John 1:51 - Annaahk John Manistsitsinikatahpi Jesus Manistsipaitapiihpiai 1979

⁵¹ Jesus ina̱i̱ʼtanistsiiwayi, “Kita̱komiiksistsiniʼpoaawa isspo̱o̱htsi otsika̱i̱ʼsstsissi. Kii A̱ʼpistotookiwa ota̱toyiitapiimiksi a̱kohtohkoikiaawa niisto̱yi ma̱a̱hksspommoohsaawa kii ma̱a̱hkattsainnisoohsaawa. Niisto̱akaoʼka annaahka Mata̱piiwahka.”

John 1:51 ပူးပေါင်းရင်းမြစ်များ

John 1:50

Jesus itani̱stsiiwayi, “Kita̱a̱nisto kitsi̱tsinoo annihka kitsi̱tsitsistaahtaopiihpihka omaam miistsi̱sa, kii a̱nnohkayi ko̱mohtomatapomaiʼtaki. Kita̱ksiniʼpa oʼtsi̱tssksipisataʼpiistsi.”

John 10:1

“O̱ki, kita̱kanistohpoaawa niitsi̱i̱yi. Omi̱i̱stsiska ita̱yoʼkiaahpi i̱i̱mahkihkinaiksi, ikkami̱tsstsiihki mata̱pii a̱a̱hksaohtsisapoʼksipiimi ami̱i kitsim̱i ki a̱a̱hkoohki̱i̱tsikiʼtawaatoomayi a̱nnayii saa̱o̱mmitsitapiiyi. A̱ksisimiikamoʼsiwa.

John 10:7

Kii Jesus ka̱a̱tstamsopoyaʼpanistsiiwaiksi, “O̱ki. Kita̱kanistohpoaawa niitsi̱i̱yi. Niisto̱ahkaoʼka omii kitsi̱mi omi̱i̱kska i̱i̱mahkihkinaaikska o̱mohtaipiihpi.

John 13:16

Kitakanistohpoaawa niitsi̱i̱yi. Omo̱a a̱ʼpaoʼtomohkiwa ma̱toʼtsitsksspssiimiwa ami̱i ota̱ʼpaoʼtomoai. Ki ama̱a otohka̱ʼtaana ma̱toʼtsitsksspssiimiwa ami̱i otsi̱i̱ʼtohkakki.

John 13:38

Jesus itani̱stsiiwa̱yi, “Kita̱i̱pahtaʼpssi. Kita̱kanisto niitsi̱i̱yi. Saoma̱o̱hkomisi ni̱naiʼtawa̱aki kita̱ki̱tsoohksskaanii kitsa̱i̱ʼssksinookssi.”

John 14:12

Kita̱kanistohpoaawa niitsi̱i̱yi. Oma̱a nita̱o̱maiʼtooka a̱kitotoisapaʼpoʼtakiwa niisto̱i, kii ota̱ʼpoʼtsiihpistsi a̱kitoʼtsitsksskonataʼpiiyaawa niisto̱yi nita̱ʼpoʼtakssiistsi, takaa niisto̱wa nita̱ksskitapoo ni̱nna.

John 16:20

O̱ki, kita̱kanistohpoaawa niitsiiyi. Kiisto̱aawa kita̱yaaka̱sanihpoaawa, kita̱yaakaoyiʼtakihpoaawa. Kii ka̱taʼyaomaiʼtakiiksi a̱ksotamiʼtaamssiaawa. Ki kiisto̱aawa ki ta̱ksikihki̱niʼtakihpoaawa. Kii aipstsi̱ksisamosi kita̱kitahtsoaiʼtaamssa̱ttsootspoaawa.

John 16:23

Ki a̱nniayii aʼnista̱ʼpisi kita̱kitsawattokamanikkihpoaawa. Kita̱kanistohpoaawa niitsiiyi. A̱a̱mostska kitsi̱i̱kamanistahpoaawayi ni̱nna, ikka̱mohto̱kamaniinoainiki kita̱mssoaayi omi̱i̱ksisk itoma̱i̱ʼtakiiksi niisto̱yi kita̱kitohkokkoaawaistsi.

John 21:18

Kita̱kanisto niitsi̱i̱yi. Kiisto̱wa kitsi̱tsaakiaiʼnaksstspi kita̱ksi̱kaiksistsopoatsistotoohsi kii kita̱komaiʼpssiimi, ki kitsi̱tapa̱akoohpi kita̱kitapoo. Kii aomahki̱tapiiniki kita̱kitsissikinsstsaaki. A̱kitsissksipiihpa koʼtsi̱i̱stsi A̱kitsstsiihpa kita̱ki̱kaiksistsopoatsistotooki. Kita̱kitapi̱piookoo ki̱tsawaisstaahpi ka̱a̱hkitapoohsi.”

John 3:3

Jesus itani̱stsiiwa̱yi, “O̱ki. Kita̱kanisto niitsi̱i̱yi. Sawa̱ttsistaiʼpokayiinoainiki kima̱takohkottsitsinsspoaawa anniiksi A̱ʼpistotookiwa otsi̱tsinayihpiksi mata̱piiksi.”

John 3:5

Oma̱a̱ Jesus itsipo̱ʼtanistsiiwayi, “Kita̱kanisto niitsi̱i̱yi. Sawa̱ttohtsistaiʼpokaayinoainiki aohki̱i̱ ki Natowo̱ttaki kima̱takohkottsitsinsspoaawa A̱ʼpistotookiwa anni̱i̱ksi otsi̱tsinayihpiksi.

John 5:19

Ki a̱nnihkayii Jesus iihtani̱stsiiwaiksi anniihka o̱mohtaniihpihka “Ni̱nna ma̱ta̱o̱noaiksistaʼpoʼtaki ki a̱nnihkayii nino̱o̱hkattohtaʼpaoʼtaki i̱makssikopiiksistsikosi.” A̱a̱nistsiiwaiksi, “Nitohkoyimi̱yissi A̱ʼpistotookiwa no̱mohtanistaʼpaissi osto̱yi manista̱ʼpaisspi. Nima̱tawawattanisttotsiiʼpaatsi niisto̱wa. Osto̱yi ta̱waistama̱atsooka manista̱ʼpaisspi niʼto̱i̱ na̱a̱hkoohkattanistaʼpaissi. Ki nitsi̱tawanisttotsiiʼpi nanista̱waistamattsi̱yihpi.

John 5:27

Ki niisto̱yi nini̱ʼtaohkokka na̱a̱hkokakihtsimatahsi mata̱piiwa. Takaa niisto̱akaoʼka annaahka Mata̱piiwahka i̱kayissiinapanistawahka ota̱koʼtoohsi.

John 6:26

Jesus itsipo̱ʼtanistsiiwaiksi, “O̱ki. Kita̱kanistohpoaawa niitsi̱i̱yi. A̱a̱mohka pisa̱taistamatstohkssinihka kita̱kohkottohtoʼssksinookihpoaawa nita̱mihpi. Kii kima̱totsistapiʼtsiʼpoaawa. Kima̱tohtaʼpssammokihpoaawa kitotsistapi̱ʼtsissoaayi ta̱nisttsiihpi. Kika̱kohtaʼpaissammokihpoaawa anni̱i̱stsiska ko̱mohtokoyihpoaawaistska ki̱i̱taanistska.

John 6:32

O̱ki. A̱a̱mohka ota̱aniihpoaawayihka a̱nnihkayi Jesus iihtani̱stsiiwaiksi “Kita̱kanistohpoaawa niitsi̱i̱yi. Oma̱a Moses osto a̱nnayi ma̱tsiisakatooma anniihka inni̱i̱hkahtoohpihka napayi̱ni. Oma̱a ni̱nna a̱nnayi, osto̱yi iyi̱sakatomayi. Anniihka oma̱a Moses otsi̱i̱sakssinihka ma̱tamiiwatsiksi anniihka inni̱i̱hkahtoʼpi napayi̱ni. Niitapa̱naʼsiwa ni̱nna otoma̱tsskahtakssini a̱nnii ki̱i̱taani.

John 6:47

O̱ki. Kita̱kanistohpoaawa niitsi̱i̱yi. Iihkana̱o̱maiʼtakiiksi a̱kaiksistohkotayaawa amoohka a̱i̱ssksipaitapiiʼssinihka.

John 6:53

Kii a̱nnihkayii Jesus iihtani̱stsiiwaiksi, “Kitakaokamoʼtanistohpoaawa. Niisto̱wakaoʼka annaahka Mata̱piiwahka. Saohtso̱yiinoaainiki noosto̱mi, kii nitsa̱a̱pani saohtssi̱miinoainiki kima̱tsiitaʼpipaitapiyihpoaawa.

John 8:34

Jesus itani̱stsiiwaiksi, “O̱ki. Kita̱kanistohpoaawa niitsiiyi. Niʼto̱yi kani̱stsspoaawa ami̱i̱ksisk a̱isskohtaʼpoʼtakia̱ttsaaikska. Ko̱mohtanistsspoaawa annohk a̱nni kita̱i̱skssipahtsaʼpssoaayi. Ki̱tsskohtoiksimsstattsootspoaawa ka̱a̱hksipahtsaʼpssoaayi niʼto̱i a̱nni niitsskohto̱istsistotoahpi ami̱i̱ksisk a̱i̱sskohta̱poʼtakiattsaaiksi.

John 8:51

Kita̱kanistohpoaawa niitsi̱i̱yi. Kana̱i̱tapiiyi nita̱nistsiʼtookiksi nita̱a̱niihpistsi ma̱takohkoiʼni̱i̱waiksi.”

John 8:58

Jesus itani̱stsiiwaiksi, “O̱ki. Kita̱kanistohpoaawa niitsi̱i̱yi. Niisto̱wa a̱nnahkaoʼka annaahka a̱i̱sksitaisstsiiwahka; otsi̱tsaomiitaisstsiihpi Abraham nitaissksitaisstsii.”