi. A̱nniayii Isaiah niitsi̱kayissiinaapaniiwa manista̱kaʼpiihpii.

John 14:11

Ama̱i̱ʼtsit nomohpipa̱i̱tapiʼssi ni̱nna kii omohpipa̱i̱tapiʼssi niisto̱yi. Ikkama̱nistaiksimsstaainoainiki kitsawa̱ohkottomaiʼtsissooaayi inao̱ʼkohtomaiʼtakika nitsipisatani̱sttsissiistsi.

John 20:30

O̱ki. A̱nnohka a̱a̱mo sina̱a̱kssini kita̱o̱ksstoohpoaawayi a̱nnohka ma̱tsitohkanaitsinikatoohpi Jesus otsi̱tsipisataistamatstohkihpistsi ota̱o̱hpoko̱omahsi oma̱nikapiimiksi. Ika̱kawoi ka̱taiʼtssi̱naaihpistsi.

John 3:2

Si̱i̱pioksisawa̱aatsiiwa ami̱i Jesus. Sota̱manistsiiwa̱yi “O̱ki a̱i̱ssksinimaatstohki. Ni̱tssksiniʼpinnaan kito̱ʼtssko̱yissi A̱ʼpistotookiwa ka̱ahkitssksinimaatstohkssi. Taka̱a kika̱taiʼsspommo̱yihtopi A̱ʼpistotookiwa kima̱takohkottanisttotsiihpa a̱a̱mostsi kipisa̱taistamatstohkssiistsi.”

John 7:31

Sota̱mitakaitapiiyi iima̱i̱ʼtoyiiksi Jesus. A̱a̱niiyaawa otsska̱akaohsi otsipisata̱i̱stamatstohkssiistsi; a̱kohkottohtoʼtssksiniihpa ota̱mssayi A̱ʼpistotookiwa anniiska ota̱kohkoikiihpiska.

John 8:12

O̱ki. Ki a̱nnika oma̱a Jesus, ki ma̱tta̱isitsipssatsiiwa omi̱i o̱tapiiʼsini. A̱a̱niiwa, “Niisto̱wa a̱nnahkaoʼka iihkotsi̱i̱wa mata̱piiyi ma̱a̱hkitaʼpawaawahkaaniaiks ksistsiko̱i̱nattsi. Oma̱a mata̱piwa ikka̱mohtaisapoosi niisto̱yi a̱kitsaitaʼpawaawahkaawa isski̱inattsi. A̱kaissksitsipaitapiiwa ksisstiko̱inattsi. A̱nni iihto̱ʼtsstsiiwa niipa̱i̱tapiʼssini.”

John 8:24

Kika̱a̱tanistohpoaawa aa̱i̱ʼniinoainiki kima̱takssiinomootsspoaawa kipahtsa̱ʼpssoaawaistsi. Ikka̱msaomaiʼtookiinoainiki nita̱mssi, aa̱i̱ʼniinoainiki kima̱takssiinomootspoaawa kipahtsa̱ʼpssoawaistsi.”

John 8:56

Ko̱mohtsiistapaahkoyiipaitapiihpoaawa Abrahama. O̱stoyi i̱i̱ksskaʼohtsiʼtaamssiwa o̱tssksinissi nita̱kitsino̱yissi niisto̱yi a̱nnohka nitsi̱tsipaitapiihpi. Ki a̱nnoohka nika̱i̱nooka, kii i̱i̱kohtsiksimatsiʼtakiwa.”

John 8:58

Jesus itani̱stsiiwaiksi, “O̱ki. Kita̱kanistohpoaawa niitsi̱i̱yi. Niisto̱wa a̱nnahkaoʼka annaahka a̱i̱sksitaisstsiiwahka; otsi̱tsaomiitaisstsiihpi Abraham nitaissksitaisstsii.”